ಕುಮಾರಸ್ವಾಮಿ U ಟರ್ನ್ ಹೊಡೆದಿದ್ದೇಕೆ?: ಜನಾರ್ದನ ಪೂಜಾರಿ

ಮಂಗಳೂರು, ಅ.17: ಮಾಜಿ ಸಿಎಂ ಬಿಎಸ್ ವೈ ಜೈಲು ಸೇರುತ್ತಲೇ ಮತ್ತೋರ್ವ ಮಾಜಿ ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿ U ಟರ್ನ್ ಹೊಡೆಯಲು ಕಾರಣ ಏನು? ಯಡಿಯೂರಪ್ಪ ವಿರುದ್ಧ ಸಮರ ಸಾರಿದ್ದ ಅವರು ಈಗ ಯಡ್ಡಿ ಪರ ಅನುಕಂಪದ ಮಾತನಾಡಲು ಕಾರಣವೇನು? ಎಂದು ಜನಾರ್ದನ ಪೂಜಾರಿ ಪ್ರಶ್ನಿಸಿದರು.

ಎಚ್ಡಿಕೆ ದಂಪತಿಯೂ ಜೈಲುಪಾಲು?: ಈ ಮಧ್ಯೆ, ಎಚ್ಡಿಕೆಗೆ ಸಣ್ಣಗೆ ನಡುಕ ಶುರುವಾಗಿದೆ. ಇಂದಲ್ಲ ನಾಳೆ ತಮಗೂ ಅದೇ ಗತಿ ಬರಬಹುದು ಎಂಬ ದೂರಾಲೋಚನೆಯೇ ಎಚ್.ಡಿ. ಕುಮಾರಸ್ವಾಮಿ 'ಯು"ಟರ್ನ್ ಗೆ ಕಾರಣ ಎನ್ನಬಹುದು.

ಜಂತಕಲ್ ಕಂಪನಿ ಗುತ್ತಿಗೆಯನ್ನು ಎಚ್ಡಿಕೆ ಕಾನೂನುಬಾಹಿರವಾಗಿ ನವೀಕರಣ ಮಾಡಿದ್ದಾರೆ. ಅವರ ಪತ್ನಿ ಅನಿತಾ ವಿಶ್ವಭಾರತಿ ಸಂಘದಿಂದ ಅಕ್ರಮ ನಿವೇಶನ ಪಡೆದಿದ್ದಾರೆ ಎಂದು ವಿನೋದ್ ಕುಮಾರ್ ದೂರು ನೀಡಿದ್ದರು. ಈ ಪ್ರಕರಣದಲ್ಲಿ ಕೋರ್ಟ್ ಇಂದು ಜಾಮೀನು ಅರ್ಜಿ ಕುರಿತು ತೀರ್ಪು ನೀಡಲಿದೆ.

ಒಂದು ವೇಳೆ, ಜಾಮೀನು ಸಿಗದಿದ್ದರೆ ಎಚ್ಡಿಕೆ ದಂಪತಿ ಇಂದೇ ಜೈಲುಪಾಲಾಗಬಹುದು. ಜಂತಕಲ್ ಕಂಪನಿಯ ಎಂಡಿ ವಿನೋದ್ ಗೋಯಲ್ ಸಹ ಅವರಿಗೆ ಸಾಥ್ ನೀಡಬಹುದು.

English summary

Former chief minister of Karnataka BS Yeddyurappa has been sent to jail. But another ex CM HD Kumaraswamy sympathises with BSY. And lo, Janardhana Pujari questions it promptly.