ಬಳ್ಳಾರಿ ಬಿಜೆಪಿ ಟೀಂನಿಂದ ಸಿಎಂಗೆ ರಾಜೀನಾಮೆ ಬೆದರಿಕೆ

By Mahesh

Published: Sunday, October 9, 2011, 10:28 [IST]

ಬೆಂಗಳೂರು, ಅ.9 ಬಳ್ಳಾರಿ ಜನಾರ್ದನ ರೆಡ್ಡಿ ಹಾಗೂ ಬೆಂಬಲಿಗರನ್ನು ಕಡೆ ಗಣಿಸಲಾಗುತ್ತಿದ್ದು, ಕೂಡಲೇ ಶ್ರೀರಾಮುಲು ಅವರ ರಾಜೀನಾಮೆ ಅಂಗೀಕರಿಸದೆ ಸಚಿವ ಸಂಪುಟಕ್ಕೆ ಸೇರಿಸಿಕೊಳ್ಳಬೇಕು, ಸೂಕ್ತ ಪ್ರಾತಿನಿಧ್ಯ ಸಿಗದಿದ್ದರೆ ಬಳ್ಳಾರಿ ಬಿಜೆಪಿ ಮುಖಂಡರು ಸಾಮೂಹಿಕ ರಾಜೀನಾಮೆ ನೀಡಬೇಕಾಗುತ್ತದೆ ಎಂದು ಟೀಂ ಬಳ್ಳಾರಿ ಸದಾನಂದ ಗೌಡರಿಗೆ ಎಚ್ಚರಿಕೆ ನೀಡಿದೆ.

ಜನಾರ್ದನ ರೆಡ್ಡಿಯ ಆಪ್ತರಾದ ಕೆಲವು ಸಂಸದರು ಹಾಗೂ ಶಾಸಕ ಮುಖ್ಯಮಂತ್ರಿ ಡಿವಿ ಸದಾನಂದ ಗೌಡರನ್ನು ಗೃಹ ಕಚೇರಿ 'ಕೃಷ್ಣಾ"ದಲ್ಲಿ ಭೇಟಿ ಮಾಡಿದರು.

ಜೈಲಿನಲ್ಲಿರುವ ಮಾಜಿ ಸಚಿವ ಜನಾರ್ದನ ರೆಡ್ಡಿಯ ರಕ್ಷಣೆಗೆ ಸರ್ಕಾರ ಯಾವುದೇ ರೀತಿ ಸಹಕಾರ ನೀಡಿಲ್ಲ. ಪಕ್ಷ ಅಧಿಕಾರಕ್ಕೆ ಬರುವಾಗ ರೆಡ್ಡಿಯವರಿಂದ ಸಹಕಾರ ಪಡೆದು ಈಗ ಅವರ ಆಪ್ತರನ್ನೆಲ್ಲ ಕಡೆಗಣಿಸಲಾಗುತ್ತಿದೆ ಎಂದು ಟೀಂ ಬಳ್ಳಾರಿ ಆಕ್ರೋಶ ವ್ಯಕ್ತಪಡಿಸಿದೆ.

ಶ್ರೀರಾಮುಲುರಿಗೆ ಸಂಪುಟದಲ್ಲಿ ಸ್ಥಾನ ನೀಡದಿದ್ದರೆ ನಾವೆಲ್ಲರೂ ಸಾಮೂಹಿಕವಾಗಿ ರಾಜೀನಾಮೆ ನೀಡುತ್ತೇವೆ ಎಂದು ಸಂಸದ ಫಕ್ಕೀರಪ್ಪ, ಜೆ.ಶಾಂತಾ, ಶಾಸಕಸೋಮಶೇಖರ ರೆಡ್ಡಿ, ಸೋಮಲಿಂಗಪ್ಪ, ಸುರೇಶ್ ಬಾಬು, ನೇಮಿನಾಥ ನಾಯಕ್, ಚಂದ್ರ ನಾಯಕ್ ಮತ್ತಿತರರು ಸಿಎಂಗೆ ಎಚ್ಚರಿಕೆ ನೀಡಿದ ಪ್ರಮುಖರಾಗಿದ್ದಾರೆ

Published On October 9, 2011