ಸಿಬಿಐ ಬಂಧನದಿಂದ ಮುಕ್ತಿ ಪಡೆದು ಜೈಲು ಸೇರಿಕೊಂಡ ರೆಡ್ಡಿ

By Srinath

Published: Monday, September 19, 2011, 10:55 [IST]

ಹೈದರಾಬಾದ್, ಸೆ.19: ಅಕ್ರಮ ಗಣಿಗಾರಿಕೆ ಆರೋಪದ ಮೇಲೆ ಸಿಬಿಐ ಬಂಧನದಲ್ಲಿರುವ ಗಾಲಿ ಜನಾರ್ದನ ರೆಡ್ಡಿ ಮತ್ತು ಅವರ ಬಾವ ಶ್ರೀನಿವಾಸ ರೆಡ್ಡಿ ಅವರನ್ನು ಅಕ್ಟೋಬರ್ 3ರ ವರೆಗೆ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದ್ದು, ಚಂಚಲಗೂಡ ಕೇಂದ್ರ ಕಾರಾಗೃಹಕ್ಕೆ ಇಬ್ಬರೂ ಕೆಲವೇ ಕ್ಷಣಗಳಲ್ಲಿ ಮರಳಲಿದ್ದಾರೆ. ನಾಂಪಲ್ಲಿಯಲ್ಲಿರುವ ಸಿಬಿಐ ವಿಶೇಷ ನ್ಯಾಯಾಲಯ ಇಬ್ಬರಿಗೂ ಸಿಬಿಐನಿಂದ ಮುಕ್ತಿ ನೀಡಿ, ಸೋಮವಾರ ಈ ಆದೇಶ ಹೊರಡಿಸಿದೆ.

ಎರಡು ದಿನಗಳ ಕಾಲ ಶ್ರೀನಿವಾಸ ರೆಡ್ಡಿಯನ್ನು ಬಳ್ಳಾರಿಗೆ ಕರೆದೊಯ್ದಿದ್ದ ಸಿಬಿಐ ಭಾನುವಾರ ರಾತ್ರಿ ಹೈದರಾಬಾದಿಗೆ ವಾಪಸ್ ಕರೆತಂದಿತ್ತು. ಇನ್ನು ಜನಾ ರೆಡ್ಡಿಯನ್ನು ಹೈದರಾಬಾದಿನ ಕೋಠಿ ಪ್ರದೇಶದಲ್ಲಿರುವ ಕಚೇರಿಯಲ್ಲೇ ವಿಚಾರಣೆಗೆ ಗುರಿಪಡಿಸಿತ್ತು. ಸೆ. 5ರಿಂದ ಚಂಚಲಗೂಡ ಜೈಲಿನಲ್ಲಿದ್ದ ಇಬ್ಬರನ್ನೂ ಕಳೆದ ವಾರ (ಸೆ.13) ಸಿಬಿಐ ವಶಕ್ಕೆ ನೀಡಲಾಗಿತ್ತು.

Published On September 19, 2011