ಅಣ್ಣಾ ಬೇಡಿಕೆಗಳಿಗೆ ಒಪ್ಪಿಗೆ, ಇಂದು ಉಪವಾಸ ಅಂತ್ಯ

ನವದೆಹಲಿ, ಆ. 27 : ಲೋಕಪಾಲ ಮಸೂದೆ ಮಂಡನೆಗೆ ಸಂಬಂಧಿಸಿದಂತೆ 12 ದಿನಗಳಿಂದ ನಿರಾಹಾರ ಉಪವಾಸ ಮಾಡುತ್ತಿರುವ 74 ವರ್ಷದ ಅಣ್ಣಾ ಹಜಾರೆಯವರು ಮುಂದಿಟ್ಟಿದ್ದ ಮೂರು ಬೇಡಿಕೆಗಳಿಗೆ ಕೇಂದ್ರ ಸರಕಾರ ತಾತ್ವಿಕವಾಗಿ ಒಪ್ಪಿದ್ದು, ಇಂದು ಸಂಜೆ ಅಣ್ಣಾ ಆಮರಣಾಂತ ಉಪವಾಸ ಸತ್ಯಾಗ್ರಹ ಮುರಿಯುವ ಸಂಭವನೀಯತೆಯಿದೆ.

ಆ ಶಿಫಾರಸುಗಳು

* ಎಲ್ಲಾ ರಾಜ್ಯಗಳಲ್ಲಿ ಲೋಕಾಯುಕ್ತ ನೇಮಕವಾಗಬೇಕು.
* ಸರಕಾರಿ ಕಚೇರಿಗಳಲ್ಲಿ ನಾಗರಿಕ ಸನ್ನದು ಅನುಷ್ಠಾನಕ್ಕೆ ತರಬೇಕು.
* ಕೆಳಹಂತದ ಅಧಿಕಾರಿಗಳನ್ನೂ ಲೋಕಪಾಲ ವ್ಯಾಪ್ತಿಗೆ ತರಬೇಕು.

ಈ ಮೂರು ಶಿಫಾರಸುಗಳನ್ನು ಒಪ್ಪುವರೆಗೆ ಉಪವಾಸ ಕೈಬಿಡುವುದಿಲ್ಲ ಎಂದು ಅಣ್ಣಾ ಹಜಾರೆ ಹಠ ಹಿಡಿದು ಕುಳಿತಿದ್ದರು. ಈ ಶಿಫಾರಸುಗಳನ್ನು ಬಿಜೆಪಿ ಕೂಡ ಬೆಂಬಲಿಸಿದೆ. ಇದರಿಂದ ಬೆಚ್ಚಿಬಿದ್ದಿದ್ದ ಯುಪಿಎ ಸರಕಾರ ಶನಿವಾರ ಜನ ಲೋಕಪಾಲ ಮಸೂದೆ ಕುರಿತಂತೆ ನಡೆದ ಚರ್ಚೆಯಲ್ಲಿ ತಾತ್ವಿಕವಾಗಿ ಒಪ್ಪಿಗೆ ನೀಡಿದೆ.

ಅಣ್ಣಾ ಹಜಾರೆಯವರು ಇಂದು ಸಂಜೆ 6 ಗಂಟೆಗೆ ಉಪವಾಸಕ್ಕೆ ಕೊನೆ ಹಾಡಲಿದ್ದಾರೆ. ಇದು ಅಣ್ಣಾ ಹಜಾರೆಗೆ ಮಾತ್ರವಲ್ಲ ಇಡೀ ದೇಶಕ್ಕೆ ಸಿಕ್ಕ ಜಯ ಎಂದು ಆರ್ಟ್ ಆಫ್ ಲಿವಿಂಗ್ ನ ಶ್ರೀಶ್ರೀ ರವಿಶಂಕರ್ ಗುರೂಜಿ ಅವರು ಹೇಳಿದ್ದಾರೆ.

English summary

74-year-old Anna Hazare will finally heave a sigh of relief after a debate in parliament will resolve with accepting all three demands of the veteran for a new Lokpal.