ಶ್ರೀರಂಗಪಟ್ಟಣ ಬಳಿ ಕಾರು-ರೈಲು ಡಿಕ್ಕಿ: ಇಬ್ಬರ ಸಾವು

ಶ್ರೀರಂಗಪಟ್ಟಣ, ಜುಲೈ 1: ಶ್ರೀರಂಗಪಟ್ಟಣ ತಾಲ್ಲೂಕಿನ ಕೆಆರ್ ಎಸ್ ರೈಲು ನಿಲ್ದಾಣದ ಬಳಿ ಶನಿವಾರ ರಾತ್ರಿ ರೈಲು, ಕಾರು ನಡುವೆ ಡಿಕ್ಕಿ ಸಂಭವಿಸಿ ಇಬ್ಬರು ಮೃತಪಟ್ಟಿದ್ದಾರೆ. ಇದರಿಂದ ರೊಚ್ಚಿಗೆದ್ದ ಸ್ಥಳೀಯರ ಜನ ಭಾನುವಾರ ತೀವ್ರ ಪ್ರತಿಭಟನೆ ನಡೆಸಿದ್ದಾರೆ.

ಮಲ್ಲೇಗೌಡನಹಳ್ಳಿಯ ರಮೇಶ್ (40), ಪಾಂಡವಪುರ ತಾಲ್ಲೂಕಿನ ಸಿಂಧಬೋಗನಗ್ರಾಮದ ವೈಕುಂಠೇಗೌಡ (37) ಮೃತ ಪಟ್ಟವರು. ಮಾನವ ರಹಿತ ರೈಲ್ವೆ ಕ್ರಾಸಿಂಗ್ ಬಳಿ ರಾತ್ರಿ 9.05 ಗಂಟೆಗೆ ಈ ಅಪಘಾತ ಸಂಭವಿಸಿದೆ.

ರೈಲು ಅರಸೀಕೆರೆಯಿಂದ ಮೈಸೂರಿಗೆ ಬರುತ್ತಿತ್ತು. ಕಾರು ಮಲ್ಲೇಗೌಡನಹಳ್ಳಿಯಿಂದ ಕೆಆರ್‌ಎಸ್‌ಗೆ ಬರುತ್ತಿತ್ತು. ಡಿಕ್ಕಿಯ ರಭಸಕ್ಕೆ ಕಾರು ಎರಡು ತುಂಡಾಗಿದ್ದು ಅರ್ಧ ಕಿಲೋ ಮೀಟರ್ ದೂರದಲ್ಲಿ ಬಿದ್ದಿದ್ದು ಮೃತದೇಹಗಳು ಛಿದ್ರಗೊಂಡಿವೆ.

English summary

At an unmanned railway level crossing near KRS railway station in Srirangapattana taluq car borne 2 passengers died when a train hit the car on July 2.