ಆಣೆ-ಪ್ರಮಾಣ ಬೇಡ: ಕುದಿಯುವ ಎಣ್ಣೆಯಲ್ಲಿ ಕೈ ಇಡಲಿ

By * ವೆಂಕಟೇಶ. ಕೆ. ಜನಾದ್ರಿ, ಗುಲ್ಬರ್ಗ

Published: Thursday, June 23, 2011, 8:47 [IST]

ಬೆಂಗಳೂರು, ಜೂನ್ 23: ಧರ್ಮಸ್ಥಳದ ಶ್ರೀಕ್ಷೇತ್ರದಲ್ಲಿ ಮಾಜಿ ಮತ್ತು ಹಾಲಿ ಮುಖ್ಯಮಂತ್ರಿಗಳಿಬ್ಬರೂ ತಮ್ಮ ಸಾಚಾತನದ ಸಾಬೀತಿಗಾಗಿ ಆಣೆ ಅಥವಾ ಪ್ರಮಾಣ ಮಾಡುವುದು ಶ್ರೀ ಮಂಜುನಾಥನನ್ನು ಮುಜುಗುರಕ್ಕೀಡು ಮಾಡುವುದಲ್ಲದೆ ಅಲ್ಲಿನ ಭಕ್ತರಿಗೂ ಮುಂದಿನ ದಿನಗಳಲ್ಲಿ ನಂಬಿಕೆ ಹೊರಟು ಹೋಗುವ ಅಪಾಯವಿದೆ.

ಏಕೆಂದರೆ ಅಧಿಕಾರ ಬಳಸಿಕೊಂಡು ಏನೆಲ್ಲಾ ಮಾಡುವ ಇವರು ಧೈರ್ಯದಿಂದ ಆಣೆ ಮಾಡಿಬಿಡುವರು. ಅಲ್ಲದೇ ಈ ಹಿಂದೆ, ಇದೇ ರೀತಿಯ ಹೇಳಿಕೆಯನ್ನು ನೀಡಿರುವ ಶೋಭಕ್ಕಳೂ ಸೇರಿದಂತೆ ಎಲ್ಲರೂ ಧರ್ಮಸ್ಥಳದಲ್ಲಿ ಆಣೆ, ಪ್ರಮಾಣ ಮಾಡುವ ಬದಲಿಗೆ ಶ್ರೀ ಮಂಜುನಾಥನ ಸನ್ನಿಧಿಯಲ್ಲಿ ಕುದಿಯುವ ಎಣ್ಣೆಯಲ್ಲಿ ತಮ್ಮ ತಮ್ಮ ಕೈಯನ್ನು ಇಡಲಿ.

ಯಾರು ಸತ್ಯ ಸಂಧರಿದ್ದಾರೋ, ಪ್ರಾಮಾಣಿಕರಿದ್ದಾರೋ ಅವರನ್ನು ಅವರು ನಂಬಿಕೊಂಡಿರುವ ಆ ಶ್ರೀ ಮಂಜುನಾಥ ಕಾಪಾಡಲಿ. ಸುಳ್ಳರನ್ನು, ಭ್ರಷ್ಟರನ್ನು ಆ ದೇವರೇ ಕೈ ಸುಟ್ಟುಹೋಗುವಂತಹ ಶಿಕ್ಷೆಯನ್ನು ನೀಡುವಂತಾಗಲಿ.

Published On June 23, 2011