ಹುಣಸೂರು ವಿದ್ಯಾರ್ಥಿಗಳ ಹತ್ಯೆ- ಕೋಲ್ಕೊತ್ತಾದಲ್ಲಿ 3 ಸೆರೆ

ಹುಣಸೂರು, ಜೂನ್ 16: ಮೈಸೂರು ಮಹಾಜನ ಕಾಲೇಜಿನ ಬಿಬಿಎಂ ವಿದ್ಯಾರ್ಥಿಗಳಾದ ಸುಧೀಂದ್ರ ಮತ್ತು ವಿಘ್ನೇಶ್ ಅವರುಗಳ ಅಪಹರಣ ಮತ್ತು ಹತ್ಯೆ ಪ್ರಕರಣಕ್ಕೆ ತಿರುವು ಸಿಕ್ಕಿದೆ.

ಪ್ರಕರಣದಲ್ಲಿ ಒಟ್ಟು ಎಂಟು ಮಂದಿ ಭಾಗಿಯಾಗಿದ್ದು, ಕರ್ನಾಟಕ ಪೊಲೀಸರು ಮೂವರನ್ನು ಕೋಲ್ಕೊತ್ತಾದಲ್ಲಿ ಬಂಧಿಸಿದ್ದಾರೆ ಎಂದು ವಿಶ್ವಸನೀಯ ಮೂಲಗಳು ತಿಳಿಸಿವೆ.

ಪ್ರಕರಣದ ಸಂಬಂಧ ರಚಿಸಲಾಗಿರುವ ಸಹಾಯಕ ಪೊಲೀಸ್ ಆಯುಕ್ತ ನ್ಯಾಮಗೌಡ ನೇತೃತ್ವದ ವಿಶೇಷ ತನಿಖಾ ತಂಡವು ಕೋಲ್ಕೊತ್ತಾದಲ್ಲಿ ಈ ಮೂವರನ್ನು ಬಂಧಿಸಿದೆ. ಆದರೆ ಬಂಧಿತರ ವಿವರ ಬಹಿರಂಗಪಡಿಸಿಲ್ಲ. ಮೂವರನ್ನೂ ಇಂದು ಬೆಂಗಳೂರಿಗೆ ಕರೆತರುವ ನಿರೀಕ್ಷೆಯಿದೆ.

English summary

Three of the 8 persons allegedly responsible for kidnapping and killing two youths from Hunsur have been arrested in Kolkata. Sources said the three persons arrested in Kolkata would be taken to Bangalore on Thursday (June16). However, police officers from Mysore region did not confirm the arrests.