ಮಗನ ಶಿಕ್ಷಣಕ್ಕೆ ಹಣ ಹೊಂದಿಸಲಾಗದೆ ಅಪ್ಪ ನೇಣಿಗೆ ಶರಣು

ಮಂಗಳೂರು, ಮೇ 24: ಬೆಂಗಳೂರಿನ ವಾಣಿಜ್ಯ ತೆರಿಗೆ ಇಲಾಖೆಯ ಅಸಿಸ್ಟೆಂಟ್ ಕಮೀಷನರ್ ಎಸ್. ವಿ. ರಂಗನಾಥ್ ರಾವ್ (59) ಅವರು ಇಲ್ಲಿನ ಹೋಟೆಲೊಂದರಲ್ಲಿ ನೇಣು ಹಾಕಿಕೊಂಡು ಸಾವನ್ನಪ್ಪಿದ್ದಾರೆ.

ಮಗನ ವಿದ್ಯಾಭ್ಯಾಸಕ್ಕೆ ಹಣ ಹೊಂದಿಸಲಾಗದೆ, ಅಸಹಾಯಕ ಸ್ಥಿತಿಗೆ ತಲುಪಿ ಈ ನಿರ್ಧಾರ ತೆಗೆದುಕೊಂಡಿರುವುದಾಗಿ ಡೆತ್ ನೋಟ್ ಬರೆದಿಟ್ಟು ರಂಗನಾಥ್ ಇಹಲೋಕದ ವ್ಯವಹಾರ ಮುಗಿಸಿದ್ದಾರೆ.

ಮೂಲತಃ ಬೆಂಗಳೂರಿನವರಾದ ರಂಗನಾಥ್ ಮೇ 16ರಂದು ಹೋಟೆಲ್ ರೂಮನ್ನು ಬಾಡಿಗೆಗೆ ಪಡೆದಿದ್ದರು. ಮೇ 23ರಂದು ಹೋಟೆಲ್ ಸಿಬ್ಬಂದಿಗೆ ಈ ಕೊಠಡಿಯಿಂದ ಗಬ್ಬುನಾಥ ಬಡಿಯತೊಡಗಿತು. ವೆಂಟಿಲೇಟರ್ ಮೂಲಕ ಒಳಗೆ ಇಣಿಕಿದಾಗ ರಂಗನಾಥ್ ಶವ ಕಂಡುಬಂದಿದೆ. ಬಂದರು ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ತನಿಖೆ ನಡೆಸಿದ್ದಾರೆ.

English summary

S V Ranganath Rao (59), working as assistant commissioner in the department of commercial taxes and a native of Bangalore, ended his life in a hotel in Mangalore by hanging himself.