ಹಾಸನದಲ್ಲಿ ನಗರ ಸಾರಿಗೆಗೆ ಉತ್ತಮ ಪ್ರತಿಕ್ರಿಯೆ

ಹಾಸನ, ಫೆ.18: ಇಲ್ಲಿನ ಕೆಎಸ್ಆರ್ ಟಿಸಿ ಘಟಕ ಇತ್ತೀಚೆಗೆ ಆರಂಭಿಸಿದ ನಗರ ಸಾರಿಗೆ ವ್ಯವಸ್ಥೆಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಇದರ ಜೊತೆಗೆ ಸಂತೆಪೇಟೆ-ತಣ್ಣೀರ ಹಳ್ಳ-ದೊಡ್ಡ ಮಂಡಿಗನಹಳ್ಳಿಗೆ ಹಾಗೂ ರೈಲ್ವೆ ನಿಲ್ದಾಣ-ಡೈರಿ ಸರ್ಕಲ್-ಆರ್.ಟಿ.ಓ. ಕಛೇರಿಗೆ ನೂತನವಾಗಿ ಎರಡು ನಗರ ಸಾರಿಗೆಯನ್ನು ಪ್ರಾರಂಭಿಸಲಾಗಿದೆ ಎಂದು ವಿಭಾಗೀಯ ನಿಯಂತ್ರಣಾಧಿಕಾರಿ ತಿಳಿಸಿದ್ದಾರೆ.

ಫೆ. 12 ರಿಂದ ಹಾಸನ ವಿಭಾಗದ ಕೆಎಸ್ಆರ್ ಟಿಸಿ ಘಟಕದಿಂದ ಆರಂಭವಾದ ಹೊಸ ಸಾರಿಗೆ ಮಾರ್ಗ ಹಾಗೂ ದರ ಪಟ್ಟಿಯನ್ನು ಬಿಡುಗಡೆ ಮಾಡಲಾಗಿದೆ. ಬೆಳಗ್ಗೆ 7 ಗಂಟೆಯಿಂದ ಸಂಜೆ 7 ಗಂಟೆಯವರೆಗೆ 18 ಸುತ್ತು ಸಂಚಾರ ಮಾಡಲಾಗುತ್ತಿದೆ. ಸದರಿ ಸೌಲಭ್ಯವನ್ನು ಸಾರ್ವಜನಿಕ ಪ್ರಯಾಣಿಕರು ಸದುಪಯೋಗ ಪಡೆದುಕೊಳ್ಳಬೇಕು ಎಂದು ಟಿಸಿ ಸುಬ್ಬಯ್ಯ ಹೇಳಿದ್ದಾರೆ.

ದರ ವಿವರ : ಹಾಸನ ಬಸ್ ನಿಲ್ದಾಣದಿಂದ : ಡೈರಿಗೆ 3 ರೂ., ಆರ್.ಟಿ.ಓ. ಕಛೇರಿಗೆ 5 ರೂ., ಸಂತೆಪೇಟೆಗೆ 3 ರೂ., ಆಯುರ್ವೇದಿಕ್ ಕಾಲೇಜಿಗೆ 3 ರೂ., ದೊಡ್ಡ ಮಂಡಿಗನಹಳ್ಳಿಗೆ 3 ರೂ. ಹಾಗೂ ಆರ್.ಟಿ.ಓ. ಕಛೇರಿ ಯಿಂದ ದೊಡ್ಡ ಮಂಡಿಗನಹಳ್ಳಿಗೆ 7 ರೂ. ಟಿಕೆಟ್ ದರ ನಿಗದಿ ಪಡಿಸಲಾಗಿದೆ.

English summary

City Bus service started in Hassan from Feb.12 has received good response from citizens. KSRTC Hassan division has released bus fare list. New routes are up to Mandiganahalli and Tannirhalla.