Get Updates
Get notified of breaking news, exclusive insights, and must-see stories!

ಆರು ಹೆಂಡಿರ ನಕಲಿ ಜ್ಯೋತಿಷಿಯ ಬಂಧನ

nityananda astrologer
ಬೆಂಗಳೂರು, ಫೆ.10: ನಕಲಿ ಜ್ಯೋತಿಷಿಯೊಬ್ಬ ಆರು ಪತ್ನಿಯರ ವಲ್ಲಭನಾಗಿದ್ದಾನೆ. ವರ್ಷದಲ್ಲಿ ಒಬ್ಬೊಬ್ಬ ಪತ್ನಿಯ ಮನೆಯಲ್ಲಿ ಕೇವಲ ಎರಡು ತಿಂಗಳ ಅವಧಿಗೆ ಸಂಸಾರ ಹೂಡುತ್ತಿದ್ದ ಈತ ಅನೇಕ ಸಂಸಾರಗಳನ್ನು ನಿಭಾಯಿಸುವ ಕಲೆಯನ್ನು ಕರತಲಾಮಲಕ ಮಾಡಿಕೊಂಡಿದ್ದ. ಇವನ ಹೆಸರು ನಿತ್ಯಾನಂದ ಶಾಸ್ತ್ರಿ ಅಲಿಯಾಸ್ ನಿತ್ಯಾನಂದ ಪೂಜಾರಿ ಅಲಿಯಾಸ್ ನಿತ್ಯಾನಂದ ಶೆಟ್ಟಿ (40).

ತನ್ನ ಪತ್ನಿಯರನ್ನೆಲ್ಲ ಸುಸೂತ್ರವಾಗಿ ನಿಭಾಯಿಸಲು ಇವನು ಆಯ್ದುಕೊಂಡ ಉದ್ಯೋಗ ಜ್ಯೋತಿಷ್ಯ ಹೇಳುವುದು ಹಾಗೂ ಕುದುರೆ ಜೂಜು. ಇವನ ಭವಿಷ್ಯವೆಂದರೆ ಅದು ಬರೀ ಸುಳ್ಳಿಕ ಕಂತೆ. ಕೊನೆಗೆ ಹೀಗೆ ಸುಳ್ಳು ಹೇಳುವಾಗಲೇ ಪೊಲೀಸರಿಗೆ ಅತಿಥಿಯಾಗಿದ್ದಾನೆ. ನಗರದ ಚಾಮರಾಜಪೇಟೆ ಠಾಣೆ ಪೊಲೀಸರು ಇವನನ್ನು ಬುಧವಾರ ಬಂಧಿಸಿದ್ದಾರೆ. ಆ ಸಂದರ್ಭದಲ್ಲಿ ಇವನ ರಾಸಲೀಲೆಗಳು ಪ್ರಕಾಶಮಾನವಾಗಿವೆ.

ಲಕ್ಷ್ಮಿ ಸೆರೆ ಮಾಲೆ: ಚಾಮರಾಜಪೇಟೆ 2ನೇ ಮುಖ್ಯರಸ್ತೆ 9ನೇ ಕ್ರಾಸ್‌ನ ಇಂದಿರಾ ಎಂಟರ್‌ಪ್ರೈಸಸ್ ಬಳಿಯಿರುವ ಮಧುಸೂಧನ ಎಂಬುವರ ಪರಿಚಯ ಮಾಡಿಕೊಂಡ ನಿತ್ಯಾನಂದ, ನಿಮ್ಮ ಮನೆಯಲ್ಲಿ ಹಣಕಾಸು ತೊಂದರೆ ಇದೆ. ಇದನ್ನು ನಿವಾರಿಸಿಕೊಳ್ಳಲು ಲಕ್ಷ್ಮಿ ಸ್ವರಮಾಲೆಪೂಜೆ ಮಾಡಿಸಬೇಕು ಎಂದು ಬೋಧಿಸಿದ.

ಅವರ ವಿಶ್ವಾಸ ಗಳಿಸಿದ ನಂತರ ತನಗೆ ಕಪ್ಪು ಹಣ ಇರುವವರ ಪರಿಚಯವಿದೆ. ಅವರಿಂದ ಕಡಿಮೆ ಬಡ್ಡಿಗೆ 20 ಲಕ್ಷ ರು. ಸಾಲ ಕೊಡಿಸುವುದಾಗಿ ನಂಬಿಸಿ 3.40 ಲಕ್ಷ ರು ಪಡೆದುಕೊಂಡು ವಂಚಿಸಿದ್ದ. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಿದ ಚಾಮರಾಜಪೇಟೆ ಠಾಣೆ ಇನ್ಸ್‌ಪೆಕ್ಟರ್ ಬಿ.ಜಿ. ರತ್ನಾಕರ್ ನೇತೃತ್ವದ ತಂಡ ನಿತ್ಯಾನಂದನನ್ನು ಬಂಧಿಸಿದೆ.

ಸುಗಮ ಸಂಸಾರಕ್ಕೆ 1760 ಮಾತ್ರೆ: ತನಿಖೆ ಸಂದರ್ಭದಲ್ಲಿ ಈತ ಮಂಗಳೂರಿನ ವಾಸಂತಿ, ಶಕೀಲಾ, ಕಾಸರಗೋಡಿನ ಕೋಮಲೆ, ಚಾರ್ಮಾಡಿಯ ಸುಂದರಿ, ಬೆಂಗಳೂರಿನ ಜಯಂತಿ ಹಾಗೂ ಮೈಸೂರಿನ ಪವಿತ್ರ ಎಂಬುವವರನ್ನು ಮದುವೆಯಾಗಿದ್ದು ಬೆಳಕಿಗೆ ಬಂದಿದೆ. ಎಲ್ಲ ಪತ್ನಿಯರ ಜತೆ ಅನ್ಯೋನ್ಯ ಸಂಬಂಧಕ್ಕೆ ತನ್ನ ಗುರುಗಳು ನೀಡಿದ 'ಸುಗಮ ಸಂಸಾರಕ್ಕೆ 1760' ಎಂಬ ಮಾತ್ರೆಯೇ ಕಾರಣ ಎಂದು ನಿತ್ಯಾನಂದ ಪೊಲೀಸರಿಗೆ ತಿಳಿಸಿದ್ದಾನೆ.

ಹಣ ದ್ವಿಗುಣ ಮಾಡುವುದಾಗಿ 50ಕ್ಕೂ ಹೆಚ್ಚು ಜನರನ್ನು ನಂಬಿಸಿ ಮೋಸ ಮಾಡಿರುವುದು ಬೆಳಕಿಗೆ ಬಂದಿದೆ. ಈ ರೀತಿ ಗಳಿಸಿದ ಹಣವನ್ನು ಈತ ಕುದುರೆ ಜೂಜಿನಲ್ಲಿ ವಿನಿಯೋಗಿಸುತ್ತಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+