ಸಿಡಿಯಲ್ಲಿರುವುದು ರಂಜಿತಾ-ನಿತ್ಯಾ : ಇದು ಸತ್ಯ!

ಬೆಂಗಳೂರು, ಜ. 4 : ಸೀಡಿಯಲ್ಲಿ ನಿತ್ಯಾನಂದನ ಜೊತೆ ಇರುವವರು ತಮಿಳು ಚಿತ್ರನಟಿ ರಂಜಿತಾ ಎಂದು ವಿಧಿವಿಜ್ಞಾನ ಪ್ರಯೋಗಾಲಯದ ವರದಿ ದೃಢಪಡಿಸಿದೆ ಎಂದು ರಾಜ್ಯ ಸಿಐಡಿ ಪೊಲೀಸ್ ಇಲಾಖೆ ಹಿರಿಯ ಅಧಿಕಾರಿಯೊಬ್ಬರು ಸ್ಪಷ್ಟಪಡಿಸಿದ್ದಾರೆ.

ಸಿಐಡಿ ಹೈದರಾಬಾದ್ ಹಾಗೂ ಚಂಡೀಗಡದಲ್ಲಿರುವ ವಿಧಿವಿಜ್ಞಾನ ಪ್ರಯೋಗಾಲಯಕ್ಕೆ ನಿತ್ಯಾನಂದನ ರಾಸಲೀಲೆ ಸೀಡಿಯನ್ನು ಪರೀಕ್ಷೆ ಕಳುಹಿಸಲಾಗಿತ್ತು. ಸೀಡಿಯಲ್ಲಿರುವುದು ನಿತ್ಯಾ-ರಂಜಿತಾ ಅಲ್ಲದೇ ಬೇರೆ ಯಾರೂ ಆಗಲು ಸಾಧ್ಯವಿಲ್ಲ ಎಂದು ತಿಳಿಸಿದ್ದಾರೆ.

ಪ್ರಯೋಗಾಲಯವು ನಿತ್ಯಾ-ರಂಜಿತಾ ಫೋಟೋಗಳನ್ನು ಇಟ್ಟುಕೊಂಡು ಪರೀಕ್ಷೆ ಮಾಡಿದೆ. ಕೊನೆಯದಾಗಿ ಸೀಡಿಯಲ್ಲಿರುವುದು ನಿತ್ಯಾ-ರಂಜಿತಾ ಎಂದು ಹೇಳಿದೆ. ಆದರೂ ಈ ವರದಿಯಲ್ಲಿ ದೋಷ ಕಂಡು ಬಂದಲ್ಲಿ ವಿದೇಶಿ ಪ್ರಯೋಗಾಲಯಗಳಲ್ಲೂ ಅಸಲೀತನದ ಬಗ್ಗೆ ತನಿಖೆ ನಡೆಸಬಹುದು ಎಂದು ಅಧಿಕಾರಿ ತಿಳಿಸಿದ್ದಾರೆ.

ಇತ್ತೀಚೆಗೆ ಬೆಂಗಳೂರಿನಲ್ಲಿ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿದ್ದ ನಟಿ ರಂಜಿತಾ, ನಿತ್ಯಾನಂದ ರಾಸಲೀಲೆಯ ಸೀಡಿಯಲ್ಲಿರುವುದು ನಾನಲ್ಲ. ನನಗೆ ಕೆಟ್ಟ ಹೆಸರು ತರಲು ಕೆಲವರು ಸಂಚು ರೂಪಿಸಿದ್ದಾರೆ. ಮುಖ್ಯವಾಗಿ ತಮಿಳುನಾಡಿನ ಒಬ್ಬ ರಾಜಕಾರಣಿ ಮತ್ತು ಕ್ರಿಶ್ಚಿಯನ್ ಮಿಷನರಿಗಳು ಈ ಪ್ರಕರಣದಲ್ಲಿ ಭಾಗಿಯಾಗಿವೆ ಎಂದು ಗಂಭೀರ ಆರೋಪ ಮಾಡಿದ್ದರು.

English summary

The CID has thwarted the claims by Tamil actress Ranjitha that she was not part of the Swami Nityananda sex video. The investigators have now said forensic reports show that she was indeed in the video.