• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

3ಜಿ ಅಂದ್ರೆ ಕ್ಯಾಜಿ ಎನ್ನುವ ಸಂಸದರಿಗೂ ಫೋನ್!

By Mahesh
|
ನವದೆಹಲಿ, ಜು.12: ಇತ್ತೀಚೆಗಷ್ಟೇ ಸಂಸದರ ವೇತನದಲ್ಲಿ ತೀವ್ರ ಏರಿಕೆಯ ಪ್ರಸ್ತಾಪ ಮಾಡಿರುವ ಸಂಸದೀಯ ಸಮಿತಿ, ಈಗ ಸಂಸದರಿಗೆ ಅತ್ಯಾಧುನಿಕ ಸೌಲಭ್ಯಗಳುಳ್ಳ ಸುಧಾರಿತ 3ಜಿ ತಂತ್ರಾಜ್ಞಾನವುಳ್ಳ ಮೊಬೈಲ್ ಫೋಣ್ ಸೌಲಭ್ಯವನ್ನು ಒದಗಿಸಬೇಕೆಂದು ಶಿಫಾರಸು ಮಾಡಿದೆ.

ಆದರೆ, ದುರಂತವೆಂದರೆ ಹೆಚ್ಚಿನ ನಮ್ಮ ನೇತಾರರಿಗೆ 3ಜಿ ಎಂದರೇನು ಎಂದು ತಿಳಿದಿಲ್ಲ. ಇನ್ನೂ ಗ್ರಾಮೀಣ ಭಾಗದ ಪ್ರತಿನಿಧಿ ಎಂದು ಗುರುತಿಸಿಕೊಳ್ಳಲು ಹೆಚ್ಚು ಸಂಸದರು ಇಷ್ಟಪಡುತ್ತಾರೆ. ಅದು ಅವರಿಗೆ ಲಾಭದಾಯಕ ಕೂಡಾ. ತಂತ್ರಜ್ಞಾನದ ಬಗ್ಗೆ ಅರಿವಿಲ್ಲದಿದ್ದರೂ ಅಧುನಿಕ ಸೌಲಭ್ಯ ಬೇಕಂತೆ. ಅದನ್ನು ಸಮಾಜ ಹಾಗೂ ದೇಶದ ಉದ್ಧಾರಕ್ಕೆ ಬಳಸುತ್ತೇವೆ ಎನ್ನುತ್ತಾರೆ ಕಾಂಗ್ರೆಸ್ ಸಂಸದರೊಬ್ಬರು.

ಸಂಸದರಿಗೆ 3ಜಿ ಸೌಲಭ್ಯ ಒದಗಿಸುವ ವಿಚಾರವನ್ನುಸಂಸದರ ವೇತನ ಮತ್ತು ಭತ್ಯೆಗಳ ಜಂಟಿ ಸಮಿತಿ ಪರಿಶೀಲಿಸುತ್ತಿದೆ ಎಂದು ಲೋಕಸಭಾ ಕಾರ್ಯಾಲಯ ಹೇಳಿದೆ. 3ಜಿ ಪ್ಯಾಕೇಜ್‌ಗೆ ಮತ್ತು ಆ ಸೌಲಭ್ಯದ ಹೆಚ್ಚುವರಿ ಬಳಕೆಗೆ ತಗಲುವ ವೆಚ್ಚಗಳನ್ನು ಪ್ರಸಕ್ತ ಸಂಸದರಿಗೆ ಪ್ರತಿವರ್ಷ ಲಭ್ಯವಾಗುವ 1,50,000 ಉಚಿತ ಕರೆಗಳಿಗೆ ತಗಲುವ ವೆಚ್ಚದ ಮಿತಿಯಲ್ಲಿ ಹೊಂದಾಣಿಕೆ ಮಾಡಬಹುದಾಗಿದೆ.

ಎಂಟಿಎನ್‌ಎಲ್/ಬಿಎಸ್‌ಎನ್‌ಎಲ್ ಒದಗಿಸಿರುವ ಈ ಹೊಸ ಸೌಲಭ್ಯ ಸಂಸದರಿಗೆ ಐಚ್ಛಿಕವಾಗಿರುತ್ತದೆ. ಆದರೆ 3ಜಿ ಸೌಲಭ್ಯ ಲಭಿಸುವ 3ಜಿ ಹ್ಯಾಂಡ್‌ಸೆಟ್‌ಗೆ ತಗಲುವ ವೆಚ್ಚವನ್ನು ಸದಸ್ಯರೇ ಭರಿಸಬೇಕಾಗುತ್ತದೆ. ಸಂಸದರ ಮಾಸಿಕ ವೇತನವನ್ನು 16,000 ರೂ. ಗಳಿಂದ 80,000 ರೂ.ಗಳಿಗೆ ಏರಿಸಬೇಕೆಂದು ಸಮಿತಿಯು ಇತ್ತೀಚೆಗಷ್ಟೇ ಶಿಫಾರಸು ಮಾಡಿತ್ತು.

ಸಂಸದರ ವೇತನ ಮತ್ತು ಭತ್ಯೆಗಳಲ್ಲಿ ಮಾಡಬೇಕಾದ ಹೆಚ್ಚಳದ ಪ್ರಮಾಣವನ್ನು ನಿರ್ಧರಿಸಲಾಗಿಲ್ಲ. ಸಂಸತ್ತಿನ ಮಳೆಗಾಲದ ಅಧಿವೇಶನದಲ್ಲಿ ಸರಕಾರ ಈ ಸಂಬಂಧ ಮಸೂದೆಯೊಂದನ್ನು ಮಂಡಿಸುವ ನಿರೀಕ್ಷೆ ಇದೆ ಎಂದು ಸಂಸದೀಯ ವ್ಯವಹಾರಗಳ ಸಚಿವ ಪಿ.ಕೆ. ಬನ್ಸಾಲ್ ಹೇಳಿದ್ದಾರೆ

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more