ವಯಲಾರ್ ರವಿಗೆ ಪತ್ನಿ ವಿಯೋಗ

ಚೆನ್ನೈ, ಸೆ.5:ಭಾರತದ ಸಾಗರೋತ್ತರ ವ್ಯವಹಾರಗಳ ಖಾತೆ ಸಚಿವ ವಯಲಾರ ರವಿ ಅವರ ಪತ್ನಿ ಮರ್ಸಿ ರವಿ ಅವರು ಶನಿವಾರ ಮುಂಜಾನೆ ನಿಧನರಾದರು. ಅವರಿಗೆ 63 ವರ್ಷ ವಯಸ್ಸಾಗಿತ್ತು. ಅನಾರೋಗ್ಯದಿಂದ ಬಳಲುತ್ತಿದ್ದ ಅವರನ್ನು ಚಿಕಿತ್ಸೆಗಾಗಿ ಮದ್ರಾಸ್ ಮೆಡಿಕಲ್ ಮಿಷನ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.

ಮರ್ಸಿ ರವಿ ಅವರು ಮೂತ್ರಜನಕಾಂಗದ ತೊಂದರೆಯಿಂದ ಬಳಲುತ್ತಿದ್ದರು. ಇಂದು ಮುಂಜಾನೆ 3 ಗಂಟೆಗೆ ಅವರ ಮೂತ್ರಜನಕಾಂಗ ವಿಫಲವಾಯಿತು ಎಂದು ವಯಲಾರ್ ರವಿ ಅವರ ಕುಟುಂಬ ಮೂಲಗಳು ತಿಳಿಸಿವೆ.

ಚಿಕಿತ್ಸೆಗಾಗಿ ಮರ್ಸಿ ರವಿ ಅವರನ್ನು ಆಗಸ್ಟ್ 27ರಂದು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಪತಿ ವಯಲಾರ್ ರವಿ ಮತ್ತು ಮೂವರು ಮಕ್ಕಳನ್ನು ಮರ್ಸಿ ರವಿ ಅಗಲಿದ್ದಾರೆ. ಮರ್ಸಿ ರವಿ ಅವರು ಕೊಟ್ಟಾಯಂನ ಮಾಜಿ ಶಾಸಕರೂ ಹೌದು.

(ಏಜೆನ್ಸೀಸ್)