ಬೈತುಲ್ಲಾ ಮೆಹ್ಸೂದ್ ದಾಳಿಯಲ್ಲಿ ಹತ?

ಇಸ್ಲಾಮಾಬಾದ್, ಆ. 7 : ಅಮೇರಿಕಾದ ಮಿಲಿಟರಿ ಪಡೆಗಳು ನಡೆಸಿದ ಡ್ರೋನ್ ಕ್ಷಿಪಣಿ ದಾಳಿಯಲ್ಲಿ ಪಾಕಿಸ್ತಾನ ತಾಲಿಬಾನ್ ಮುಖ್ಯಸ್ಥ ಬೈತುಲ್ಲಾ ಮೆಹ್ಸೂದ್, ಆತನ ಪತ್ನಿ ಮತ್ತು ಅವನ ಅಂಗರಕ್ಷಕರು ಮೃತಪಟ್ಟಿರಬಹುದು ಎಂದು ಪಾಕಿಸ್ತಾನದ ಆಂತರಿಕ ವ್ಯವಹಾರಗಳ ಸಚಿವ ರೆಹಮಾನ್ ಮಲಿಕ್ ಗುರುವಾರ ರಾತ್ರಿ (ಆ 6) ಟಿವಿ ವಾಹಿನಿಗೆ ತಿಳಿಸಿದ್ದಾರೆ.

ಎರಡು ದಿನಗಳ ಹಿಂದೆ ಅಮೇರಿಕಾ ನಡೆಸಿದ ಬಾರೀ ಕ್ಷಿಪಣಿ ದಾಳಿಯಲ್ಲಿ ಬೈತುಲ್ಲಾ ಸತ್ತಿರಬಹುದು ಎಂದು ನಾವು ದೃಢವಾಗಿ ನಂಬಿದ್ದೇವೆ. ಈ ಬಗ್ಗೆ ಸ್ವಲ್ಪ ಮಾಹಿತಿ ಲಭ್ಯವಾಗಿದೆ ಎಂದು ಜಿಯೋ ವಾಹಿನಿಯಲ್ಲಿ ತಿಳಿಸಿದ್ದಾರೆ. ದಕ್ಷಿಣ ವಾಜರಿಸ್ತಾನ್ ಪ್ರದೇಶದಲ್ಲಿ ಬೈತುಲ್ಲಾನ ಪತ್ನಿ ಬುಧವಾರ ಹತರಾಗಿದ್ದಾರೆಂದು ಪಾಕ್ ಮಾಧ್ಯಮಗಳು ವರದಿ ಮಾಡಿದ್ದವು.

(ಏಜನ್ಸೀಸ್)