• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಮಲೆನಾಡ ಮಡಿಲಲ್ಲಿ ಮಿನಿ ವಿಧಾನಸೌಧ

By * ಕೆ. ಮೋಹನ್, ಶಿವಮೊಗ್ಗ
|
ಶಿವಮೊಗ್ಗ, ಜು. 1 : ನಗರದಲ್ಲಿ ಮಿನಿ ವಿಧಾನಸೌಧ ಕಟ್ಟಡ ಕಾಮಗಾರಿ ಮುಗಿಯುವ ಹಂತಕ್ಕೆ ಬಂದಿದ್ದು, ಸಧ್ಯದಲ್ಲಿಯೇ ಸಾರ್ವಜನಿಕರು ಇದರ ಉಪಯೋಗ ಪಡೆಯಬಹುದಾಗಿದೆ. ಜಿಲ್ಲೆಯ ಬಹುದಿನಗಳ ಕನಸಾಗಿದ್ದ ಮಿನಿ ವಿಧಾನಸೌಧ ಮುಖ್ಯಮಂತ್ರಿ ಯಡಿಯೂರಪ್ಪನವರ ತವರು ಜಿಲ್ಲೆ ಶಿವಮೊಗ್ಗದ ಸವಳಂಗ ರಸ್ತೆಯಲ್ಲಿ ಅದ್ಭುತ ವಿನ್ಯಾಸದೊಂದಿಗೆ ನಿರ್ಮಾಣವಾಗುತ್ತಿದೆ.

ಕಟ್ಟಡ ಸುಮಾರು 35 ಸಾವಿರ ಚದರ ಅಡಿ ಜಾಗದಲ್ಲಿ ನಿರ್ಮಾಣವಾಗುತ್ತಿದ್ದು, ಅಂದಾಜು ವೆಚ್ಚ ಮೊದಲೇ ನಿಗದಿಯಂತೆ ಸುಮಾರು 5.49 ಕೋಟಿ ರೂ. ತಗುಲಲಿದೆ. ಕಟ್ಟಡದ ಸಂಪೂರ್ಣ ವೆಚ್ಚವನ್ನು ರಾಜ್ಯ ಸರಕಾರ ಬಿಡುಗಡೆ ಮಾಡಿದೆ. ಹಾಗೆಯೇ, ಕಟ್ಟಡದ ಕಾಮಗಾರಿಯು 2007ರ ಡಿಸೆಂಬರ್‌ನಲ್ಲಿ ಪ್ರಾರಂಭಗೊಂಡು, ಇದೇ ಜುಲೈ ಅಂತ್ಯದ ವೇಳೆಗೆ ಪೂರ್ಣಗೊಳ್ಳಲಿದೆ.

ಮಿನಿ ವಿಧಾನಸೌಧ ನಿರ್ಮಾಣವಾಗುವವರೆಗೂ ತಾತ್ಕಾಲಿಕವಾಗಿ ಕೋಟೆ ರಸ್ತೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ತಹಸಿಲ್ದಾರ್‌ರವರ ಕಚೇರಿ ಜೊತೆಗೆ ಜಿಲ್ಲಾಧಿಕಾರಿಯವರ ಕಚೇರಿಯೂ ಇದೇ ಸೌಧಕ್ಕೆ ಸ್ಥಳಾಂತಗೊಳ್ಳಲಿದೆ. ಜೊತೆಗೆ ವಿವಿಧ ಇಲಾಖೆಗಳು ಕಾರ್ಯನಿರ್ವಹಿಸಲಿದ್ದು, ಸಾರ್ವಜನಿಕರು ಹೆಚ್ಚಿನ ಉಪಯೋಗ ಪಡೆಯಬಹುದಾಗಿದೆ.

ಸೌಧದಲ್ಲಿ ವಿವಿಧ ಇಲಾಖೆಗಳು ಕಾರ್ಯನಿರ್ವಹಿಸಲಿವೆ. ಡಿಯುಡಿಸಿ ಇಲಾಖೆ, ಡಿಡಿಎಲ್‌ಆರ್ ಇಲಾಖೆ ಹಾಗೂ ಇವಿಎಮ್ ಮತ್ತು ಸ್ಟೋರೇಜ್ ಇರುತ್ತವೆ. ಮೊದಲ ಮಹಡಿಯಲ್ಲಿ ಜಿಲ್ಲಾಧಿಕಾರಿಯವರ ಕಚೇರಿ ಮತ್ತು ಎಚ್‌ಕ್ಯು ಕಚೇರಿ ಇರಲಿವೆ. ಹಾಗೆಯೇ ಎರಡನೇ ಮಹಡಿಯಲ್ಲಿ ರೆವೆನ್ಯು ಹೆಡ್ ಅಕೌಂಟೆಂಟ್ ಕಚೇರಿ, ಲೆಕ್ಕ ಪರಿಶೋಧಕರ ಕಚೇರಿ, ಆರ್‌ಎಚ್‌ಎಮ್ ಇಲಾಖೆ ಹಾಗೂ ಗಣಕಯಂತ್ರ ವಿಭಾಗ ಮತ್ತು ಭೂಮಿ ಇಲಾಖೆ ಕಾರ್ಯ ನಿರ್ವಹಿಸಲಿವೆ.

ಸೌಧ ನಿರ್ಮಾಣದ ಜವಾಬ್ದಾರಿಯನ್ನು ಬೆಂಗಳೂರಿನ ಜಂಪಾನ ಕನ್ ಸ್ಟ್ರಕ್ಟರ್ ಪ್ರೈ.ಲಿ. ವಹಿಸಿಕೊಂಡಿದೆ. ಕಂಪನಿಯ ಇಂಜಿನಿಯರ್‌ಗಳಾದ ಪ್ರವೀಣ್ ವರ್ಮ, ಸೋಮಶೇಖರ್ ಮತ್ತು ಎ.ಜಿ.ಎಂ. ನಾರಾಯಣ್ ರಾವ್ ಕಟ್ಟಡ ನಿರ್ಮಾಣದ ಜವಾಬ್ಧಾರಿ ವಹಿಸಿದ್ದಾರೆ. ಸೌಧದ ವಿನ್ಯಾಸವನ್ನು ಸುಜಾತ ಅಂಗಡಿ ರೂಪಿಸಿದ್ದಾರೆ.

ಪರಿಸರ ಪ್ರೇಮಿಗಳ ವಿರೋಧ : ಸೌಧವೇನೋ ನಗರದಲ್ಲಿ ಅದ್ಭುತವಾಗಿ ರೂಪುಗೊಳ್ಳುತ್ತಿದ್ದು ಸಧ್ಯದಲ್ಲಿಯೇ ಅದರ ಉದ್ಘಾಟನೆಯು ನೆರವೇರಲಿದೆ. ಆದರೆ, ಸಮಸ್ಯೆಯೇನೆಂದರೆ ಸೌಧದ ಮುಂಭಾಗದಲ್ಲಿರುವ ಮರಗಳು. ಇಂಜಿನಿಯರ್‌ಗಳು ಹೇಳುವಂತೆ ಮರಗಳ ಬೇರುಗಳಿಂದ ಕಟ್ಟಡದ ಅಡಿಪಾಯಕ್ಕೆ ಮತ್ತು ಕಟ್ಟಡದ ಬಾಹ್ಯ ಸೌಂದರ್ಯಕ್ಕೆ ಹಾನಿಯಾಗುತ್ತದೆಂಬುದು ಅವರ ಅಭಿಪ್ರಾಯ. ಆದರೆ, ಆ ಮರಗಳನ್ನು ಕಡಿಯಲು ಅರಣ್ಯ ಇಲಾಖೆಯು ಅನುಮತಿ ನೀಡಿಲ್ಲ. ಜೊತೆಗೆ ಪರಿಸರ ಪ್ರೇಮಿಗಳು ಇದಕ್ಕೆ ವಿರೋಧ ವ್ಯಕ್ತಪಡಿಸುತ್ತಿದ್ದಾರೆ.

ಚಿತ್ರ: ಕೆ.ಆರ್. ಸೋಮನಾಥ್

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more