ಪಾಕ್ ವೈಮಾನಿಕ ದಾಳಿ, 90 ಉಗ್ರರ ಬಲಿ?

ಇಸ್ಲಾಮಾಬಾದ್, ಜೂ. 24 : ದಕ್ಷಿಣ ವಾಜೀರಿಸ್ತಾನ್ ಪ್ರಾಂತ್ಯದ ತಾಲಿಬಾನ್ ಬುಡಕಟ್ಟು ಪ್ರದೇಶದ ಮೇಲೆ ಪಾಕಿಸ್ತಾನದ ವಾಯುಪಡೆ ನಡೆಸಿದ ವೈಮಾನಿಕ ಮತ್ತು ಕ್ಷಿಪಣಿ ದಾಳಿಯಲ್ಲಿ ಸುಮಾರು 90 ಮಂದಿ ಬಲಿಯಾಗಿದ್ದಾರೆಂದು ವರದಿಯಾಗಿದೆ. ಈ ಪ್ರದೇಶ ಸ್ಥಳೀಯ ತಾಲಿಬಾನ್ ಉಗ್ರ ಪಡೆಯ ನಾಯಕ ಬೈತುಲ್ಲಾ ಮೆಹಸೂದ್ ಅವರ ಬಿಗಿ ಹಿಡಿತದಲ್ಲಿದೆ.

ಮಂಗಳವಾರ ಮೃತಪಟ್ಟ 6 ಮಂದಿ ಉಗ್ರರ ಶವಯಾತ್ರೆಯ ಮೇಲೆ ವಿದೇಶಿ ಜೆಟ್ ವಿಮಾನದ ಸಹಾಯದೊಂದಿಗೆ ಅಮೆರಿಕ ನಿರ್ಮಿತ ಕ್ಷಿಪಣಿಗಳ ಮೂಲಕ ದಾಳಿ ನಡೆಸಿದಾಗ ಸ್ಥಳದಲ್ಲೇ 50 ಮಂದಿ ಸಾವನ್ನಪ್ಪಿದ್ದಾರೆ. ಇದಾದ ಸ್ವಲ್ಪ ಹೊತ್ತಿನ ನಂತರ ಮಾನವ ರಹಿತ ಫೈಟರ್ ಮೂಲಕ ದಾಳಿ ನಡೆಸಿದ ಪಾಕ್ ಪಡೆ 40 ಜನರನ್ನು ಕೊಂಡಿದೆ ಎಂದು ಸ್ಥಳೀಯ ಟಿವಿ ವಾಹಿನಿ ಯಲ್ಲಿ ಪ್ರಸಾರವಾಗಿದೆ. ಮಂಗಳವಾರ ಮಧ್ಯಾಹ್ನ ಸುಮಾರು 3 ಗಂಟೆ ಹೊತ್ತಿಗೆ ನಡೆದ ಈ ಶವಯಾತ್ರೆಯಲ್ಲಿ ಬೈತುಲ್ಲಾ ಮೆಹಸೂದ್ ಸೇರಿದಂತೆ ಪ್ರಮುಖ ತಾಲಿಬಾನ್ ನಾಯಕರುಗಳು ಭಾಗವಹಿಸಿದ್ದರು.

(ಏಜನ್ಸೀಸ್)