• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಕಾನೂನು ಪ್ರವೇಶ ಪರೀಕ್ಷೆಯಲ್ಲಿ ಅಂಶುಲಾ 18ನೇ ರ‌್ಯಾಂಕ್

By Staff
|

ಬೆಂಗಳೂರು, ಜೂ. 16 : 2009ನೇ ಸಾಲಿನ ಅಖಿಲ ಭಾರತ ಸಾಮಾನ್ಯ ಕಾನೂನು ಪ್ರವೇಶ ಪರೀಕ್ಷೆಯಲ್ಲಿ ಬೆಂಗಳೂರಿನ ಕನ್ನಡತಿ ಅಂಶುಲಾ ಪ್ರಕಾಶ್ ಅವರು 18ನೇ ರ‌್ಯಾಂಕ್ ಪಡೆದಿದ್ದಾರೆ.

ಹೈದರಾಬಾದ್ ನಲ್ಸಾರ್ (NALSAR) ಕಾನೂನು ವಿಶ್ವವಿದ್ಯಾಲಯ ನಡೆಸಿದ ಈ ಪ್ರವೇಶ ಪರೀಕ್ಷೆಯಲ್ಲಿ ಕರ್ನಾಟಕದಿಂದ ಪರೀಕ್ಷೆಗೆ ಕುಳಿತಿದ್ದ ವಿದ್ಯಾರ್ಥಿಗಳಲ್ಲಿ ಅಂಶುಲಾ ಎರಡನೇ ಸ್ಥಾನ ಪಡೆದಿದ್ದಾರೆ. ಒಟ್ಟು 200 ಅಂಕಗಳಲ್ಲಿ ಅಂಶುಲಾ ಪ್ರಕಾಶ್ ಪಡೆದದ್ದು 169 ಅಂಕಗಳು. ಅತಿ ಹೆಚ್ಚು ಅಂದರೆ 175 ಅಂಕ ಗಳಿಸಿರುವ ನಿಧಿ ಮೋದಾನಿ, ರಜತ್ ಗಂಗ್ವಾರ್ ಮತ್ತು ಸಿದ್ಧಾರ್ಥ ಬಸು ಪ್ರಥಮ ಸ್ಥಾನ ಗಳಿಸಿದ್ದಾರೆ. ಕಳೆದ ವರ್ಷ 158 ಅಂಕ ಗಳಿಸಿದ ವಿದ್ಯಾರ್ಥಿ ಪ್ರಥಮ ರ‌್ಯಾಂಕ್ ಗಳಿಸಿದ್ದರು.

ಬೆಂಗಳೂರಿನ ಕೋಣನಕುಂಟೆ ನಿವಾಸಿಯಾಗಿರುವ ಅಂಶುಲಾ ಪ್ರಕಾಶ್ ಅವರಿಗೆ ಕಾಮನ್ ಲಾ ಅಡ್ಮಿಷನ್ ಟೆಸ್ಟ್ (CLAT 2009) ನಲ್ಲಿ ಇದು ಎರಡನೇ ಪ್ರಯತ್ನ. ಕಳೆದ ವರ್ಷ ಅವರು 200ನೇ ರ‌್ಯಾಂಕ್ ಗಳಿಸಿದ್ದರು. ಇದರಿಂದ ತೃಪ್ತರಾಗದ ಅಂಶುಲಾ ಎರಡನೇ ಪ್ರಯತ್ನದಲ್ಲಿ 18ನೇ ರ‌್ಯಾಂಕ್ ಗಳಿಸಿದ್ದಾರೆ.

ಇಡೀ ರಾಷ್ಟ್ರದಲ್ಲಿರುವ 11 ನ್ಯಾಷನಲ್ ಕಾನೂನು ಕಾಲೇಜುಗಳಲ್ಲಿ ಅತ್ಯುತ್ತಮ ಕಾನೂನು ಕಾಲೇಜು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ಬೆಂಗಳೂರಿನ ನ್ಯಾಷನಲ್ ಸ್ಕೂಲ್ ಆಫ್ ಲಾನಲ್ಲಿ ಐದು ವರ್ಷಗಳ ಅಧ್ಯಯನವನ್ನು ನಡೆಸುವ ಇಚ್ಛೆಯಿದೆ ಎಂದು ಅಂಶುಲಾ ದಟ್ಸ್ ಕನ್ನಡಕ್ಕೆ ತಿಳಿಸಿದರು. ಇದಕ್ಕಾಗಿ ಅಹ್ಮದಾಬಾದ್ ನಲ್ಲಿ ತರಬೇತಿ ಪಡೆದಿರುವ ಅಂಶುಲಾ ಬೆಂಗಳೂರಿಗೆ ಮರಳುವ ಉತ್ಸಾಹದಲ್ಲಿದ್ದಾರೆ.

ಕಳೆದ ವರ್ಷ ಈ ಪ್ರವೇಶ ಪರೀಕ್ಷೆಯನ್ನು ಬೆಂಗಳೂರಿನ ನ್ಯಾಷನಲ್ ಸ್ಕೂಲ್ ಆಫ್ ಲಾ ಆಯೋಜಿಸಿತ್ತು. ಈ ಬಾರಿ ಪರೀಕ್ಷೆ ತುಂಬ ಸರಳವಾಗಿತ್ತು. ಸತತ ಪ್ರಯತ್ನ, ತಂದೆ-ತಾಯಿಯರ ಆಶೀರ್ವಾದ, ನ್ಯಾಷನಲ್ ಲಾ ಸ್ಕೂಲ್ ಸ್ನೇಹಿತರ ಪ್ರೋತ್ಸಾಹ ಒಳ್ಳೆಯ ಅಂಕ ಗಳಿಸಲು ಸಹಕಾರಿಯಾಯಿತು ಎಂದು ಅಂಶುಲಾ ತಿಳಿಸಿದರು.

ಹನ್ನೊಂದು ನ್ಯಾಷನಲ್ ಕಾನೂನು ಕಾಲೇಜುಗಳಲ್ಲಿ ಇರುವ ಸೀಟುಗಳು 1000 ಮಾತ್ರ. ಎಂಬಿಬಿಎಸ್ ಗೆ ಸರಿಸಮಾನ ಎಂದು ಪರಿಗಣಿಸಲಾಗುವ ನ್ಯಾಷನಲ್ ಕಾನೂನು ಪದವೀಧರರಿಗೆ ಕಾನೂನು ಕ್ಷೇತ್ರದಲ್ಲಿ ಭಾರೀ ಬೇಡಿಕೆಯಿದೆ. ಹಾಗೆಯೇ, ಶುಲ್ಕ ಕೂಡ ಅಷ್ಟೇ ದುಬಾರಿಯಾಗಿದೆ. ಈ ಸೀಟುಗಳಿಗಾಗಿ ಸ್ಪರ್ಧೆಯೂ ಅತ್ಯಂತ ತುರುಸಿನಿಂದ ಕೂಡಿರುತ್ತದೆ. ಈ ಬಾರಿ ಒಟ್ಟು 14,272 ವಿದ್ಯಾರ್ಥಿಗಳು ಪರೀಕ್ಷೆ ಬರೆದಿದ್ದರು. ಅವರಲ್ಲಿ 13,595 ಪದವಿಪೂರ್ವ ವಿದ್ಯಾರ್ಥಿಗಳು ಮತ್ತು 677 ಸ್ನಾತಕೋತ್ತರ ವಿದ್ಯಾರ್ಥಿಗಳು.

ಕಾನೂನು ಕ್ಷೇತ್ರದಲ್ಲಿ ಸಾಧನೆ ಮಾಡಬೇಕೆಂಬ ಕನಸುಗಳನ್ನು ಕಟ್ಟಿಕೊಂಡಿರುವ ಮಧ್ಯಮ ವರ್ಗದ ಹುಡುಗಿ ಅಂಶುಲಾ ಪ್ರಕಾಶ್ ಅವರಿಗೆ ಅಭಿನಂದನೆ ಸಲ್ಲಿಸಲು ಮತ್ತು ಪ್ರೋತ್ಸಾಹ ನೀಡಲು 99167 28212 ಸಂಖ್ಯೆಗೆ ಕರೆ ಮಾಡಬಹುದು.

ಅಂಶುಲಾ ಪ್ರಕಾಶ್ ಈಮೇಲ್ ವಿಳಾಸ : chesh08@gmail.com

(ದಟ್ಸ್ ಕನ್ನಡ ವಾರ್ತೆ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more