ಮಹಿಳಾ ವಿಧೇಯಕಕ್ಕೆ ಮುಲಾಯಂ ವಿರೋಧ

ನವದೆಹಲಿ, ಜೂ. 8 : ಮಹಿಳಾ ವಿಧೇಯಕ ಅಂಗೀಕಾರಕ್ಕೆ ಸಂಬಂಧಿಸಿದಂತೆ ಇತ್ತೀಚೆಗೆ ಲೋಕಸಭೆ ಆತ್ಮಹತ್ಯೆ ಮಾಡಿಕೊಳ್ಳುವ ಬೆದರಿಕೆಯೊಡ್ಡಿದ್ದ ಜೆಡಿಯು ಸಂಸದ ಶರದ್ ಯಾದವ್ ನಂತರ ಇದೀಗ ಸಮಾಜವಾದಿ ಪಕ್ಷ ಮುಖಂಡ ಮುಲಾಯಂ ಸಿಂಗ್ ಯಾದವ್ ವಿಧೇಯಕಕ್ಕೆ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಮಹಿಳಾ ವಿಧೇಯಕ ಎನ್ನುವುದೇ ದೊಡ್ಡದೊಂದು ಮೋಸ. ಇದರಲ್ಲಿ ಕೇವಲ ಹಿತಾಸಕ್ತಿ ಅಡಗಿದೆ ಎಂದು ಅವರು ಆರೋಪಿಸಿದ್ದಾರೆ.

ಯುಪಿಎ ಸರಕಾರಕ್ಕೆ ಬಾಹ್ಯ ಬೆಂಬಲ ನೀಡಿರುವ ಎಸ್ಪಿ ಮಹಿಳಾ ವಿದೇಯಕಕ್ಕೆ ತೀವ್ರ ವಿರೋಧ ವ್ಯಕ್ತಪಡಿಸಿದೆ. ಮಹಿಳೆಯರು ರಾಜಕಾರಣದಲ್ಲಿ ಇರಬಾರದು ಎಂದು ನಾನು ಹೇಳುತ್ತಿಲ್ಲ. ಆದರೆ, ವಿಧೇಯಕವನ್ನು ಪುನರ್ ಪರಿಶೀಲನೆ ಮಾಡುವ ಅಗತ್ಯ ಎಂದು ಮುಲಾಯಂ ಸಿಂಗ್ ಯಾದವ್ ಒತ್ತಾಯಿಸಿದ್ದಾರೆ. ಯಾವುದೇ ಮೀಸಲಾತಿ ಇಲ್ಲದೇ ಸೋನಿಯಾ ಗಾಂಧಿ ಅವರು ರಾಷ್ಟ್ರೀಯ ನಾಯಕರಾಗಿದ್ದಾರೆ. ಮೀರಾ ಕುಮಾರ್ ಲೋಕಸಭಾಧ್ಯಕ್ಷರಾಗಿದ್ದಾರೆ ಎಂದ ಮುಲಾಯಂ, ಮಹಿಳಾ ಮೀಸಲಾತಿ ವಿರೋಧವಿಲ್ಲ. ಸದ್ಯದ ಸ್ಥಿತಿಯಲ್ಲಿ ಅದರ ಅಂಗೀಕಾರ ಬೇಡ ಎಂದರು.

(ಏಜನ್ಸೀಸ್)