ಬೆಂಗಳೂರು ಉತ್ತರ, ನೀರು ಪೂರೈಕೆಯಲ್ಲಿ ವ್ಯತ್ಯಯ

ಬೆಂಗಳೂರು, ಮೇ.4: ನಗರದ ಉತ್ತರ ಭಾಗಕ್ಕೆ ನೀರು ಸರಬರಾಜಾಗುವ 600 ಎಂ.ಎಂ. ವ್ಯಾಸದ ನೀರು ಸರಬರಾಜು ಕೊಳವೆ ಮಾರ್ಗದಲ್ಲಿ ಆಗುತ್ತಿರುವ ಸೋರಿಕೆಯನ್ನು ತಡೆಗಟ್ಟುವ ಸಲುವಾಗಿ ಬಳ್ಳಾರಿ ರಸ್ತೆಯ ಡಿಫೆನ್ಸ್ ಲ್ಯಾಂಡ್ ಬಳಿ ತುರ್ತು ಕಾಮಗಾರಿಯನ್ನು ಮೇ 5 ರಂದು ಕೈಗೆತ್ತಿಕೊಳ್ಳಲಿರುವುದರಿಂದ ಮೇ.5 (ಮಂಗಳವಾರ) ಮತ್ತು ಮೇ 6 (ಬುಧವಾರ) ಗಳಂದು ಈ ಕೆಳಕಂಡ ಪ್ರದೇಶದಲ್ಲಿ ನೀರು ಸರಬರಾಜು ವ್ಯತ್ಯಯ ಉಂಟಾಗುವ ಸಂಭವ ವಿರುತ್ತದೆ.

ಡಾಲರ್ಸ್ ಕಾಲೋನಿ, ಸಂಜಯನಗರ, ಆರ್.ಟಿ.ನಗರ 1 ಮತ್ತು 2ನೇ ಬ್ಲಾಕ್, ಕನಕನಗರ, ಭುವನೇಶ್ವರಿನಗರ, ಮನೋರಾಯನಪಾಳ್ಯ, ಆನಂದನಗರ, ಸುಲ್ತಾನ್‌ಪಾಳ್ಯ, ಹೆಬ್ಬಾಳ, ಕಾವಲ್‌ಬೈರಸಂದ್ರ, ಕೆ.ಹೆಚ್.ಬಿ. ಹಾಗೂ ಪಿ ಅಂಡ್ ಟಿ. ಕ್ವಾರ್ಟ್‌ರ್ಸ್, ಅಂಬೇಡ್ಕರ್ ಮೆಡಿಕಲ್ ಕಾಲೇಜು ಪ್ರದೇಶ, ಆತ್ಮಾನಂದ ಕಾಲೋನಿ, ದಿನ್ನೂರು ಹಾಗೂ ಸುತ್ತಮುತ್ತಲ ಪ್ರದೇಶಗಳಲ್ಲಿ ನೀರು ಪೂರೈಕೆ ಸಮಸ್ಯೆ ಉಂಟಾಗಲಿದೆ.ಸಾರ್ವಜನಿಕರಿಗೆ ಉಂಟಾಗಬಹುದಾದ ಅನನುಕೂಲತೆಗಾಗಿ ಜಲಮಂಡಲಿ ವಿಷಾದಿಸುತ್ತದೆಯಲ್ಲದೆ, ಸಾರ್ವಜನಿಕರ ಸಹಕಾರವನ್ನು ಕೋರಿದೆ.

(ದಟ್ಸ್ ಕನ್ನಡವಾರ್ತೆ)