ಗುಲ್ಬರ್ಗಾ ಕಾರಾಗೃಹ : 2 ಖೈದಿಗಳು ಪರಾರಿ

ಗುಲ್ಬರ್ಗಾ, ಏ. 24 : ಅತ್ಯಾಚಾರ ಹಾಗೂ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಶಿಕ್ಷೆ ಅನುಭವಿಸುತ್ತಿದ್ದ ಇಬ್ಬರು ಖೈದಿಗಳು ಗುಲ್ಬರ್ಗಾ ಕೇಂದ್ರದ ಕಾರಾಗೃಹದಿಂದ ಪರಾರಿಯಾಗಿರುವ ಘಟನೆ ಶುಕ್ರವಾರ ನಡೆದಿದೆ.

ಮೆಹಬೂಬ ಜಾಫರ್ ಸಾಬ್ ಮತ್ತು ಸಾಬಣ್ಣ ಅಯ್ಯಣ್ಣ ಪರಾರಿಯಾಗಿರುವ ಇಬ್ಬರು ಖೈದಿಗಳು. 15 ಫೂಟ್ ಉದ್ದದ ಗೋಡೆ ಹಾರಿ ಈ ಇಬ್ಬರು ಪರಾರಿಯಾಗಿದ್ದಾರೆ. ಕಾರಾಗೃಹ ಸುತ್ತಲು ವಿದ್ಯುತ್ ತಂತಿ ಅಳವಡಿಸಲಾಗಿದ್ದು. ವಿದ್ಯುತ್ ಇಲ್ಲದಿರುವ ಸಮಯವನ್ನು ನೋಡಿಕೊಂಡು ಜೈಲಿನಿಂದ ತಪ್ಪಿಸಿಕೊಂಡಿದ್ದಾರೆ ಎಂದು ಜೈಲು ಅಧಿಕಾರಿಗಳು ತಿಳಿಸಿದ್ದಾರೆ. ಅಪರಾಧಿಗಳ ಬಂಧನಕ್ಕೆ ವ್ಯಾಪಕ ಜಾಲ ಬೀಸಲಾಗಿದ್ದು, ಶೀಘ್ರದಲ್ಲಿ ಅವರನ್ನು ಬಂಧಿಸಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ.

(ದಟ್ಸ್ ಕನ್ನಡ ವಾರ್ತೆ)