ಬೆಳಗಾವಿ ಲೋಕಸಭೆ ಕ್ಷೇತ್ರ ಪರಿಚಯ

ಬೆಂಗಳೂರು, ಏ. 17 : ರಾಜ್ಯದ ಎರಡನೇ ರಾಜಧಾನಿ ಅನ್ನುವ ಪಟ್ಟ ನಗರಕ್ಕೆ ಒಂದು ರೀತಿಯ ಖದರ್ ಬಂದಿದೆ. ಅತ್ಯುತ್ತಮ ನಗರವಾಗಲು ಎಲ್ಲಾ ಅರ್ಹತೆ ಇದ್ದರೂ ಜನರ ಹೆಸರಲ್ಲಿ ನಡೆಯುವ ರಾಜಕಾರಿಣಿಗಳ ರಾಜಕಾರಣ ಮಾತ್ರ ಬದಲಾಗುತ್ತಿಲ್ಲ. ಇಲ್ಲಿನ ಜನತೆಗೆ ಕನ್ನಡ - ಮರಾಠಿ, ಕನ್ನಡ - ಭಗವದ್ವಾಜ, ಕರ್ನಾಟಕ - ಮಹಾರಾಷ್ಟ್ರ ಗಡಿ ಹೆಸರಲ್ಲಿ ನಡೆಯುವ ಹೋರಾಟ ಬೇಕಾಗಿದೆಯೋ ಇಲ್ಲವೊ, ಆದರೆ ರಾಜಕಾರಣಿಗಳಿಗೆ ಮಾತ್ರ ಇಂದೊಂದು ನಿತ್ಯ ಕಸುಬು. ಈಗ ಕ್ಷೇತ್ರ ಗಮನ ಸೆಳೆಯುತ್ತಿರುವುದು ಬೆಳಗಾವಿ ಮಹಾನಗರ ಪಾಲಿಕೆ ಮೇಲೆ ಇರುವ ಎಂಇಎಸ್ ಧ್ವಜ ಮತ್ತು ಆನಂತರದ ಬೆಳವಣಿಗೆ.

ಬೆಳಗಾವಿಯಲ್ಲಿ ಮರಾಠಿ ವಿವಾದ ಮತ್ತು ಆನಂತರ ಕನ್ನಡಪರ ಸಂಘಟನೆಗಳ ಹೋರಾಟದಿಂದ ಬಿಜೆಪಿ ಅಭ್ಯರ್ಥಿ ಸುರೇಶ್ ಅಂಗಡಿಗೆ ಪಡೆದ ಟಿಕೆಟ್ ಅನ್ನು ಉಳಿಸಿಕೊಳ್ಳುವುದು ದೊಡ್ಡ ಸಾಹಸವಾಗಿತ್ತು. ಕ್ಷೇತ್ರ ವ್ಯಾಪ್ತಿಯಲ್ಲಿ ಬರುವ ಎಂಟು ವಿಧಾನಸಭಾ ಕ್ಷೇತ್ರಗಳ ಪೈಕಿ ಐದರಲ್ಲಿ ಬಿಜೆಪಿ ಮತ್ತು ಮೂರರಲ್ಲಿ ಕಾಂಗ್ರೆಸ್ ಶಾಸಕರಿದ್ದಾರೆ. ಜೆಡಿಎಸ್ ಕಸಿಯುವ ಲಿಂಗಾಯಿತ ಮತ ನಿರ್ಣಾಯಕವಾಗಬಹುದು ಎನ್ನುವುದು ಲೆಕ್ಕಾಚಾರ.

ಕ್ಷೇತ್ರ - ಬೆಳಗಾವಿ ಲೋಕಸಭೆ ಕ್ಷೇತ್ರ
* ಚುನಾವಣೆ ದಿನಾಂಕ - ಏಪ್ರಿಲ್ 23

ಅಭ್ಯರ್ಥಿಗಳು

* ಕಾಂಗ್ರೆಸ್ - ಅಮರಸಿಂಹ ಪಾಟೀಲ್
* ಬಿಜೆಪಿ - ಸುರೇಶ್ ಅಂಗಡಿ
* ಜನತಾದಳ (ಎಸ್) - ಎ ಬಿ ಪಾಟೀಲ್
* ಬಿಎಸ್ಪಿ - ರಾಮನಗೌಡ ಸಿದ್ದನಗೌಡ ಪಾಟೀಲ್

ಕ್ಷೇತ್ರ ವ್ಯಾಪ್ತಿಯ ವಿಧಾನಸಭಾ ಕ್ಷೇತ್ರಗಳು

* ರಾಮದುರ್ಗ
* ಗೋಕಾಕ್
* ಅರಭಾವಿ
* ಬೈಲಹೊಂಗಲ
* ಸವದತ್ತಿ
* ಬೆಳಗಾವಿ ಉತ್ತರ
* ಬೆಳಗಾವಿ ದಕ್ಷಿಣ
* ಬೆಳಗಾವಿ ಗ್ರಾಮಾಂತರ

* ಒಟ್ಟು ಮತದಾರರು - 13.53 ಲಕ್ಷ
* ಪುರುಷರು - 6.86 ಲಕ್ಷ
* ಮಹಿಳೆಯರು - 6.67 ಲಕ್ಷ

ಜಾತಿವಾರು ಲೆಕ್ಕಾಚಾರ (ಅಂದಾಜು)

* ಲಿ೦ಗಾಯಿತ 2.4 ಲಕ್ಷ
* ಕುರುಬರು 1.75 ಲಕ್ಷ
* ಮುಸ್ಲಿ೦ 1.80 ಲಕ್ಷ
* ಪರಿಶಿಷ್ಠ ಜಾತಿ ಮತ್ತು ಪ೦ಗಡ 1.75 ಲಕ್ಷ
* ಮರಾಠಿಗರು 1.65 ಲಕ್ಷ
* ಲ೦ಬಾಣಿ 1 ಲಕ್ಷ
* ಕ್ರೈಸ್ತ 65 ಸಾವಿರ
* ಇತರರು 2 ಲಕ್ಷ

(ದಟ್ಸ್ ಕನ್ನಡ ವಾರ್ತೆ)

ಲೋಕಸಭೆ ಚುನಾವಣೆ 2009 ಅಭ್ಯರ್ಥಿಗಳ ಪಟ್ಟಿ
ಲೋಕಸಭೆ ಚುನಾವಣೆ2009 ತಾಜಾ ಸುದ್ದಿಗಳು