ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಏರ್ಇಂಡಿಯಾ ಸ್ಫೋಟಿಸುವುದಾಗಿ ಬೆದರಿಕೆ
ಮುಂಬೈ, ಏ. 9 : ಮುಂಬೈ ಅಪರಾಧಿ ವಿಭಾಗದ ಪೊಲೀಸರಿಗೆ ದಕ್ಷಿಣ ಮುಂಬೈನಲ್ಲಿರುವ ಏರ್ಇಂಡಿಯಾ ಪ್ರಧಾನ ಕಛೇರಿಯನ್ನು ಸ್ಫೋಟಿಸುವುದಾಗಿ ಇಮೇಲ್ ಬೆದರಿಕೆ ಬಂದಿದೆ. ಕಳೆದ ಎರಡು ವಾರಗಳಿಂದ ವಿವಿಧ ಕಡೆಗಳಿಂದ ರಾಜಕೀಯ ನಾಯಕರು ದಾಳಿ ಮತ್ತು ಸ್ಫೋಟಗಳ ಬೆದರಿಕೆ ಕರೆಗಳು ದಂಡಿದಂಡಿಯಾಗಿ ಬರತೊಡಗಿವೆ.
ಬುಧವಾರ ತಡರಾತ್ರಿ ಈ ಬೆದರಿಕೆ ಪೊಲೀಸರಿಗೆ ಬಂದಿದ್ದು, ಮಹಾನಗರದ ಸೈಬರ್ ಪೊಲೀಸರು ಇಮೇಲ್ ಕಳುಹಿಸಿದ ಐಪಿ ವಿಳಾಸವನ್ನು ಪತ್ತೆಹಚ್ಚಿದ್ದು ಪಾಕಿಸ್ತಾನದ ರಾವಲ್ಪಿ೦ಡಿಯಿ೦ದ ಬಂದಿರುವುದಾಗಿ ತಿಳಿದುಬಂದಿದೆ. ಇದೇ ಸ್ಥಳದಿಂದ ಕೆಲವು ದಿನಗಳ ಹಿಂದೆ ಮುಂಬೈ ಮತ್ತು ಚೆನ್ನೈ ನಲ್ಲಿರುವ ತಾಜ್ ಹೋಟೆಲ್ ಗಳನ್ನೂ ಸ್ಪೋಟಿಸುವುದಾಗಿ ಬೆದರಿಕೆ ಬಂದಿತ್ತು. ಆದರೆ, ಅದು ಬೇರೆ ಐಪಿ ವಿಳಾಸದಿಂದ ಬಂದಿದ್ದು ಎಂದು ಪೊಲೀಸರು ಸ್ಪಷ್ಟಪಡಿಸಿದ್ದಾರೆ.
(ದಟ್ಸ್ ಕನ್ನಡ ವಾರ್ತೆ)
ಎಲ್ ಟಿಟಿಇಯಿಂದ ಸೋನಿಯಾಗೆ ಬೆದರಿಕೆ ಕರೆ
Comments
Story first published: Thursday, April 9, 2009, 14:54 [IST]