35 ತಾಲಿಬಾನಿಗಳ ಭಾರತದೊಳಗೆ ಪ್ರವೇಶ ?

ಬೆಂಗಳೂರು, ಏ. 8 : ಪಾಕಿಸ್ತಾನದಲ್ಲಿ ವಿಧ್ವಂಸಕ ಕೃತ್ಯಗಳನ್ನು ಎಸಗಿ ರಣಕೇಕೆ ಹಾಕುತ್ತಿರುವ ತಾಲಿಬಾನ್ ಉಗ್ರರ 35 ಮಂದಿಯ ತಂಡವೊಂದು ಅಪಾರ ಪ್ರಮಾಣದ ಶಸ್ತ್ರಾಸ್ತ್ರಗಳೊಂದಿಗೆ ಭಾರತದೊಳಗೆ ನುಸುಳಿದ್ದಾರೆ. ಪಾಕಿಸ್ತಾನದ ಗಡಿಯಿಂದ ಭಾರತದ ಗಡಿ ಮುಟ್ಟಿರುವ ಎಲ್ಲ ಮಾಹಿತಿಗಳು ಸ್ಪಷ್ಟವಾಗಿ ಲಭ್ಯವಾಗಿವೆ ಎಂದು ಹೇಳಲಾಗಿದೆ.

ಈ ಮೂಲಕ ಚುನಾವಣೆ ವೇಳೆ ಭಾರತದ ಗಣ್ಯ ರಾಜಕೀಯ ಮುಖಂಡರ ಮೇಲೆ ದಾಳಿ ನಡೆಸುವ ಅಂಶಕ್ಕೆ ಮತ್ತಷ್ಟು ಬಲ ಬಂದಂತಾಗಿದೆ. ಕೆಲ ಆಂಗ್ಲ ಮಾಧ್ಯಮಗಳು ತಾಲಿಬಾನ್ ಉಗ್ರರು ಕಾಶ್ಮೀರಕ್ಕೆ ನುಸುಳಿರುವುದರ ಬಗ್ಗೆ ಸಾಕ್ಷ್ಯ ತಮಗೆ ಸಿಕ್ಕಿವೆ ಎಂದು ಹೇಳಿಕೊಂಡಿವೆ.

ಪಾಕಿಸ್ತಾನದ ಲಾಹೋರ್ ಬಳಿಯ ಪೊಲೀಸ್ ತರಬೇತಿ ಕೇಂದ್ರದ ಮೇಲೆ ದಾಳಿ ನಡೆಸಿರುವುದು ತಾಲಿಬಾನ್ ಉಗ್ರರು ಎಂದು ನಂಬಲಾಗಿತ್ತು. ಈ ಪ್ರದೇಶ ವಾಘಾ ಗಡಿಯಿಂದ ಕೆವಲ 12 ಕಿಮೀ ದೂರವಿದ್ದು, ಭಾರತದ ಅತಿ ಸನಿಹಕ್ಕೆ ತಾಲಿಬಾನ್ ಉಗ್ರರು ಬಂದಿದ್ದಾರೆ ಎಂಬ ಆತಂಕ ವ್ಯಕ್ತವಾಗಿತ್ತು. ಗಡಿಯಲ್ಲಿ ಭದ್ರತೆ ಕಟ್ಟುನಿಟ್ಟಾಗಿ ಇರದಿದ್ದರೆ, ಯಾವ ಸಂದರ್ಭದಲ್ಲಿ ಬೇಕಾದರೂ ಉಗ್ರರು ನುಸುಳಬಹುದು ಎಂದು ಕೇಂದ್ರ ಗುಪ್ತಚರ ಇಲಾಖೆ ಎಚ್ಚರಿಕೆ ನೀಡಿತ್ತು.

(ಏಜನ್ಸೀಸ್)