ನ್ಯೂಯಾರ್ಕ್ ದಾಳಿ ಹೊಣೆ ಹೊತ್ತ ತಾಲಿಬಾನ್

ನವದೆಹಲಿ, ಏ. 4 : ನ್ಯೂಯಾರ್ಕ್ ನಲ್ಲಿರುವ ಅಮೆರಿಕದ ವಸತಿ ಕೇಂದ್ರವೊದರ ಮೇಲೆ ನಡೆದ ದಾಳಿಯ ಹೊಣೆಯನ್ನು ಪಾಕಿಸ್ತಾನದ ತಾಲಿಬಾನ್ ಮುಖ್ಯಸ್ಥ ಬೈತುಲ್ಲಾ ಮೆಹಸೂದ್ ಹೊತ್ತುಕೊಂಡಿರುವುದಾಗಿ ಪಾಕಿಸ್ತಾನದ ಜಿಯೋ ಟಿವಿ ವರದಿ ಮಾಡಿದೆ.

ಅಫಘಾನಿಸ್ತಾನದ ಗಡಿಯಲ್ಲಿ ಅಮೆರಿಕ ನಡೆಸಿದ ಕ್ಷಿಪಣಿ ದಾಳಿಗೆ ಪ್ರತೀಕಾರವಾಗಿ ಪಾಕಿಸ್ತಾನದ ಪ್ರಜೆ ಮತ್ತೊಬ್ಬ ದಾಳಿ ನಡೆಸಿರುವುದಾಗಿ ಮೆಹಸೂದ್ ಒಪ್ಪಿಕೊಂಡಿದ್ದಾನೆ. ಆ ಮತ್ತೊಬ್ಬನನ್ನು ವಿಯೆಟ್ನಾಂ ಪ್ರಜೆ ಎಂದು ಗುರುತಿಸಲಾಗಿದೆ. ದಾಳಿಯ ನಂತರ ಆತ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಗುಂಡಿನ ದಾಳಿಯಲ್ಲಿ 13 ಜನ ಸತ್ತು 40ಕ್ಕೂ ಹೆಚ್ಚಿನ ಜನ ಗಾಯಗೊಂಡಿದ್ದಾರೆ.

ಅಫಘಾನಿಸ್ತಾನ ಮತ್ತು ಪ್ಯಾಲಸ್ತೈನಿನಲ್ಲಿ ನಡೆಸಿದ ಅಮೆರಿಕ ಸರ್ಕಾರದ ಅನಾಚಾರಕ್ಕೆ ತಕ್ಕ ಪ್ರತೀಕಾರ ನೀಡಿದ್ದೇವೆ. ದಾಳಿ ಮತ್ತೆ ಮುಂದುವರಿಯಲಿದೆ ಎಂದು ತೆಹರಿಕ್-ಇ-ತಾಲಿಬಾನಿ ಭಯೋತ್ಪಾದನಾ ಸಂಘಟನೆಯ ಮುಖಂಡ ಹೇಳಿಕೆ ನೀಡಿದ್ದಾನೆ. ಈ ಕುರಿತು ಕೆಲ ದಿನಗಳ ಹಿಂದೆ ಮುನ್ನೆಚ್ಚಿಕೆ ನೀಡಿದ್ದಾಗಿಯೂ ಆತ ಹೇಳಿದ್ದಾನೆ.

ಜಿವರ್ಲಿ ವೊಂಗ್ ಎಂಬಾತ ಎರಡು ಕೈಯಲ್ಲಿ ಹ್ಯಾಂಡ್ ಗನ್ ಹಿಡಿದು ವಸತಿ ಕೇಂದ್ರದ ಮೇಲೆ ಮನಸೋಇಚ್ಛೆ ಗುಂಡು ಹಾರಿಸಿದ್ದಾನೆ. ಅಮೆರಿಕನ್ ಸಿವಿಕ್ ಅಸೋಸಿಯೇಷನ್ ಕಟ್ಟಡದಲ್ಲಿ ಈ ಘಟನೆ ಶುಕ್ರವಾರ ನಡೆದಿದೆ.

(ಏಜೆನ್ಸೀಸ್)

ಪೂರಕ ಓದಿಗೆ
ನ್ಯೂಯಾರ್ಕ್ ನಲ್ಲಿ ಗುಂಡಿನ ದಾಳಿಗೆ 13 ಬಲಿ