ಮೈಸೂರು ಕ್ರೈಂ ಸುದ್ದಿ: ಅಪರಿಚಿತ ಶವ ಪತ್ತೆ

ಮೈಸೂರು, ಮಾ. 16: ಶ್ರೀರಂಗಪಟ್ಟಣದ ಪೈಲ್ವಾನ್ ಶ್ರೀಕಂಠು ಅವರ ಜಮೀನಿನ ಮುಂಭಾಗ ರೈಲ್ವೆ ಹಳಿ ಪಕ್ಕದಲ್ಲಿರುವ ಮರಕ್ಕೆ ಒಬ್ಬ ಅಪರಿಚಿತ ಗಂಡಸು ಜೀವನದಲ್ಲಿ ಜಿಗುಪ್ಸೆಗೊಂಡು ಯಾವುದೋ ಕಾರಣದಿಂದ ನೇಣು ಹಾಕಿಕೊಂಡು ಸತ್ತಿರುವುದಾಗಿ ಕಂಡುಬಂದಿರುತ್ತದೆ. ಮೃತನ ಮೈ ಮೇಲೆ ಬಿಳಿ ಶರ್ಟ್ ಮತ್ತು ಕಪ್ಪು ಪ್ಯಾಂಟ್ ಇರುತ್ತದೆ. ಮೃತನ ವಾರಸುದಾರರು ಪತ್ತೆಯಾಗಿರುವುದಿಲ್ಲ. ಮೃತನ ಚಹರೆ ಹೀಗಿದೆ:

ಅಪರಿಚಿತ ಗಂಡಸು, ವಯಸ್ಸು ಸುಮಾರು 40 ರಿಂದ 45 ವರ್ಷ, ಎತ್ತರ ಸುಮಾರು 5.6 ಅಡಿಗಳು. ಕಪ್ಪು ಮೈಬಣ್ಣ, ಸಾದಾರಣ ಶರೀರ, ಕೋಲು ಮುಖ, ತಲೆಂiiಲ್ಲಿ ಸುಮಾರು 2 ಇಂಚು ಉದ್ದದ ಕಪ್ಪು ಬಿಳಿ ಮಿಶ್ರಿತ ಕೂದಲು, ಮುಖದಲ್ಲಿ ಕಪ್ಪು ಮತ್ತು ಬಿಳಿ ಮಿಶ್ರಿತ ಗಡ್ಡ ಮತ್ತು ದಪ್ಪನಾದ ಮೀಸೆ ಇರುತ್ತದೆ. ಎಡಗೈಯಲ್ಲಿ "TAC " ಎಂದು ಇಂಗ್ಲೀಷಿನಲ್ಲಿ ಮಸಕಾದ ಹಚ್ಚೆ ಗುರುತು ಇರುತ್ತದೆ.

ಒಂದು ಬಾದಾಮಿ ಬಣ್ಣದ ತುಂಬು ತೋಳಿನ ಟೆರಿಕಾಟ್ ಶರ್ಟ್, ಒಂದು ಕಾಫಿ ಬಣ್ಣ ಟೆರಿಕಾಟ್ ಪ್ಯಾಂಟ್, ಒಂದು ಹಸಿರು ಬಣ್ಣದ ಎಲಾಸ್ಟಿಕ್ ನಿಕ್ಕರ್, ಒಂದು ಜೊತೆ ಸಿಮೆಂಟ್ ಬಣ್ಣದ ಪಟ್ಟಿಯಿರುವ ಬಿಳಿ ಹವಾಯಿ ಚಪ್ಪಲಿ, ಎಡಗೈಯಲ್ಲಿ ಕಪ್ಪು ಡಯಲ್, ಸ್ಟೀಲ್ ಕೇಸ್ ಇರುವ ಹಳೆಯ ಹೆಚ್ ಎಂ ಟಿ ಕಂಪನಿಯ ವಾಚ್ ಇರುತ್ತದೆ. ಮೃತನ ಬಳಿಯಲ್ಲಿ ಹಳದಿ ಬಣ್ಣದ ಪ್ಲಾಸ್ಟಿಕ್ ಕವರ್‌ನಲ್ಲಿ ಬೂದಿ ಬಣ್ಣದ ತುಂಬು ತೋಳಿನ ಟೆರಿಕಾಟ್ ಶರ್ಟ್, ಕಪ್ಪು ಬಣ್ಣದ ಟೆರಿಕಾಟ್ ಪ್ಯಾಂಟ್, ಒಂದು ಸ್ಟೀಲ್ ಫ್ರೇಮಿನ ಹಳೆಯ ಗಾಜಿನ ಕನ್ನಡಕ, ಬಿಳಿ ಕರವಸ್ತ್ರ ದೊರೆತಿರತ್ತದೆ.

ಮೃತ ದೇಹವನ್ನು ಮೈಸೂರಿನ ಮೆಡಿಕಲ್ ಕಾಲೇಜಿನ ಶವಾಗಾರದಲ್ಲಿಡಲಾಗಿದೆ. ಮೃತನ ವಾರಸುದಾರರ ಬಗ್ಗೆ ಮಾಹಿತಿ ದೊರೆತಲ್ಲಿ ಎಸ್. ನಾರಾಯಣಸ್ವಾಮಿ, ಸಬ್ ಇನ್ಸ್‌ಪೆಕ್ಟರ್ ಆಫ್ ಪೋಲೀಸ್, ಮೈಸೂರು ರೈಲ್ವೆ ಪೋಲೀಸ್ ಠಾಣೆ ಅವರನ್ನು ಸಂಪರ್ಕಿಸಬೇಕಾಗಿ ವಿನಂತಿ. ಮೊಬೈಲ್ ಸಂಖ್ಯೆ 9449206174 ಮತ್ತು ಠಾಣೆಯ ದೂರವಾಣಿ ಸಂಖ್ಯೆ 0821-2516579
(ದಟ್ಸ್ ಕನ್ನಡ ವಾರ್ತೆ)