ಪಿಇಎಸ್ ಐಟಿ ವಿದ್ಯಾರ್ಥಿಯಿಂದ ಆಸೀಸ್ ಮಾನಭಂಗ

ಗೋಕರ್ಣ, ಮಾ. 9: ಆಸ್ಟ್ರೇಲಿಯಾದ ಪ್ರವಾಸಿ ಗಿಬ್ಸ್ ಲಾರೆಂಜೈನ್(28) ಎಂಬ ಮಹಿಳೆಯನ್ನು 22 ರ ಹರೆಯ ಕಾಲೇಜು ವಿದ್ಯಾರ್ಥಿ ಪ್ಯಾರಡೈಸ್ ಕಡಲ ತೀರದ ಸಮೀಪ ಮಾನಭಂಗ ಮಾಡಿದ ದಾರುಣ ಘಟನೆ ನಡೆದಿದೆ. ಆರೋಪಿ ಬಸವರಾಜ್ ಶರಣನನ್ನು ಪೊಲೀಸರು ಬಂಧಿಸಿ, ವಿಚಾರಣೆ ನಡೆಸುತ್ತಿದ್ದಾರೆ.

ಪ್ಯಾರಡೈಸ್ ಬೀಚ್ ನ ರೆಸಾರ್ಟ್ ನಲ್ಲಿ ಆಸೀಸ್ ಮಹಿಳೆ ಗಿಬ್ಸ್ ತನ್ನ ಪತಿ ಬೆರ್ನಾಡ್ ಅಲೆಕ್ಸಾಂಡರ್ ಜೊತೆ ವಾಸಿಸುತ್ತಿದ್ದರು. ಭಾನುವಾರ ಮಧ್ಯರಾತ್ರಿ1ಗಂಟೆ ಸುಮಾರಿಗೆ ಬಸವರಾಜ್ ರೆಸಾರ್ಟ್ ಪ್ರವೇಶಿಸಿ ಗಿಬ್ಸ್ ಅವರ ಮಾನಭಂಗ ಮಾಡಿದ್ದಾನೆ. ಪ್ರಾಥಮಿಕ ವರದಿಗಳನ್ನು ದಾಖಲಿಸಿಕೊಳ್ಳಲಾಗಿದ್ದು ಆರೋಪಿ ಬಸವರಾಜ್ ನನ್ನು ಕೋರ್ಟಿಗೆ ಹಾಜರು ಪಡಿಸಲಾಗುವುದು ಎಂದು ಪೊಲೀಸರು ಹೇಳಿದ್ದಾರೆ. ನನ್ನ ಪತಿ ಬಂದ ಎಂದು ತಿಳಿದು ನಾನು ಬಾಗಿಲು ತೆಗೆದೆ ಆದರೆ ಅರೋಪಿ ನನ್ನನ್ನು ದೂಡಿ ಅತ್ಯಾಚಾರ ಎಸಗಿದ ಎಂದು ಗಿಬ್ಸ್ ಹೇಳಿಕೆ ನೀಡಿದ್ದಾರೆ.

ರಾಯಚೂರು ಮೂಲದ ಆರೋಪಿ ಬಸವರಾಜ್ ಶರಣ ಬೆಂಗಳೂರಿನ ಪಿಇಎಸ್ ಇಂಜಿನಿಯರಿಂಗ್ ಕಾಲೇಜಿನ ವಿದ್ಯಾರ್ಥಿಯಾಗಿದ್ದಾನೆ. ಸದ್ಯ ಪೊಲೀಸ್ ವಶದಲ್ಲಿದ್ದಾನೆ. ಗಿಬ್ಸ್ ದಂಪತಿಗಳು ಗೋಕರ್ಣ ಬಿಟ್ಟು ತೆರಳಿದ್ದಾರೆ ಎಂದು ತಿಳಿದುಬಂದಿದೆ.

(ದಟ್ಸ್ ಕನ್ನಡ ವಾರ್ತೆ)