ಇಂಟೆರ್ನೆಟ್ ಗಳಲ್ಲಿ ಬಿಬಿಎಂಪಿ ಆಸ್ತಿ ತೆರಿಗೆ ಅರ್ಜಿ

ಬೆಂಗಳೂರು, ಮಾ.9: ಇಂಟರ್ನೆಟ್ ಕಿಯೋಸ್ಕ್ ಗಳಿಂದ ಆಸ್ತಿ ತೆರಿಗೆ ಅರ್ಜಿಯನ್ನು ಪಡೆಯುವ ವ್ಯವಸ್ಥೆಯನ್ನು ಜಾರಿಗೊಳಿಸಲು ಬೆಂಗಳೂರು ಮಹಾನಗರ ಪಾಲಿಕೆ ಉದ್ದೇಶಿಸಿದೆ. ಈ ಸಂಬಂಧ ನಗರದ ವಿವಿಧ ಬಡಾವಣೆಗಳ ಬ್ರೌಸಿಂಗ್ ಕೇಂದ್ರಗಳ ಮಾಲೀಕರಿಗೆ ವಿಶೇಷ ತರಬೇತಿ ನೀಡಲು ಬಿಬಿಎಂಪಿ ಮುಂದಾಗಿದೆ.

ವಿಶೇಷ ತರಬೇತಿಯಲ್ಲಿ ಭಾಗವಹಿಸಲು ಇಚ್ಛಿಸುವ ಬ್ರೌಸಿಂಗ್ ಕೇಂದ್ರಗಳ ಮಾಲೀಕರು [email protected] ನಲ್ಲಿ ತಮ್ಮ ಹೆಸರು ಮತ್ತು ವಿಳಾಸವನ್ನ್ನು ನೋಂದಣಿ ಮಾಡಿಕೊಳ್ಳಬಹುದು. ಈ ಹೊಸ ವ್ಯವಸ್ಥೆಯಿಂದ www.bmponline.org ಅಂತರ್ಜಾಲದಲ್ಲಿ ಆಸ್ತಿ ತೆರಿಗೆ ಅರ್ಜಿಯನ್ನು ಪಡೆಯಬಹುದು. ಇದಕ್ಕಾಗಿ ಬ್ರೌಸಿಂಗ್ ಮಾಡಲು ನಿಗದಿಪಡಿಸಿದ ದರ, ಪ್ರಿಂಟ್ ಔಟ್ ಶುಲ್ಕವನ್ನು ಬ್ರೌಸಿಂಗ್ ಕೇಂದ್ರಗಳಿಗೆ ಆಸ್ತಿ ಮಾಲೀಕರು ಪಾವತಿಸಬೇಕಾಗುತ್ತದೆ.

ಮಲ್ಲೇಶ್ವರಂ 16ನೇ ಕ್ರಾಸ್, ಜ್ಞಾನ ಜ್ಯೋತಿ ಅರ್ಬನ್ ಹೆಲ್ತ್ ಟ್ರೈನಿಂಗ್ ಇನ್ ಸ್ಟಿಟ್ಯೂಟ್, ಐಪಿಪಿ ಕೇಂದ್ರ (ಚೌಡಯ್ಯ ಸ್ಮಾರಕ ಕೇಂದ್ರದ ಬಳಿ), ಈ ವಿಳಾಸದಲ್ಲಿ ಬ್ರೌಸಿಂಗ್ ಕೇಂದ್ರದ ಮಾಲೀಕರಿಗೆ ಮಾರ್ಚ್ 11ರಂದು ಬೆಳಗ್ಗೆ 10.30ಕ್ಕೆ ತರಬೇತಿ ನೀಡಲಾಗುತ್ತದೆ ಎಂದು ಬಿಬಿಎಂಪಿ ಉಪ ಆಯುಕ್ತ ಯು ಎ ವಸಂತರಾವ್ ತಿಳಿಸಿದ್ದಾರೆ.

(ದಟ್ಸ್ ಕನ್ನಡ ವಾರ್ತೆ)