ಗಾಂಧೀಜಿ ಬಳಸಿದ ಕನ್ನಡಕ ಲಂಡನ್ನಿನಲ್ಲಿ ಹರಾಜು

ಲಂಡನ್, ಫೆ. 12 : ರಾಷ್ಟ್ರಪಿತ ಮಹಾತ್ಮಾ ಗಾಂಧಿ ಅವರು ಉಪಯೋಗಿಸುತ್ತಿದ್ದ ಚಪ್ಪಲಿ, ಕನ್ನಡಕ, ಪರ್ಸ್, ಕೈಗಡಿಯಾರ ಮುಂತಾದ ವಸ್ತುಗಳ ಹರಾಜು ಪ್ರಕ್ರಿಯೆ ಲಂಡನ್ ನಲ್ಲಿ ಮಾರ್ಚ್ 4 ಮತ್ತು 5 ರಂದು ಪ್ರಾಚೀನ ವಸ್ತು ಮತ್ತು ಕಲಾಕೃತಿ ಸಂಗ್ರಹಾಲಯದಲ್ಲಿ ನಡೆಯಲಿದೆ ಎಂದು ಡೈಲಿ ಟೆಲಿಗ್ರಾಫ್ ಪತ್ರಿಕೆ ವರದಿ ಮಾಡಿದೆ.

ನ್ಯೂಯಾರ್ಕ್ ನಲ್ಲಿ ಈ ಬಗ್ಗೆ ಮಾತನಾಡಿದ ಈ ಸಂಗ್ರಹಾಲಯದ ಸದಸ್ಯ ಮಿಚಿಲಿ ಹಾಲ್ಪೆರ್ನ, ಈ ಟೆಂಡರ್ ಪ್ರಕ್ರಿಯೆಯಿಂದ 30,000 ಸಾವಿರ ಪೌಂಡ್ ಸಂಗ್ರಹಿಸುವ ಗುರಿ ಹೊಂದಲಾಗಿದೆ ಎ೦ದಿದ್ದಾರೆ. ಕೈಗಡಿಯಾರವನ್ನು ಮಹಾತ್ಮಾ ಗಾಂಧಿ ತನ್ನ ಸಹೋದರಿಯ ಮಗಳು ಅಭಾ ಗಾಂಧಿಗೆ ನೀಡಿದ್ದರು. ಅವರು ಬಳಸುತ್ತಿದ್ದ ಕನ್ನಡಕವನ್ನು ಭೂಸೇನೆಯ ಅಧಿಕಾರಿ ಶಿರಿ ದವನ್ ಅನ್ನುವವರಿಗೆ, ಚಪ್ಪಲಿಯನ್ನು ಬ್ರಿಟನ್ ಭೂಸೇನೆಯ ಅಧಿಕಾರಿಯೊಬ್ಬರಿಗೆ ದುಂಡು ಮೇಜಿನ ಪರಿಷತ್ತು ನಡೆಯುವ ಮುಂಚೆ 1931 ರಲ್ಲಿ ನೀಡಿದ್ದರು ಎಂದು ಹಾಲ್ಪೆರ್ನ ತಿಳಿಸಿದ್ದಾರೆ.

ಮಹಾತ್ಮಾ ಗಾಂಧಿಯವರು ಬರೀ ಭಾರತದ ನಾಯಕರಷ್ಟೇ ಅಲ್ಲದೆ ಇಡೀ ವಿಶ್ವದ ನಾಯಕರಲ್ಲಿ ಒಬ್ಬರಾಗಿದ್ದಾರೆ, ಆದುದರಿಂದ ಈ ಹರಾಜು ಪ್ರಕ್ರಿಯೆಗೆ ಉತ್ತಮ ಪ್ರತಿಕ್ರಿಯೆ ನಿರೀಕ್ಷಿಸಲಾಗಿದೆ ಎಂದು ಅವರು ತಿಳಿಸಿದರು.

(ದಟ್ಸ್ ಕನ್ನಡ ವಾರ್ತೆ)