ಬೆಂಗಳೂರು-ಮುಳಬಾಗಲು ರಸ್ತೆಯಲ್ಲಿ ಸುಖಪಯಣ!

ನವದೆಹಲಿ : ಬೆಂಗಳೂರು-ಮುಳಬಾಗಲು ಹೆದ್ದಾರಿಯನ್ನು ಆರು ಪಥದ ರಸ್ತೆಯನ್ನಾಗಿ ಪರಿವರ್ತಿಸಲು ಕೇಂದ್ರ ಸರ್ಕಾರ ಸಮ್ಮತಿಸಿದೆ.

ರಾಷ್ಟ್ರೀಯ ಹೆದ್ದಾರಿ ಉಪ ಯೋಜನೆಯಡಿ, ಬೆಂಗಳೂರು-ಮುಳಬಾಗಲು ಹೆದ್ದಾರಿ ಯೋಜನೆಯನ್ನು ಕೈಗೆತ್ತಿಕೊಳ್ಳಲು ಪ್ರಧಾನಿ ಡಾ.ಮನಮೋಹನ್‌ ಸಿಂಗ್‌ ಅಧ್ಯಕ್ಷತೆಯಲ್ಲಿ ನಡೆದ ಆರ್ಥಿಕ ವ್ಯವಹಾರಗಳ ಸಂಪುಟ ಸಬೆ ನಿರ್ಧರಿಸಿದೆ.

ಸುಮಾರು 560ಕೋಟಿ ವೆಚ್ಚದಲ್ಲಿ ಸುಮಾರು 80ಕಿ.ಮೀ ರಸ್ತೆ ನಿರ್ಮಾಣವಾಗಲಿದೆ. ಕೇಂದ್ರ ಸರ್ಕಾರದ ನಿರ್ಧಾರವನ್ನು ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ಸ್ವಾಗತಿಸಿದ್ದಾರೆ.

(ಏಜನ್ಸೀಸ್‌)