ತಿಪಟೂರು ಬಳಿ ರೈಲು ಅಪಘಾತ, ಮೂವರ ದುರ್ಮರಣ

ಬೆಂಗಳೂರು : ರೈಲ್ವೆ ಕ್ರಾಸ್‌ ದಾಟುತ್ತಿದ್ದ ಆಟೋ ರಿಕ್ಷಾಕ್ಕೆ ಯಶವಂತಪುರ-ದಾದರ್‌ ಚಾಲುಕ್ಯ ಎಕ್ಸ್‌ಪ್ರೆಸ್‌ ಟ್ರೆೃನ್‌ ಡಿಕ್ಕಿ ಹೊಡೆದು, ಮಂಗಳವಾರ ಮೂವರು ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ.

ತುಮಕೂರು ಜಿಲ್ಲೆಯ ತಿಪಟೂರು ಸಮೀಪ ಇಂದು ಬೆಳಗ್ಗೆ ಈ ದುರ್ಘಟನೆ ಸಂಭವಿಸಿದೆ.

ರೈಲ್ವೆ ಕ್ರಾಸನ್ನು ಆತುರದಿಂದ ಆಟೋ ಚಾಲಕ ದಾಟಿದ್ದೆ, ದುರಂತಕ್ಕೆ ಮೂಲ ಕಾರಣ. ಅಪಘಾತದಲ್ಲಿ ತೀವ್ರವಾಗ ಗಾಯಗೊಂಡ ಒಬ್ಬಾತನನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮೃತರ ಬಗ್ಗೆ ಹೆಚ್ಚಿನ ವಿವರಗಳು ಈವರೆಗೆ ತಿಳಿದುಬಂದಿಲ್ಲ.

(ಯುಎನ್‌ಐ)