ನಿರುದ್ಯೋಗ ಭತ್ಯೆಕೊಡಿ! ಸದನದಿ ಗದ್ದಲವೆಬ್ಬಿಸಿದ ಇಬ್ಬರು ಯುವಕರು

ನಿರುದ್ಯೋಗ ಭತ್ಯೆಕೊಡಿ! ಸದನದಿ ಗದ್ದಲವೆಬ್ಬಿಸಿದ ಇಬ್ಬರು ಯುವಕರು
ಅನಿರೀಕ್ಷಿತ ಘಟನೆಗೆ ಸಾಕ್ಷಿಯಾದ ವಿಧಾನಸಭೆ

ಅಧಿಕಾರಕ್ಕೆ ಬಂದಲ್ಲಿ ನಿರುದ್ಯೋಗ ಭತ್ಯೆ ನೀಡುವುದಾಗಿ ಚುನಾವಣಾ ಸಮಯದಲ್ಲಿ ಕಾಂಗ್ರೆಸ್‌ ನೀಡಿದ ಭರವಸೆ ಏನಾಯಿತು ?

ಪ್ರಣಾಳಿಕೆಯಲ್ಲಿ ಪ್ರಸ್ತಾಪಿಸಿದ ವಿಷಯವನ್ನು ಮರೆತಿದ್ದ ಕಾಂಗ್ರೆಸ್‌ ನಾಯಕರಿಗೆ ನಿರುದ್ಯೋಗ ಭತ್ಯೆಯ ವಿಷಯವನ್ನು ಜು.21ರ ಬುಧವಾರ ವಿಧಾನಸಭೆಯಲ್ಲಿ ನೆನಪು ಮಾಡಿಕೊಡಲಾಯಿತು. ನೆನಪಿಸಿದವರು ಪ್ರತಿಪಕ್ಷಗಳ ಸದಸ್ಯರಲ್ಲ ; ಪ್ರೇಕ್ಷಕರ ಗ್ಯಾಲರಿಯಲ್ಲಿದ್ದ ಯುವಕರು !

ನಿರುದ್ಯೋಗಿ ಯುವ ಜನತೆಗೆ 500 ರುಪಾಯಿ ಮಾಸಿಕ ಭತ್ಯೆ ನೀಡುವಂತೆ ಸರ್ಕಾರವನ್ನು ಒತ್ತಾಯಿಸಿ ಇಬ್ಬರು ಯುವಕರು ಘೋಷಣೆ ಕೂಗಿದರು. ಈ ಕುರಿತ ಕರಪತ್ರಗಳನ್ನೂ ಎಸೆದರು. ತಕ್ಷಣ ಧಾವಿಸಿದ ರಕ್ಷಣಾ ಸಿಬ್ಬಂದಿ ಇಬ್ಬರು ಯುವಕರನ್ನೂ ಸದನದಿಂದ ಹೊತ್ತೊಯ್ದಿತು.

ಅಧಿಕಾರಕ್ಕೆ ಬಂದಲ್ಲಿ ರಾಜ್ಯದ ವಿದ್ಯಾವಂತ ಯುವ ಜನತೆಗೆ ನಿರುದ್ಯೋಗ ಭತ್ಯೆ ನೀಡುವುದಾಗಿ ಕಾಂಗ್ರೆಸ್‌ ವಾಗ್ದಾನ ಮಾಡಿತ್ತು . ಆದರೆ ಮೊನ್ನೆ , ಜುಲೈ 19ರಂದು ಮಂಡಿಸಿದ ರಾಜ್ಯ ಬಜೆಟ್‌ನಲ್ಲಿ ನಿರುದ್ಯೋಗ ಭತ್ಯೆ ಪ್ರಸ್ತಾಪವೇ ಇಲ್ಲ ? ಮಾತು ತಪ್ಪಿದಿರಾ ಪೂಜಾರಿ? ಇದೇನಾ ಧರ್ಮ ಸಿಂಗ್‌ ?

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು