ಬಾಲಕಿ ಮೊರೆಗೆ ಕರಗಿದ ಕೃಷ್ಣ : ಇಬ್ಬರು ಪೊಲೀಸರ ಅಮಾನತು

ಬೆಂಗಳೂರು : ಬಾಲಕಿಯಾಬ್ಬಳಿಗೆ ಕಿರುಕುಳ ಕೊಟ್ಟ ಇಬ್ಬರು ಪೊಲೀಸ್‌ ಪೇದೆಗಳನ್ನು ಮುಖ್ಯಮಂತ್ರಿ ಕೃಷ್ಣ ಅಮಾನತುಗೊಳಿಸಿರುವ ಸಿನಿಮೀಯ ಘಟನೆ ಗುರುವಾರ ನಡೆದಿದೆ.

ಇನ್ನು 6 ವರ್ಷಗಳಲ್ಲಿ, ಅಂದರೆ 2007ರ ಹೊತ್ತಿಗೆ ಬಾಲ ಕಾರ್ಮಿಕ ಪದ್ಧತಿಯನ್ನು ಬುಡ ಸಮೇತ ಕಿತ್ತೊಗೆಯಲು ಬಾಲ ಕಾಮಿಕ ಪದ್ಧತಿ ಯೋಜನೆಗೆ ಚಾಲನೆ ಕೊಡುವ ಸಮಾರಂಭದಲ್ಲಿ ಕೃಷ್ಣ ಮಾತಾಡುತ್ತಿದ್ದರು. ಎಸ್‌.ವಿನುತ ಎಂಬ ಬಾಲಕಿ ಚೀಟಿಯಾಂದನ್ನು ಹಿಡಿದು ವೇದಿಕೆಗೆ ಬಂದು ಮುಖ್ಯಮಂತ್ರಿ ಕೃಷ್ಣ ಅವರಿಗೆ ಕೊಟ್ಟಳು. ಆಕೆಯ ಜೊತೆಗೆ ಭಿಕ್ಷುಕನ ಮಗಳಾಗಿದ್ದೂ, ಎಸ್ಸೆಸ್ಸೆಲ್ಸಿಯಲ್ಲಿ ಫಸ್ಟ್‌ಕ್ಲಾಸ್‌ ತೆಗೆದು ಸುದ್ದಿಯಲ್ಲಿರುವ ನಾಗರತ್ನ ಕೂಡ ಇದ್ದಳು.

ಜನ ವಿನುತಾಳನ್ನು ವೇದಿಕೆಯ ಮೇಲೆ ಮಾತನಾಡುವಂತೆ ಒತ್ತಾಯಿಸಿದರು. ಅವಳು ಕೃಷ್ಣ ಅವರಿಗೆ ದೂರಿತ್ತಳು- 'ಪೊಲೀಸರು ಜೈಲಿಗೆ ಕರೆದುಕೊಂಡು ಹೋಗಿ ದನ ಬಡಿದ ಹಾಗೆ ಬಡಿದರು. ಅವರ ವಿರುದ್ಧ ಕ್ರಮ ತೆಗೆದುಕೊಳ್ಳಿ". ಅದ ಕೇಳಿದ ಕೃಷ್ಣ ಮನವಿಯನ್ನು ಓದುವಷ್ಟೂ ಸಮಯ ಹಾಳು ಮಾಡದೆ, ನಿಂತಲ್ಲೇ ಈ ಘಟನೆಗೆ ಕಾರಣರಾಗಿರುವ ಇಬ್ಬರೂ ಪೇದೆಗಳನ್ನು ಅಮಾನತ್ತುಗೊಳಿಸುವಂತೆ ಆದೇಶಿಸಿದರು. ಈ ಪ್ರಕರಣದ ವಿಚಾರಣೆ ನಡೆಸುವಂತೆ ಐಜಿಪಿ ಎಂ.ಕೆ.ಶ್ರೀವಾಸ್ತವ ಅವರಿಗೆ ನಿರ್ದೇಶಿಸಿದರು.

English summary

Krishna inaugurates an action project to eliminate child labour in karnataka by 2007