ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಮಗನ ಹತ್ತಿರ ಜಗಳವಾಗಬಹುದು. ಮನೆಗೆ ಸಂಬಂಧಿಸಿದಂತೆ ನಡೆಯುವ ವಾಗ್ಯುದ್ಧದಲ್ಲಿ ನೀವು ಸೋತರೆ ಸುಮ್ಮನೇ ಮುಖ ಊದಿಸಿಕೊಳ್ಳಬೇಡಿ. ಆಫೀಸಿನಲ್ಲಿಯೂ ಮೂಡ್‌ ಔಟ್‌ ಮಾಡಿಕೊಂಡರೆ ದಿನ ಚೆಂದ ಇರುತ್ತದಾ?

ವೃಷಭ : ನಿಮ್ಮ ವ್ಯಾಸಂಗಕ್ಕೆ ಭಂಗ ಬಹಬಹುದು. ಲಾಟರಿ ಗೀಟರಿ ವ್ಯವಹಾರವಾದರೆ ಇವತ್ತು ಲಕ್‌ ಉಂಟು. ಹಾಗಂತ ಕೈ ಸಡಿಲ ಮಾಡಬೇಡಿ. ನೀವು ಮುಗಿಸಬೇಕಾದ ಜವಾಬ್ದಾರಿಗಳನ್ನು ಮರೆತಿದ್ದೀರಾ?

ಮಿಥುನ : ಎಡವಿದರೆ, ಗಾಯಕ್ಕೆ ಮದ್ದು ಹಚ್ಚಿಕೊಳ್ಳಬೇಕು. ಬೇಸರ ತಂದುಕೊಂಡರೆ ನಿಮಗೂ ತೊಂದರೆ, ನಿಮ್ಮ ಸ್ನೇಹಿತರಿಗೂ ತೊಂದರೆ. ಆಫೀಸಿನಲ್ಲಿ ಖುಷಿಯ ದಿನ. ಆಭರಣ ಧರಿಸುವ ಯೋಗವಿದೆ.

ಕಟಕ : ಆರ್ಥಿಕ ಮುಗ್ಗಟ್ಟಿನಿಂದ ರೋಧಿಸುತ್ತಿರುವ ನಿಮಗೆ ಬಂಧು ಮಿತ್ರರ ನೆರವಿನ ಸುದ್ದಿ ಸಿಗುತ್ತದೆ. ತುಂಬಾ ದಿನದಿಂದ ಪಕ್ಕಕ್ಕೆ ಸರಿಸಿರುವ ಕೆಲಸಗಳಿಗೆ ಇವತ್ತು ಚಾಲನೆ ದೊರೆಯಲಿದೆ.

ಸಿಂಹ : ಕೆಲಸ ಮಾಡುವ ಮೂಡ್‌ ಇಲ್ಲ ಅಂತ ಮೌನವಾದರೆ ನಿಮ್ಮ ಬಳಿ ಬಂದಿರುವ ಗೆಲುವು ದೂರ ಹೋಗಿಬಿಡುತ್ತದೆ. ಆದ್ದರಿಂದ ಸೋಮಾರಿತನ ಬೇಡ. ಕಮಾನ್‌, ಬಿ ಆ್ಯಕ್ಟಿವ್‌.

ಕನ್ಯಾ : ಕೋರ್ಟ್‌ ನೋಟೀಸೇನಾದರೂ ಬರುವುದಿದೆಯೋ ? ನಿಮ್ಮ ಕೆಲಸ ಕಾರ್ಯಗಳು ಯಶಸ್ವಿಯಾಗುತ್ತವೆ. ಹಣ ಲಾಭವಾಗಬಹುದು. ಕುಟುಂಬದಲ್ಲಿನ ನೆಮ್ಮದಿ ನಿಮ್ಮನ್ನು ಖುಷಿಯಲ್ಲಿರಿಸುತ್ತದೆ.

ತುಲಾ : ಖುಷಿಯ ಭರದಲ್ಲಿ ಬಾಯಿ ತಪ್ಪಿ ಮಾತನಾಡಬೇಡಿ. ಸ್ನೇಹಿತರ ಸಿಟ್ಟಿಗೆ ಗುರಿಯಾಗುತ್ತೀರಿ. ಮನೆಯಲ್ಲಿ ಶುಭ ಕಾರ್ಯ ನಡೆಸಬೇಕು ಎಂಬ ನಿಮ್ಮ ಯೋಜನೆ ಸದ್ಯಕ್ಕೆ ಕೈಗೂಡದಿದ್ದರೂ ಆ ದಿಕ್ಕಿನಲ್ಲಿ ನಿಮ್ಮ ಪ್ರಯತ್ನ ಕೈ ಬಿಡಬೇಡಿ.

ವೃಶ್ಚಿಕ : ನೀವು ಕಾಣುತ್ತಿರುವ ಕನಸು ಸದ್ಯದಲ್ಲಿಯೇ ಕೈಗೂಡಲಿದೆ. ಆ ಮುನ್ಸೂಚನೆಯಿಂದಲೇ ಉಲ್ಲಸಿತರಾಗಿದ್ದೀರಿ. ಆಫೀಸಿನಲ್ಲಿ ರಾಶಿ ಬಿದ್ದಿರುವ ಕೆಲಸಗಳು ಮತ್ತು ಸಹಕರಿಸದ ಸಹೋದ್ಯೋಗಿಗಳಿಂದ ಬೇಜಾರು ಮಾಡಿಕೊಳ್ಳಬೇಡಿ.

ಧನಸ್ಸು : ಎಂದೋ ಸಾಲ ಮಾಡಿ ಮರೆತುಬಿಟ್ಟಿದ್ದೀರಾ ಅಂತ ನೆನಪಿಸಿಕೊಳ್ಳಿ. ವಿನಾ ಕಲಹ ಎದುರಿಸುವ ಮುನ್ನ ಎಲ್ಲವನ್ನು ಚುಕ್ತ ಮಾಡುವುದು ಒಳ್ಳೆಯದಲ್ವ ? ನೆಂಟರು ಬಂದರೆ ಮುಖ ಸಿಂಡರಿಸಿಕೊಳ್ಳಬಾರದು.

ಮಕರ : ನೌಕರಿಯ ಬಗ್ಗೆ ಸಂತೋಷದಿಂದ ಇರುತ್ತೀರಿ. ಹಣ ಹಾಳು ಮಾಡಿಕೊಂಡರೆ ನಂತರ ಪಶ್ಚಾತ್ತಾಪ ಪಡಬೇಕಾದೀತು. ಸಾಲ ಕೊಡುವಾಗ ಎರಡು ಬಾರಿ ಯೋಚಿಸಿ.

ಕುಂಭ : ಪತ್ನಿಯ ಅನಾರೋಗ್ಯ ನಿಮ್ಮನ್ನು ಕಂಗೆಡಿಸುತ್ತದೆ. ಆದರೆ ನೀವು ಭಯ ಪಟ್ಟುಕೊಂಡಷ್ಟು ಪರಿಸ್ಥಿತಿ ಕೆಟ್ಟು ಹೋಗಿಲ್ಲ. ಗೆಳೆಯರೊಂದಿಗೆ ಜಗಳ ಬೇಡ . ಅವರು ನಿಮ್ಮ ಒಳ್ಳೆಯದನ್ನೇ ಬಯಸುತ್ತಿರುತ್ತಾರೆ ಅಂತ ಮರೆಯಬೇಡಿ.

ಮೀನ : ನಿಮ್ಮ ಕ್ಷಣ ಚಿತ್ತ ಕ್ಷಣ ಪಿತ್ತ ಬುದ್ಧಿ ಅರ್ಥವಾಗದೇ ಸ್ನೇಹಿತರು ಕಕ್ಕಾಬಿಕ್ಕಿಯಾಗುತ್ತಾರೆ. ಆದರೂ ನೀವು ಸದ್ಯಕ್ಕೆ ಆರಾಮವಾಗಿರುತ್ತೀರಿ. ನೌಕರಿಯಲ್ಲಿ ನಿಮ್ಮದೇ ಕಾರುಬಾರು. ಅವಕಾಶವನ್ನು ಸದುಪಯೋಗ ಪಡಿಸಿಕೊಳ್ಳಿ.