• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಅಂಗೈ ಹುಣ್ಣಿಗೆ ಕನ್ನಡಿ ಬೇಕೆ?

By Staff
|

ಹೀಗೆ ಹಲವು ಸಂಗತಿಗಳನ್ನು ವೃಕ್ಷಲಕ್ಷ ಆಂದೋಲನದ ಅನಂತ ಹೆಗಡೆ ಆಶೀಸರ ಬಯಲಿಗೆಳೆದರು. ಗಣೇಶ್‌ ಭಟ್‌ ಉಪ್ಪೋಣಿ ಎರಡೂ ಯೋಜನಾ ವರದಿಗಳನ್ನು ಪ್ರದರ್ಶಿಸಿ ಸಮರ್ಥಿಸಿದರು.

ಅಂಗೈ ಹುಣ್ಣಿಗೆ ಕನ್ನಡಿ ಬೇಕೆ ಎಂಬಂತಿದ್ದ ವರದಿಯ ಲೋಪದೊಷಗಳನ್ನು ಪಟ್ಟಿ ಮಾಡಿದ ಪರಿಸರವಾದಿಗಳು ಜನತೆ ಮತ್ತು ಸರಕಾರವನ್ನು ತಪ್ಪು ಮಾಹಿತಿ ನೀಡಿ ದಾರಿತಪ್ಪಿಸುತ್ತಿರುವ ಆಪಾದನೆ ಮೇಲೆ ಕ್ರಿಮಿನಲ್‌ ಮೊಕದ್ದಮೆ ಹೂಡಬೇಕೆಂದರು.

ಉದ್ಯೋಗ ಬೇಕು : ಆಕ್ಷೇಪಗಳಿಗೆ ಉತ್ತರಿಸುವಂತೆ ಜಿಲ್ಲಾಧಿಕಾರಿ ನೀಡಿದ ರೂಲಿಂಗ್‌ಗೆ ಪ್ರವರ್ತಕರ ಬಳಿ ಉತ್ತರವೇ ಇರಲಿಲ್ಲ.

ದಾಂಡೇಲಿ ಮತ್ತು ಜೋಯಿಡಾ ತಾಲ್ಲೂಕುಗಳಿಂದ ಬಂದಿದ್ದ ಕೆಲವು ತಂಡಗಳ ಜನರು ತಮ್ಮ ನಿರುದ್ಯೋಗ ತೊಲಗಬೇಕಾದರೆ ಇಂಥ ಯೋಜನೆ ಬೇಕು ಎಂದು ಸ್ವಾಗತ ಕೋರಿದರು. ಇನ್ನೂ ಕೆಲವರು ಪರಿಸರವಾದಿಗಳ ಆಕ್ಷೇಪವನ್ನು ತೀವ್ರವಾಗಿ ತಳ್ಳಿಹಾಕಿ ನಮಗೆ ಕೆಲಸ ಬೇಕು ಹಾಗಾಗಿ ಯೋಜನೆ ಬೇಕು ಎಂದರು. ಒಂದು ಹಂತದಲ್ಲಿ ಪರಿಸರವಾದಿಗಳ ವಿರುದ್ಧ ಧಿಕ್ಕಾರವೂ ಕೇಳಿಬಂತು. ನಿರುದ್ಯೋಗ ನಿವಾರಣೆಗೆ ಯೋಜನೆಯೇ ಮದ್ದು ಎಂಬಂತೆ ಮಾತನಾಡಿದರು.

ದಾಂಡೇಲಿಯ ವೇಣುಗೋಪಾಲ ಎಂಬ ಪರಿಸರವಾದಿ ವಾಸ್ತವ ಪರಿಸ್ಥಿತಿಯನ್ನು ಮುಂದಿಟ್ಟರು. ಯೋಜನಾ ಕಾಮಗಾರಿಯ ಸಂದರ್ಭದಲ್ಲಿ 4 ವರ್ಷ 1500 ಜನರಿಗೆ ಉದ್ಯೋಗ ದೊರಕಬಹುದು. ನಂತರ ಉದ್ಯೋಗ ಹಿಡಿಯುವವರ ಸಂಖ್ಯೆ ಕೇವಲ 150 ಎಂದು ತಿಳಿಸಿದ್ದು, ನಿರುದ್ಯೋಗದ ಮಂತ್ರ ಜಪಿಸಿದವರಿಗೆ ತಣ್ಣೀರೆರಚಿತು.

ಒಂದು ಹಂತದಲ್ಲಿ ಅಭಿವೃದ್ಧಿ ಪರ ಮಾತನಾಡುವವರು ಸಂಪೂರ್ಣ ರಾಜಕೀಯ ಪಕ್ಷಗಳ ಮುಖವಾಣಿಯಂತೆ ಮಾತನಾಡಿದರು. ಯೋಜನೆಗ ಕಾರಣರಾದ ಸಚಿವ ಆರ್‌.ವಿ. ದೇಶಪಾಂಡೆ ಮತ್ತು ಪ್ರವರ್ತಕರಿಗೆ ಕೃತಜ್ಞತೆಯನ್ನೂ ಅರ್ಪಿಸಿದರು. ಕಾಳಿ ಕೊಳ್ಳದ ಎಲ್ಲ ಯೋಜನೆಗಳನ್ನೂ ಕರ್ನಾಟಕ ವಿದ್ಯುತ್‌ ನಿಗಮವೇ ನಡೆಸುತ್ತಿರುವುದರಿಂದ ಈ ಯೋಜನೆಯನ್ನು ಕೆಪಿಸಿಗೇ ನೀಡಬೇಕೆಂದು ನಿಗಮದ ಅಧಿಕಾರಿಗಳು ಸಭೆಗೆ ತಿಳಿಸಿದರು.

ವಿಚಾರಣೆ ಕುರಿತು ಅಭಿಪ್ರಾಯ ವ್ಯಕ್ತಪಡಿಸಿದ ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿಯ ಎಸ್‌. ಬಿ. ಗಂಜಿಗಟ್ಟಿ ಅವರು ಚರ್ಚೆಯ ವಿಷಯಗಳನ್ನು ತಜ್ಞರ ಉನ್ನತ ಮಟ್ಟದ ಸಭೆಯ ಮುಂದಿಡಲಾಗುವುದು ಎಂದರು. ಸಭೆಯಲ್ಲಿ ಮಾಜಿ ಸಂಸದ ಬಿ.ಪಿ. ಕದಂ, ಜಿಲ್ಲಾಪಂಚಾಯತ್‌ ಉಪಾಧ್ಯಕ್ಷ ವಿಲಾಸ್‌ ನಾಯ್ಕ, ಪರಿಸರ ವಿಚಾರಣಾ ಸಮಿತಿ ಸದಸ್ಯರಾದ ವನಿತಾ ನಾಯ್ಕ, ಎಲ್‌.ವಿ. ಶಾನಭಾಗ, ಮೊದಲಾದವರು ಹಾಜರಿದ್ದರು.

backಮುಖಪುಟ / ಇವತ್ತು... ಈ ಹೊತ್ತು...

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more