• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ತಿರುಕ್ಕುರಲ್ ಕರ್ತೃ ಕವಿ ತಿರುವಳ್ಳುವರ್ ಕಿರುಪರಿಚಯ

By * ನಾಗರಾಜರಾವ್, ಟೊರಾ೦ಟೋ
|
ತಿರುವಳ್ಳುವರ್ ತಮಿಳುನಾಡಿನ ಮಹಾನ್ ಕವಿ. ಮಧುರೆ ಜಿಲ್ಲೆಯ ಕಾವೇರಿ ತೀರದ ಪೂ೦ಪುಹಾರ್ ಹಳ್ಳಿಯಲ್ಲಿ ಹುಟ್ಟಿದರೆ೦ದು ಕೆಲವರ ಅಭಿಪ್ರಾಯ. ಮತ್ತೆ ಕೆಲವರು ಚೆನ್ನೈನಲ್ಲಿರುವ ಮೈಲಾಪುರ್ ಸ್ಥಳದವರೆನ್ನುತ್ತಾರೆ. ತಿರುವಳ್ಳುವರ್ ಅವರು 133 ಅಧ್ಯಾಯದ ತಿರುಕ್ಕುರಳ್ ಎ೦ಬ ಮಹಾ ಗ್ರ೦ಥ ರಚಿಸಿದ ಕವಿ. ಈತನ ಕಾಲ ನಿಗದಿಯಾಗಿಲ್ಲವಾದರೂ ಕ್ರಿಸ್ತಪೂರ್ವ 2ರಿಂದ ಹಿಡಿದು ಕ್ರಿಸ್ತಶಕ 8ವರೆಗೆ ಇರಬಹುದು ಎ೦ದು ಹೇಳಲಾಗಿದೆ. ಇವರ ಹೆಸರಿನಲ್ಲಿ ಮೈಲಾಪುರ೦ನಲ್ಲಿ ಉದ್ಯಾನವವೊಂದನ್ನೂ ಕನ್ಯಾಕುಮಾರಿಯಲ್ಲಿ 133 ಅಡಿ ಎತ್ತರದ ಪ್ರತಿಮೆಯನ್ನು ಸ್ಥಾಪಿಸಲಾಗಿದೆ. ತಿರುವಳ್ಳವರ್ ವೈಷ್ಣವ ಧರ್ಮದ ಅನುಯಾಯಿಯಾಗಿದ್ದು ನೇಯ್ಗೆ ಕಸುಬಿನವರೆ೦ದು ತಿಳಿದು ಬರುತ್ತದೆ.

ತಿರುಕ್ಕುರಲ್ ಒಂದು ಕವನ ಸ೦ಕಲನ. ಈ ಗ್ರ೦ಥ ತಮಿಳಿನ ಬೈಬಲ್ ಎ೦ದು ತಮಿಳರು ಗೌರವಿಸುತ್ತಾರೆ. ಗ್ರ೦ಥದಲ್ಲಿ 133 ಅಧ್ಯಾಯಗಳಿದ್ದು, 1333 ಸಣ್ಣ ಕವನಗಳಿವೆ. ಅ೦ದರೆ ಪ್ರತಿ ಅಧ್ಯಾಯದಲ್ಲೂ 10 ಪದ್ಯಗಳು ಇದ್ದ೦ತಾಯಿತು. ತಮಿಳಿನ ತಿರು ಅ೦ದರೆ ಕನ್ನಡದಲ್ಲಿ ಪವಿತ್ರ ಎ೦ದು ಅರ್ಥ. ಕ್ಕುರಲ್ ಅ೦ದರೆ ಸಣ್ಣ ಪದ್ಯ ಎ೦ದು ಅರ್ಥ. ಇದೇ ರೀತಿ ಕನ್ನಡದಲ್ಲಿ ಸರ್ವಜ್ಞ ಮೂರ್ತಿ ತ್ರಿಪದಿಯಲ್ಲಿ ಗ್ರ೦ಥ ರಚಿಸಿದ್ದಾರೆ.

ತಿರುಕ್ಕುರಲ್ ಗ್ರ೦ಥದಲ್ಲಿ 3 ಮುಖ್ಯ ಭಾಗಗಳಿವೆ. ಒ೦ದನೇ ಭಾಗದಲ್ಲಿ (1ರಿ೦ದ 38)ಮನುಷ್ಯನ ಸದ್ಗುಣಗಳ ಪರಿಚಯವಿದೆ. ಎರಡನೆಯ ಭಾಗದಲ್ಲಿ ಸಮಾಜ ರಚನೆಯ ವಿವರಣೆ ಇದೆ. ಈ ಭಾಗವೇ ಎಲ್ಲದಕ್ಕೂ ದೊಡ್ಡದಾಗಿದ್ದು 700 ಸಣ್ಣ ಪದ್ಯಗಳಿವೆ. ರಾಜ್ಯವನ್ನಾಳುವ ರಾಜನ ಬಗ್ಗೆ (39ರಿ೦ದ 62), ಮ೦ತ್ರಿಗಳ ಬಗ್ಗೆ (64ರಿ೦ದ 73), ರಾಜ್ಯ ನಿರ್ವಹಣೆ (74ರಿ೦ದ 95) ಬಗ್ಗೆ ವಿವರಣೆ ಇದೆ. ಇದರಲ್ಲಿ ಸ೦ವಿಧಾನ, ಕಾನೂನು ಪರಿಪಾಲನೆ, ಆಹಾರ ವಿತರಣೆ, ಜನ ಸಾಮಾನ್ಯರ ಯೋಗಕ್ಷೇಮ ಬಗ್ಗೆ ವಿಚಾರಣೆಗಳ ವಿವರಣೆ ಇದೆ.

ಮೂರನೆಯ ಭಾಗದಲ್ಲಿ ಮನುಷ್ಯನು ನಿಸ್ವಾರ್ಥ ಪ್ರೀತಿಯಿ೦ದ ಹೆಣ್ಣನ್ನು ಒಲಿಸಿಕೊ೦ಡು ತನ್ನ ಆತ್ಮ ಗೌರವವನ್ನು ಹೆಚ್ಚಿಸಿಕೊಳ್ಳುವುದು ಹೇಗೆ ಎ೦ಬುದರ ವಿವರಣೆ ಇದೆ. ಈ ಅಧ್ಯಾಯದಲ್ಲಿ ಮದುವೆಗೆ ಮುನ್ನ ಪ್ರೀತಿಸುವುದು (Pre marital love) ಅ೦ದರೆ ಗಾ೦ಧರ್ವ ವಿವಾಹ, ಮದುವೆಯನ೦ತರ ಪ್ರೀತಿಸುವುದು (Wedded love or post martial love) ಬಗ್ಗೆ ವಿವರಣೆ ಇದೆ.

ರಾಷ್ಟ್ರ ಕವಿ ಸುಬ್ರಮಣ್ಯ ಭಾರತೀಯಾರ್ ವಳ್ಳುವರ್ ಅವರನ್ನು ತಮಿಳುನಾಡು ಜಗತ್ತಿಗೆ ನೀಡಿದ ಅನರ್ಘ್ಹ್ಯ ರತ್ನ ಎ೦ದಿದ್ದಾರೆ. ಮಹಾತ್ಮ ಗಾ೦ಧಿಯವರು ತಿರುಕ್ಕುರಲ್ ಗ್ರಂಥವನ್ನು ತಮಿಳಿನ ವೇದ ಎ೦ದು ಹೊಗಳಿದ್ದಾರೆ. ಚೇರ, ಚೋಳ, ಪಾ೦ಡ್ಯ ರಾಜರಿ೦ದ ಹೊಗಳಿಸಿಕೊ೦ಡ ವ್ಯಕ್ತಿ ತಿರುವಳ್ಳವರ್ ಅವರು. ಲ್ಯಾಟಿನ್, ಇ೦ಗ್ಲೀಷ್ ಮತ್ತಿತರ ಭಾಷೆಗಳಿಗೆ ಅನುವಾದವಾಗಿ ತಿರುಕ್ಕುರಲ್ ಜಗತ್ತಿನಲ್ಲೇ ಒ೦ದು ಅತ್ಯ೦ತ ಶ್ರೇಷ್ಠ ಗ್ರ೦ಥವೆ೦ದು ಪರಿಗಣಿಸಲಾಗಿದೆ. ಪ್ರತಿಯೊಬ್ಬ ತಮಿಳನೂ ಈ ಗ್ರ೦ಥವನ್ನು ಗೌರವಿಸುತ್ತಾನೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more