Rose Plant: ನಿಮ್ಮ ಮನೆಯಲ್ಲಿ ಗುಲಾಬಿ ಗಿಡಗಳನ್ನು ಬೆಳೆಸುತ್ತೀರಾ? ಹಾಗಾದರೆ ಈ ತಪ್ಪನ್ನು ಮಾಡಬೇಡಿ..

Published: Thursday, October 12, 2023, 13:41 [IST]

ಸಾಮಾನ್ಯವಾಗಿ ನಿಮ್ಮ ನೆಚ್ಚಿನ ಹೂವು ಯಾವುದು ಎಂದರೆ ಥಟ್ ಅಂತ ಗುಲಾಬಿ ಹೂವು ಎನ್ನುವವರೇ ಅಧಿಕ. ಬಣ್ಣ ಬಣ್ಣದ ಗುಲಾಬಿ ಹೂವುಗಳನ್ನು ಇಷ್ಟ ಪಡದೇ ಇರುವವರೇ ಇಲ್ಲ. ವಿಶೇಷವಾಗಿ ಇದು ಪ್ರೀತಿಯ ಸಂಕೇತವಾಗಿದ್ದು ಎಲ್ಲರೂ ಇದನ್ನು ಪ್ರೀತಿಸುತ್ತಾರೆ. ನೋಡಲು ಮಾತ್ರವಲ್ಲದೆ ಸುಗಂಧಕ್ಕೂ ಗುಲಾಬಿ ಹೆಸರುವಾಸಿಯಾಗಿದೆ.

ಗುಲಾಬಿ ದಳಗಳು ಮತ್ತು ಎಲೆಗಳನ್ನು ಹೆಚ್ಚಾಗಿ ತೈಲಗಳು, ರೋಸ್ ವಾಟರ್ ಮತ್ತು ಸೌಂದರ್ಯವರ್ಧಕಗಳಲ್ಲಿ ಬಳಸಲಾಗುತ್ತದೆ. ಕ್ಯಾಕ್ಟಸ್ ನಂತಹ ಮುಳ್ಳಿನ ಗಿಡಗಳನ್ನು ಮನೆಯಲ್ಲಿ ಇಡುವುದನ್ನು ವಾಸ್ತು ಶಾಸ್ತ್ರ ನಿಷೇಧಿಸಿದೆಯಾದರೂ, ಗುಲಾಬಿ ಸಸ್ಯವು ಅದರ ಅನೇಕ ಪ್ರಯೋಜನಗಳಿಂದಾಗಿ ಮನೆಯಲ್ಲಿ ಇರಿಸಲು ಶಿಫಾರಸು ಮಾಡಲಾಗುತ್ತದೆ.

vastu tips for placing rose plant in kannada

ವಾಸ್ತು ಪ್ರಕಾರ ಗುಲಾಬಿ ಗಿಡಗಳನ್ನು ಮನೆಯಲ್ಲಿ ಇಡಬೇಕು ಏಕೆಂದರೆ ಅದು ನೋಡಲು ಆಕರ್ಷಕವಾಗಿದ್ದು ಧನಾತ್ಮಕ ಶಕ್ತಿಯನ್ನು ಹರಡುತ್ತದೆ. ಔಷಧೀಯ ಉದ್ದೇಶಗಳಿಗಾಗಿ ಪ್ರಯೋಜನಕಾರಿಯಾಗಿರುವ ಈ ಹೂವು ಆರೋಗ್ಯಕರ ಜೀವನವನ್ನು ಉತ್ತೇಜಿಸುತ್ತದೆ ಮತ್ತು ನಕಾರಾತ್ಮಕ ಶಕ್ತಿಗಳು ಮನೆಗೆ ಪ್ರವೇಶಿಸುವುದನ್ನು ತಡೆಯುತ್ತದೆ. ಹಾಗಾದರೆ ವಾಸ್ತು ಪ್ರಕಾರ ನಿಮ್ಮ ಮನೆಯಲ್ಲಿ ಗುಲಾಬಿ ಗಿಡವನ್ನು ಹೇಗೆ ಇಡಬೇಕೆಂದು ತಿಳಿಯಿರಿ.

ಯಾವ ದಿಕ್ಕಿನಲ್ಲಿ ಗುಲಾಬಿ ಗಿಡ ಇಡಬೇಕು

ಗುಲಾಬಿ ಹೂವಿನ ಗಿಡಗಳನ್ನು ಮನೆಯ ನೈಋತ್ಯ ಮೂಲೆಯಲ್ಲಿ ಬೆಳೆಸಬೇಕು. ಕೆಂಪು ಹೂವಿನ ಗಿಡಗಳನ್ನು ಇಡಲು ದಕ್ಷಿಣವು ಉತ್ತಮ ದಿಕ್ಕು. ಇದು ಮನೆ ಮಾಲೀಕರ ಸಾಮಾಜಿಕ ಮೌಲ್ಯವನ್ನು ಹೆಚ್ಚಿಸುತ್ತದೆ ಎಂದು ಪರಿಗಣಿಸಲಾಗಿದೆ.

ಬೇಸಿಗೆಯಲ್ಲಿ ಗುಲಾಬಿ ಗಿಡಗಳನ್ನು ನೆರಳಿನಲ್ಲಿ ಇರಿಸಿ

ಬೇಸಿಗೆಯಲ್ಲಿ ಗುಲಾಬಿಯನ್ನು ಹೊರಾಂಗಣದಲ್ಲಿ ಇಡಬೇಡಿ. ಅದನ್ನು ಅಲ್ಪ ಸೂರ್ಯನ ಬೆಳಕಿನಲ್ಲಿ ಇರಿಸಿದರೆ ಸಾಕು. ಇಲ್ಲದಿದ್ದರೆ ಅದು ಸೂರ್ಯನ ಶಾಖಕ್ಕೆ ಬಾಡಿ ಹೋಗಬಹುದು. ಇದರಿಂದ ಮನೆಗೆ ಶುಭವಾಗುವುದಿಲ್ಲ. ಅದನ್ನು ಹೆಚ್ಚು ಸೂರ್ಯನ ಬೆಳಕಿನಲ್ಲಿ ಇಡಬೇಡಿ.

ಕೌಟುಂಬಿಕ ಸಮಸ್ಯೆಗಳು

ಜ್ಯೋತಿಷ್ಯ ಮತ್ತು ಧಾರ್ಮಿಕ ನಂಬಿಕೆಗಳ ಪ್ರಕಾರ, ಕುಟುಂಬ ಜೀವನದಲ್ಲಿ ಸಮಸ್ಯೆಗಳಿದ್ದರೆ ಅಂತವರು ಪ್ರತಿ ಶುಕ್ರವಾರ ಲಕ್ಷ್ಮಿ ದೇವಿಗೆ ಕೆಂಪು ಗುಲಾಬಿಗಳನ್ನು ಅರ್ಪಿಸಬೇಕು. ಇದು ನಿಮ್ಮ ಹಣಕಾಸಿನ ಸಮಸ್ಯೆಗಳನ್ನೂ ಪರಿಹರಿಸುತ್ತದೆ.

ಪ್ರೇಮ ಜೀವನ

ಪ್ರೇಮ ಜೀವನದಲ್ಲಿ ಸಮಸ್ಯೆ ಇರುವವರು ಗಾಜಿನ ಪಾತ್ರೆಯಲ್ಲಿ ನೀರು ತುಂಬಿಸಿ ಅದರಲ್ಲಿ ಗುಲಾಬಿ ಎಲೆಗಳನ್ನು ಹಾಕಿ ಅದನ್ನು ಮಲಗುವ ಕೋಣೆಯಲ್ಲಿ ಇಡಬೇಕು. ಅಲ್ಲದೆ ಈ ಗುಲಾಬಿ ಎಲೆಗಳು ಮತ್ತು ನೀರನ್ನು ಪ್ರತಿದಿನ ಬದಲಾಯಿಸಬೇಕು. ಹೀಗೆ ಮಾಡುವುದರಿಂದ ನಿಮ್ಮ ಪ್ರೇಮ ಜೀವನ ರೋಮ್ಯಾಂಟಿಕ್ ಆಗುತ್ತದೆ.

ಹಣಕಾಸಿನ ಸಮಸ್ಯೆಗಳು

ವ್ಯಕ್ತಿಯ ಜೀವನದಲ್ಲಿ ಆರ್ಥಿಕ ಬಿಕ್ಕಟ್ಟು ಇದ್ದರೆ, ಗುಲಾಬಿ ಹೂವುಗಳು ತುಂಬಾ ಉಪಯುಕ್ತವಾಗಿವೆ. ವಾಸ್ತು ಶಾಸ್ತ್ರದ ಪ್ರಕಾರ ಸಂಜೆಯ ಆರತಿಯ ಸಮಯದಲ್ಲಿ ಲಕ್ಷ್ಮಿ ದೇವಿಯ ಪಾದಗಳಿಗೆ ಗುಲಾಬಿ ಹೂವುಗಳಿಂದ ಪೂಜಿಸಿ. ಹೀಗೆ ಮಾಡುವುದರಿಂದ ಆರ್ಥಿಕ ಸಮಸ್ಯೆಗಳಿಂದ ಉತ್ತಮ ಪರಿಹಾರ ಸಿಗುತ್ತದೆ. ಇದಲ್ಲದೆ ಶುಕ್ರವಾರದಂದು ದುರ್ಗೆಗೆ ಐದು ಗುಲಾಬಿ ದಳಗಳನ್ನು ವೀಳ್ಯದೆಲೆಯಲ್ಲಿ ಅರ್ಪಿಸಿ. ಹೀಗೆ ಮಾಡುವುದರಿಂದ ಹಣದ ಸಮಸ್ಯೆಯಿಂದ ಉತ್ತಮ ಪರಿಹಾರ ಸಿಗುತ್ತದೆ.

ಬಾಡಿದ ಎಲೆಗಳು ಮತ್ತು ಹೂವುಗಳನ್ನು ತೆಗೆದುಹಾಕಿ

ನಿಮ್ಮ ಮನೆಯ ಶಕ್ತಿಯ ಹರಿವನ್ನು ಕಾಪಾಡಿಕೊಳ್ಳಲು ಮತ್ತು ನಕಾರಾತ್ಮಕ ಶಕ್ತಿಯ ಹರಡುವಿಕೆಯನ್ನು ತಡೆಯಲು ಒಣಗಿದ ಸಸ್ಯಗಳು ಮತ್ತು ಬಾಡಿದ ಎಲೆಗಳನ್ನು ತಕ್ಷಣವೇ ತೆಗೆದುಹಾಕಬೇಕು. ಎಲೆ ಹಳದಿ ಬಣ್ಣಕ್ಕೆ ತಿರುಗಿದರೆ ಅದನ್ನು ತಕ್ಷಣವೇ ತೆಗೆದುಹಾಕಬೇಕು. ನಿಮ್ಮ ಗುಲಾಬಿ ಗಿಡದ ಎಲೆಗಳನ್ನು ಟ್ರಿಮ್ ಮಾಡುವ ಅಭ್ಯಾಸವನ್ನು ಮಾಡಿಕೊಳ್ಳಬೇಕು. ಇದು ವಾಸ್ತುವನ್ನು ಕಾಪಾಡುತ್ತದೆ ಮತ್ತು ಹೊಸ ಹೂವಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ.

Published On October 12, 2023