ಜೋಕ್ಸ್ ಬಾಕ್ಸ್: ಒಂಟಿ ಸೀನು ಅಪಶಕುನ, ಮೂರ್ನಾಲ್ಕು ಸೀನು 'ಕೊರೊನಾ'

ಕೊರೊನಾ ವೈರಸ್ ಸೋಂಕು ಜಾಗತಿಕವಾಗಿ ತೀವ್ರ ತಲ್ಲಣ ಸೃಷ್ಟಿಸಿದೆ. ಕೋವಿಡ್ 19 ಒಂದು ಸಾಂಕ್ರಾಮಿಕ ರೋಗ ಅಂತ ವಿಶ್ವ ಆರೋಗ್ಯ ಸಂಸ್ಥೆ ಘೋಷಣೆ ಮಾಡಿದೆ. ಮಾರಣಾಂತಿಕ ಕೊರೊನಾ ವೈರಸ್ ನಿಂದಾಗಿ ವಿಶ್ವದಾದ್ಯಂತ ಮೃತಪಟ್ಟವರ ಸಂಖ್ಯೆ 8 ಸಾವಿರ ಗಡಿ ದಾಟಿದೆ. ಹೀಗಿದ್ದರೂ, ಕೊರೊನಾ ವೈರಸ್ ಕುರಿತಾದ ಜೋಕ್ ಗಳಿಗೆ ಬರವಿಲ್ಲ.

ವಾಟ್ಸ್ ಆಪ್, ಫೇಸ್ ಬುಕ್ ಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿರುವ ಕೊರೊನಾ ವೈರಸ್ ಕುರಿತಾದ ಜೋಕ್ಸ್ ಇಲ್ಲಿವೆ...

ಸಗಣಿಯಿಂದ ಕೊರೊನಾ ವೈರಸ್ ನ ತಡೆಗಟ್ಟಬಹುದು! ಹೇಗೆ ಅಂತೀರಾ.?
ಹೊರಗೆ ಹೋಗುವ ಮುನ್ನ ನಿಮ್ಮ ಎರಡೂ ಕೈಗಳಿಗೆ ಸಗಣಿ ಮೆತ್ತಿಕೊಳ್ಳಿ..
- ಹೀಗೆ ಮಾಡುವುದರಿಂದ, ನೀವು ಖಂಡಿತ ನಿಮ್ಮ ಕಣ್ಣು, ಮೂಗು, ಕಿವಿ, ಬಾಯಿಯೊಳಗೆ ಕೈ ಹಾಕಲ್ಲ.
- ನಿಮ್ಮೊಂದಿಗೆ ಯಾರೂ ಹ್ಯಾಂಡ್ ಶೇಕ್ ಮಾಡಲ್ಲ.
- ನಿಮ್ಮ ಹತ್ತಿರ ಯಾರೂ ಸುಳಿಯಲ್ಲ.
- ಕೈಯೆಲ್ಲಾ ಸಗಣಿ ಆಗಿರುವುದರಿಂದ ತಿನ್ನುವ ಮುನ್ನ ಖಂಡಿತ ನೀವು ನಿಮ್ಮ ಕೈಗಳನ್ನ ಚೆನ್ನಾಗಿ ತೊಳೆದುಕೊಳ್ಳುತ್ತೀರಾ.
ಹಾಗಾದ್ರೆ, ಇನ್ಯಾಕೆ ತಡ 'ಸಗಣಿ'ಟೈಝರ್ ಬಳಸಿ..

****

ಒಂಟಿ ಸೀನು ಬಂದ್ರೆ ಅಪಶಕುನ
ಮೂರ್ನಾಲ್ಕು ಸೀನು ಬಂದ್ರೆ ಕೊರೊನಾ

****

ದೇವಸ್ಥಾನದಲ್ಲಿ ಮಂಗಳಾರತಿಯ ನಂತರ ಅರ್ಚಕರು ಎಲ್ಲರಿಗೆ ಪ್ರಸಾದವನ್ನು ಹಂಚುತ್ತಿದ್ರು.
ಗುಂಡನ ಅಂಗೈಯಲ್ಲೂ ಎರಡು ಹನಿ ಹಾಕಿದ್ರು.
ಗುಂಡ ಕೇಳಿದ: "ಅರ್ಚಕರೇ, ಇದು ಕಹಿಯಾಗಿದೆ ಅಲ್ವಾ? ಇದು ಎಂತಹ ಪ್ರಸಾದ.?"
ಅರ್ಚಕರು ಹೇಳಿದ್ರು: "ಅಯ್ಯೋ ಅನಿಷ್ಟ ಮುಂಡೇದೆ..... ಅದು ಸ್ಯಾನಿಟೈಸರ್.
ಪ್ರಸಾದ ಹಂಚೋದು ಇನ್ನೂ ಬಾಕಿ ಇದೆ''

****

ನೌಕರ: ನಾನು ಕೊರೊನಾ ವೈರಸ್ ಸೋಂಕಿನಿಂದ ಬಳಲುತ್ತಿದ್ದೇನೆ. ಹೀಗಾಗಿ ನನಗೆ 20 ದಿನಗಳ ಕಾಲ ಸಂಬಳ ಸಹಿತ ರಜೆ ಕೊಡಿ. ಇಲ್ಲ ಅಂದ್ರೆ ನಾನು ಆಫೀಸ್ ಗೆ ಬರುತ್ತೇನೆ.

ಎಚ್.ಆರ್: ನೀವು ಆಫೀಸ್ ಗೆ ಬನ್ನಿ. ನಮಗೂ ಸಂಬಳ ಸಹಿತ ರಜೆ ಸಿಗುತ್ತದೆ.

****

'ಕೊರೊನಾ' ಕಾಯಿಲೆ ಬದಲು ಬೇರೆ ಕಾಯಿಲೆ ಆಗಿದ್ರೆ, ಈ ನ್ಯೂಸ್ ಚಾನೆಲ್ ನವರು ಕಾಯಿಲೆ ಬಂದವರನ್ನು ಸ್ಟುಡಿಯೋದಲ್ಲಿ ಕೂರಿಸಿಕೊಂಡು ''ನಮ್ಮಲ್ಲೇ ಮೊದಲು'' ಅಂತ ಪ್ರಾಣ ತಿನ್ನೋರು.!

****

ಕೊರೊನಾ ಮುಗಿದ ಮೇಲೆ ಎಲ್ಲರ ಮುಖ ಹೀಗಿರಬಹುದೇ.?

****

ಚಿಂತಿಸಬೇಡಿ.. ಕೊರೊನಾ ವೈರಸ್ ಜಾಸ್ತಿ ದಿನ ಇರೋಲ್ಲ.
ಯಾಕಂದ್ರೆ ಕೊರೊನಾ ವೈರಸ್ 'ಮೇಡ್ ಇನ್ ಚೀನಾ'

****

English summary

Here is the collection of Kannada Jokes that have gone viral about Coronavirus.