ಕರ್ನಾಟಕದ ಮತದಾರರೆಷ್ಟು?, ಅಂಕಿ-ಸಂಖ್ಯೆಗಳ ವಿವರ

ಬೆಂಗಳೂರು, ಏಪ್ರಿಲ್ 10 : ಕರ್ನಾಟಕದಲ್ಲಿ 2 ಹಂತದ ಲೋಕಸಭಾ ಚುನಾವಣೆಯ ಕಣ ಅಂತಿಮಗೊಂಡಿದೆ. ಏಪ್ರಿಲ್ 18 ಮತ್ತು 23ರಂದು ಎರಡು ಹಂತದಲ್ಲಿ ಮತದಾನ ನಡೆಯಲಿದೆ.

ಲೋಕಸಭಾ ಚುನಾವಣೆಗೆ ಚುನಾವಣಾ ಆಯೋಗ ಮತದಾರರ ಪಟ್ಟಿ ಅಂತಿಮಗೊಳಿಸಿದೆ. ರಾಜ್ಯದಲ್ಲಿ ಈ ಬಾರಿ 5.10 ಕೋಟಿ ಜನರು ಮತದಾನ ಮಾಡುವ ಹಕ್ಕನ್ನು ಪಡೆದಿದ್ದಾರೆ. ಎರಡೂ ಹಂತಗಳು ಸೇರಿ 478 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ.

2014ರ ಲೋಕಸಭಾ ಚುನಾವಣೆಯಲ್ಲಿ 4.62 ಕೋಟಿ ಮತದಾರರು ಇದ್ದರು. ಈ ಬಾರಿ 18 ರಿಂದ 19 ವರ್ಷದ 10 ಲಕ್ಷ ಹೊಸ ಮತದಾರರು ಸೇರ್ಪಡೆಗೊಂಡಿದ್ದಾರೆ. ಏಪ್ರಿಲ್ 18ರಂದು 14 ಕ್ಷೇತ್ರ, ಏಪ್ರಿಲ್ 23ರಂದು 14 ಕ್ಷೇತ್ರಗಳಲ್ಲಿ ಮತದಾನ ನಡೆಯಲಿದೆ.

ಕರ್ನಾಟಕದ 5.10 ಕೋಟಿ ಮತದಾರರಲ್ಲಿ ಪುರುಷರು 2.58 ಕೋಟಿ. ಮಹಿಳೆಯರು 2.52 ಕೋಟಿ. ತೃತೀಯ ಲಿಂಗಿಗಳು 4,661. ಮತದಾನಕ್ಕಾಗಿ ಒಟ್ಟು 58,186 ಮತಗಟ್ಟೆಗಳನ್ನು ಸ್ಥಾಪನೆ ಮಾಡಲಾಗುತ್ತದೆ.

English summary

Election commission finalized voters list in Karnataka for Lok sabha elections 2019. 5.10 core voters eligible to vote in two phase of Lok sabha election April 18 and 23.