Robot Suicide: ವಿಶ್ವದಲ್ಲೇ ಮೊದಲು ಕೆಲಸದ ಒತ್ತಡಕ್ಕೆ 'ರೋಬೋಟ್' ಆತ್ಮಹತ್ಯೆ, ನೆಟ್ಟಿಗರು ವಿಷಾದ

ಈ ಬದುಕಿನಲ್ಲಿ ಮನುಷ್ಯ ಹೊಟ್ಟೆಪಾಡಿಗಾಗಿ ಆರೋಗ್ಯ ಮರೆತು ಸಾಕಷ್ಟು ಸಮಸ್ಯೆಗಳ ನಡುವೆಯು ಕೆಲಸ ಮಾಡುತ್ತಿರುತ್ತಾರೆ. ಹೀಗಾಗಿ ಆನಾರೋಗ್ಯ ಕೆಲವೊಮ್ಮೆ ಮಾನಸಿಕ ಒತ್ತಡಕ್ಕೆ ಒಳಗಾಗಬೇಕಾಗುತ್ತದೆ.ಕೆಲವರು ಈ ಒತ್ತಡ ತಾಳಲಾರದೇ ಆತ್ಮಹತ್ಯೆ ದಾರಿ ಹಿಡಿದಿದ್ದನ್ನು ನಾವೆರಲ್ಲರೂ ನೋಡಿದ್ದೇವೆ. ಇದೀಗ ಈ ಸಾಲಿಗೆ ರೋಬೋಟ್ (Robot Suicide) ಸೇರಿದ್ದು, ಇದು ವಿಶ್ವದ ಮೊದಲ ಪ್ರಕರಣವಾಗಿದೆ.

ಹೌದು, ದಕ್ಷಿಣ ಕೋರಿಯಾದಲ್ಲಿ ವಿಚತ್ರ ಘಟನೆಯೊಂದು ನಡೆದಿದೆ. ಇಲ್ಲಿನ ರೋಬೋಟ್ ವೊಂದು ಕೆಲಸದ ಒತ್ತಡ ತಾಳಲಾರದೇ ಆತ್ಮಹತ್ಯೆ ಮಾಡಿಕೊಂಡಿದೆ. ಈ ಮೊದಲ ಪ್ರಕರಣಕ್ಕೆ ವಿಶ್ವವೇ ಸಾಕ್ಷಿಯಾಗಿದೆ. ಇದೆಲ್ಲ ನಿಜವೇ? ಹೇಗೆ ಸಾಧ್ಯ? ಎಂದು ಕೇಳುವವರು ಮುಂದೆ ಓದಿ.

ಕೆಲಸದ ಒತ್ತಡಕ್ಕೆ ವ್ಯಕ್ತಿಗಳು ಆತ್ಮಹತ್ಯೆ ಮಾಡಿಕೊಂಡಿದ್ದನ್ನು ನಾವೆಲ್ಲರು ಕೇಳಿದ್ದೇವೆ. ಅದೆ ರೀತಿ ನಿರಂತರ ಕೆಲಸದ ಒತ್ತಡದಿಂದಾಗಿ ರೋಬೋಟ್ ಕಚೇರಿಯ ಮೆಟ್ಟಿಲುಗಳಿಂದ ಜಿಗಿದು ಸೂಸೈಡ್ ಮಾಡಿಕೊಂಡಿದೆ ಎಂದು ವರದಿ ಆಗಿದೆ. ಈ ಕುರಿತು ಫೋಟೋಗಳು ಸಾಮಾಜಿಕ ಜಾತಲಾಣಗಳಲ್ಲಿ ಹರಿದಾಡುತ್ತಿವೆ.

ರೋಬೋಟ್ ಭಾಗ ಒಡೆದು ಛಿದ್ರ

ದಕ್ಷಿಣ ಕೋರಿಯಾದ ಗುಮಿ ನಗರ ಪಾಲಿಕೆಯಲ್ಲಿ ಕೆಲಸಕ್ಕೆಂದು ಈ ರೋಬೋಟ್ ಅನ್ನು ಇಡಲಾಗಿತ್ತು. ಇಲ್ಲಿನ ಕೆಲಸ ಹೆಚ್ಚಾಗಿ ರೋಬೋಟ್ ಒತ್ತಡಕ್ಕೆ ಒಳಗಾಗಿತ್ತು ಎನ್ನಲಾಗಿದೆ. ಹೀಗಾಗಿ ಕಚೇರಿ ಒಳಗೆ ಮೆಟ್ಟಿಲುಗಳಿಂದ ಜಿಗಿದಿದೆ. ಪರಿಣಾಮ ರೋಬೋಟ್ ಭಾಗಗಳು ಒಡೆದು ಚೆಲ್ಲಾ ಪಿಲ್ಲಿಯಾಗಿವೆ.

ಸದ್ಯ ರೋಬೋಟ್ ಬಿಡಿಭಾಗಗಳನ್ನು ಆಯ್ದಿರುವ ಕಂಪನಿಯು ಅದರ ಹಿನ್ನೆಲೆ ಏನು, ಯಾತಕಾಗಿ ಈ ರೀತಿ ಮೆಟ್ಟಿಲುಗಳಿಂದ ಜಿಗಿದಿದೆ. ನಿಜವಾಗಿಯು ಕೆಲಸದ ಒತ್ತಡ ಇತ್ತಾ? ಎಂಬೆಲ್ಲ ಆಯಾದಲ್ಲಿ ತನಿಖೆ ನಡೆಸಲಾಗುವುದು ಎಂದು ತಿಳಿಸಿದೆ.

ಸಿಟಿ ಕೌನ್ಸಿಲರ್ ಕಚೇರಿಯ ಅಧಿಕಾರಿ ಆಗಿದ್ದ ರೋಬೋಟ್

ಈ ರೋಬೋಟ್‌ ಅನ್ನು ಕ್ಯಾಲಿಫೋರ್ನಿಯಾದ ಬೇರ್ ರೋಬೋಟಿಕ್ಸ್ ಕಂಪನಿಯು ಅಭಿವೃದ್ಧಿ ಪಡಿಸಿದೆ. ಕಳೆದ ಒಂದು ವರ್ಷದಿಂದ ಈ ರೊಬೋಟ್ ನಗರ ಪಾಲಿಕೆಯಲ್ಲಿ ಸಿಟಿ ಕೌನ್ಸಿಲರ್ ಕಚೇರಿಯ ಅಧಿಕಾರಿಯಾಗಿ ಕೆಲಸ ಮಾಡುತ್ತಿತ್ತು.

ನಗರಪಾಲಿಕೆಗೆ ಸಂಬಂಧಿಸಿದ ಕಡತ ಪರಿಶೀಲನೆ ಜತೆ ವಿಲೇವಾರಿ, ಅಗತ್ಯ ಪ್ರಚಾರ, ಆಡಳಿತ, ಅಗತ್ಯ ಮಾಹಿತಿ ಪೂರೈಕೆಯಂತ ಸೇವೆ ಮಾಡುತ್ತಿತ್ತು. ತನ್ನ ವ್ಯಾಪ್ತಿಯ ಎಲ್ಲ ಕೆಲಸಗಳನ್ನು ಅಚ್ಚುಕಟ್ಟಾಗಿ ನಿರ್ವಹಿಸುತ್ತಾ ಬಂದಿದೆ. ಸದ್ಯ ಈ ರೋಬೋಟ್ ಆತ್ಮಹತ್ಯೆ ಮಾಡಿಕೊಂಡಿದ್ದನ್ನು ನೋಡಿದ ಸಾಮಾಜಿಕ ಜಾಲತಾಣ ಬಳಕೆದಾರರು ವಿಷಾದ ವ್ಯಕ್ತಪಡಿಸಿದ್ದಾರೆ.

ಸದ್ಯ ರೋಬೋಟ್ ಆತ್ಮಹತ್ಯೆ ಕುರಿತು ತನಿಖೆ ಆರಂಭಿಸಲಾಗಿದೆ. ಈ ಕುರಿತು ಆದಷ್ಟು ಶೀಘ್ರವೇ ಸತ್ಯಾಸತ್ಯತೆ ತಿಳಿದು ಬರಬೇಕಿದೆ ಎಂಬುದೇ ನೆಟ್ಟಿಗರ ಆಶಯವಾಗಿದೆ.

English summary

Robot Suicide Reported in South Korea: Robot Suicide photo and post viral on Social media.