World Brain Day 2023: ಮೆದುಳಿನ ಉತ್ತಮ ಆರೋಗ್ಯಕ್ಕೆ ಈ ಸಲಹೆಗಳನ್ನು ಪಾಲಿಸಿ

Published: Friday, July 21, 2023, 23:40 [IST]

ವಯಸ್ಸಾದಂತೆ ನಿಮ್ಮ ದೇಹಕ್ಕೆ ಫಿಟ್‌ನೆಸ್ ಹೇಗೆ ಮುಖ್ಯವೋ ಹಾಗೆ ಮೆದುಳಿಗೂ ಕೂಡ ಫಿಟ್‌ನೆಸ್ ಮುಖ್ಯವಾಗುತ್ತದೆ. ದೇಹದ ಆರೋಗ್ಯವನ್ನು ಕಾಪಾಡಿಕೊಳ್ಳಲು ವ್ಯಾಯಾಮ ಮಾಡುವಂತೆ, ಮೆದುಳು ಕೂಡ ಚುರುಕಾಗಿರಲು ವ್ಯಾಯಾಮದ ಅಗತ್ಯವಿದೆ.

ಒತ್ತಡ ಮತ್ತು ಅನಾರೋಗ್ಯಕರ ಜೀವನಶೈಲಿಯಲ್ಲಿ ಬೇರುಗಳನ್ನು ಹೊಂದಿರುವ ಬುದ್ಧಿಮಾಂದ್ಯತೆಯ ಬೆಳವಣಿಗೆಯ ಪ್ರಕರಣಗಳ ಮಧ್ಯೆ, ಮೆದುಳಿನ ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ಬಹಳ ಮುಖ್ಯವಾಗುತ್ತದೆ.

ವಯಸ್ಸಾದಂತೆ, ನಮ್ಮ ಮೆದುಳು ಪರಿಮಾಣದಲ್ಲಿ ಕುಗ್ಗುತ್ತದೆ ಮತ್ತು ಅದರಿಂದಾಗಿ ನೆನಪಿನ ಶಕ್ತಿ ಕಡಿಮೆಯಾಗುವುದರಿಂದ ಹಿಡಿದು ಬುದ್ಧಿಮಾಂದ್ಯತೆಯವರೆಗೆ ಮೆದುಳಿಗೆ ಸಂಬಂಧಿಸಿದ ಹಲವಾರು ಸಮಸ್ಯೆಗಳನ್ನು ಎದುರಿಸಬಹುದು. ಉತ್ತಮ ಮಾನಸಿಕ ಆರೋಗ್ಯವು ದೇಹವು ದುರ್ಬಲಗೊಂಡಾಗ ವೃದ್ಧಾಪ್ಯದಲ್ಲಿಯೂ ಸಹ ಸ್ವಾವಲಂಬಿಯಾಗಿ ಉಳಿಯಲು ಸಹಾಯ ಮಾಡುತ್ತದೆ.

ಮೆದುಳನ್ನು ಸಕ್ರಿಯವಾಗಿಡಲು ಮತ್ತು ನಿರ್ಣಾಯಕ ಅಂಗಕ್ಕೆ ರಕ್ತದ ಹರಿವನ್ನು ಹೆಚ್ಚಿಸಲು ಒಂದು ಮಾರ್ಗವೆಂದರೆ ದೈಹಿಕ ವ್ಯಾಯಾಮ. ಯೋಗ, ವಾಕಿಂಗ್, ಸೈಕ್ಲಿಂಗ್ ಇವು ಮೆದುಳಿನ ಆರೋಗ್ಯಕ್ಕೆ ಶಿಫಾರಸು ಮಾಡಲಾದ ಕೆಲವು ವ್ಯಾಯಾಮಗಳಾಗಿವೆ. ಮೆದುಳಿಗೆ ಸವಾಲು ಹಾಕಲು ಹೊಸ ಮಾರ್ಗಗಳನ್ನು ಹುಡುಕಲು ಪ್ರಯತ್ನಿಸಬೇಕು. ದಿನಚರಿಯಲ್ಲಿ ಸ್ವಲ್ಪ ಬದಲಾವಣೆ, ಒಗಟು, ಪದಬಂಧ, ನಿಮ್ಮ ಪ್ರಾಬಲ್ಯವಿಲ್ಲದ ಕೈಯನ್ನು ಬಳಸುವುದು, ಹೊಸ ಪದಗಳನ್ನು ಕಲಿಯುವುದು, ಹೊಸ ಕೌಶಲ್ಯಗಳು, ಜನರೊಂದಿಗೆ ಬೆರೆಯುವುದು ಮತ್ತು ಓದುವುದು ನಿಮ್ಮ ಮೆದುಳು ಸಕ್ರಿಯವಾಗಿರಲು ಸಹಾಯ ಮಾಡುತ್ತದೆ.

ದೈಹಿಕ ವ್ಯಾಯಾಮದಿಂದ ಮೆದುಳಿನ ಆರೋಗ್ಯ

ದೈಹಿಕ ವ್ಯಾಯಾಮವು ದೀರ್ಘಕಾಲದ ಕಾಯಿಲೆಗಳ ಅಪಾಯವನ್ನು ಕಡಿತಗೊಳಿಸುವುದಲ್ಲದೆ, ನೆನಪು ಮತ್ತು ಆಲೋಚನೆಗೆ ಸಂಬಂಧಿಸಿದ ಮೆದುಳಿನ ಕೆಲವು ಪ್ರದೇಶಗಳ ಗಾತ್ರವನ್ನು ಹೆಚ್ಚಿಸುತ್ತದೆ.

ಈಜು, ಸೈಕ್ಲಿಂಗ್, ಜಾಗಿಂಗ್ ಮತ್ತು ನೃತ್ಯದಂತಹ ಏರೋಬಿಕ್ ವ್ಯಾಯಾಮಗಳು ದೇಹ ಮತ್ತು ಮಾನಸಿಕ ಆರೋಗ್ಯಕ್ಕೆ ಒಳ್ಳೆಯದು, ಏಕೆಂದರೆ ಅವು ಆತಂಕ ಮತ್ತು ಖಿನ್ನತೆಯನ್ನು ಕಡಿಮೆ ಮಾಡುತ್ತದೆ. ಸುಧಾರಿತ ನಿದ್ರೆ, ಶಕ್ತಿ ಮತ್ತು ತ್ರಾಣವು ದೈಹಿಕ ವ್ಯಾಯಾಮದ ಇತರ ಉತ್ತಮ ಪರಿಣಾಮಗಳಾಗಿವೆ. ಇದಲ್ಲದೆ, ತೂಕವನ್ನು ಕಡಿಮೆ ಮಾಡಲು ಮತ್ತು ದಣಿವನ್ನು ಸುಧಾರಿಸಲು ಸಹಾಯ ಮಾಡುತ್ತವೆ.

ದೈಹಿಕ ವ್ಯಾಯಾಮವು ಸಿರೊಟೋನಿನ್, ಒತ್ತಡದ ಹಾರ್ಮೋನುಗಳು ಮತ್ತು ಎಂಡಾರ್ಫಿನ್‌ಗಳ ಮಟ್ಟವನ್ನು ಬದಲಾಯಿಸುವ ಮೂಲಕ ಮನಸ್ಥಿತಿ, ಏಕಾಗ್ರತೆ ಮತ್ತು ಜಾಗರೂಕತೆಯನ್ನು ಸುಧಾರಿಸುತ್ತದೆ.

ಮೆದುಳಿಗೆ ಕೊಡಿ ಕೆಲಸ

ಉತ್ತಮ ಅರಿವಿನ ಕಾರ್ಯಕ್ಷಮತೆಯು ನಿಯಮಿತ ದೈಹಿಕ ಚಟುವಟಿಕೆಗೆ ಸಂಬಂಧಿಸಿದೆ. ಯೋಗ, ಈಜು ಅಥವಾ ನಡಿಗೆಯಂತಹ ಮೆದುಳಿಗೆ ರಕ್ತದ ಹರಿವನ್ನು ಹೆಚ್ಚಿಸುವ ವ್ಯಾಯಾಮಗಳು ಮೆದುಳಿನ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.

ನೆನಪು, ಗಮನ ಮತ್ತು ತಾರ್ಕಿಕತೆಯಂತಹ ವಿಭಿನ್ನ ಅರಿವಿನ ಸಾಮರ್ಥ್ಯಗಳನ್ನು ಪರೀಕ್ಷಿಸಲು, ನಿರ್ದಿಷ್ಟ ಮೆದುಳಿನ ವ್ಯಾಯಾಮಗಳು ಮತ್ತು ಅಪ್ಲಿಕೇಶನ್‌ಗಳಿವೆ. ಈ ಚಟುವಟಿಕೆಗಳು ಮಾನಸಿಕ ಜಾಗರೂಕತೆಯನ್ನು ಕಾಪಾಡಿಕೊಳ್ಳಲು ಮೋಜಿನ ವಿಧಾನಗಳು ಆಗಿವೆ.

ಮೆದುಳಿನ-ತರಬೇತಿ ಆಟಗಳು, ಕ್ರಾಸ್‌ವರ್ಡ್‌ಗಳು, ಸುಡೋಕು, ಚೆಸ್ ಮತ್ತು ಸಮಸ್ಯೆ-ಪರಿಹರಿಸುವ ಮತ್ತು ಕಾರ್ಯತಂತ್ರದ ಚಿಂತನೆಯನ್ನು ಒಳಗೊಂಡಿರುವ ಇತರ ಆಟಗಳನ್ನು ಆಡಿ. ಈ ಆಟಗಳಿಂದ ನಿಮ್ಮ ಬೌದ್ಧಿಕ ಸಾಮರ್ಥ್ಯವು ವಿಸ್ತರಿಸಲ್ಪಡುತ್ತದೆ.

ನಿರ್ದಿಷ್ಟ ಸನ್ನಿವೇಶಗಳು ಅಥವಾ ವಿಷಯಗಳನ್ನು ನೀವು ದೃಶ್ಯೀಕರಿಸುವ ಅಗತ್ಯವಿರುವ ವ್ಯಾಯಾಮಗಳು ನೆನಪುಗಳ ಮರುಸ್ಥಾಪನೆ ಮತ್ತು ಮಾನಸಿಕ ಚಿತ್ರಣಕ್ಕೆ ಸಹಾಯ ಮಾಡಬಹುದು. ಈ ವಿಧಾನವು ಮೆದುಳನ್ನು ಉತ್ತೇಜಿಸುವ ಮೂಲಕ ಅರಿವಿನ ಸಾಮರ್ಥ್ಯವನ್ನು ಸುಧಾರಿಸುತ್ತದೆ.

ಹೊಸ ಕೌಶಲ್ಯವನ್ನು ಕಲಿಯಿರಿ ಅಥವಾ ಹೊಸ ಹವ್ಯಾಸವನ್ನು ಬೆಳೆಸಿಕೊಳ್ಳಿ. ಕಲಾ ಪಾಠಗಳಿಗೆ ಹಾಜರಾಗಬಹುದು, ಹೊಸ ಭಾಷೆಯನ್ನು ಕಲಿಯಬಹುದು ಅಥವಾ ಸಂಗೀತ, ಹೊಸ ಸಂಗೀತ ವಾದ್ಯಗಳನ್ನು ನುಡಿಸಲು ಕಲಿಯುವುದು. ಕಾದಂಬರಿ ಓದುವುದರ ಪರಿಣಾಮವಾಗಿ ಮೆದುಳು ಹೊಸ ನರ ಸಂಪರ್ಕಗಳನ್ನು ಅಭಿವೃದ್ಧಿಪಡಿಸಬಹುದು.

ಸ್ನೇಹಿತರು, ಕುಟುಂಬದೊಂದಿಗೆ ಸಮಯ ಕಳೆಯಿರಿ ಮತ್ತು ನಿಮ್ಮ ಸಾಮಾಜಿಕ ಸಂಬಂಧವನ್ನು ಕಾಪಾಡಿಕೊಳ್ಳಲು ಗುಂಪು ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಿ. ಸಾಮಾಜಿಕ ಒಡನಾಟುವ ಮಾನಸಿಕ ಮತ್ತು ಭಾವನಾತ್ಮಕ ಆರೋಗ್ಯದ ಸಂರಕ್ಷಣೆಗೆ ಸಹಕಾರಿಯಾಗಲಿದೆ.

Published On July 21, 2023