ಈ ದಿನ ಹೊಸ ಬಟ್ಟೆ ಖರೀದಿಸಿದರೆ ಹಣ ಮತ್ತು ಅದೃಷ್ಟದ ಸುರಿಮಳೆ... ಯಾವ ದಿನ ಖರೀದಿಸಬಾರದು ಗೊತ್ತಾ?
ಜನರು ಸಮಾಜದಲ್ಲಿ ತಮ್ಮನ್ನು ತಾವು ಗುರುತಿಸಿಕೊಳ್ಳಲು ಸುಂದರವಾದ ಮತ್ತು ಸೊಗಸಾದ ಬಟ್ಟೆಗಳನ್ನು ಧರಿಸಲು ಇಷ್ಟಪಡುತ್ತಾರೆ. ಜ್ಯೋತಿಷ್ಯದ ಪ್ರಕಾರ, ಪ್ರತಿಯೊಬ್ಬ ವ್ಯಕ್ತಿಯು ಬಟ್ಟೆಗಳನ್ನು ಖರೀದಿಸುವಾಗ ಅಥವಾ ಧರಿಸುವಾಗ ಕೆಲವು ಪ್ರಮುಖ ನಿಯಮಗಳನ್ನು ಮನಸ್ಸಿನಲ್ಲಿಟ್ಟುಕೊಳ್ಳಬೇಕು. ಉದಾಹರಣೆಗೆ, ಯಾವ ದಿನದಂದು ಹೊಸ ಬಟ್ಟೆಗಳನ್ನು ಖರೀದಿಸಬೇಕು, ಯಾವ ದಿನ ಖರೀದಿಸಬಾರದು ಇತ್ಯಾದಿ.
ಹೊಸ ಬಟ್ಟೆಗಳನ್ನು ಖರೀದಿಸಿದ ನಂತರ ಅದನ್ನು ಧರಿಸಲು ಜ್ಯೋತಿಷ್ಯದಲ್ಲಿ ಕೆಲವು ನಿಯಮಗಳಿವೆ. ಇದರಲ್ಲಿ ಅದರ ಬಗ್ಗೆ ತಿಳಿದುಕೊಳ್ಳೋಣ.
ಯಾವ ದಿನ ಹೊಸ ಬಟ್ಟೆ ಖರೀದಿಸಬೇಕು?
ಜ್ಯೋತಿಷ್ಯಶಾಸ್ತ್ರದ ಪ್ರಕಾರ ಶುಕ್ರವಾರ ಹೊಸ ಬಟ್ಟೆಗಳನ್ನು ಖರೀದಿಸಲು ಅತ್ಯಂತ ಮಂಗಳಕರ ದಿನವೆಂದು ಪರಿಗಣಿಸಲಾಗಿದೆ. ಶುಕ್ರವಾರದಂದು ಖರೀದಿಸಿದ ಬಟ್ಟೆ ಹೆಚ್ಚು ಹಣ ಮತ್ತು ಅದೃಷ್ಟವನ್ನು ತರುತ್ತದೆ ಎಂದು ನಂಬಲಾಗಿದೆ. ಅಂತೆಯೇ ಶನಿವಾರದಂದು ಹೊಸ ಬಟ್ಟೆಗಳನ್ನು ಖರೀದಿಸುವುದನ್ನು ತಪ್ಪಿಸಬೇಕು ಏಕೆಂದರೆ ಇದು ದುರಾದೃಷ್ಟವನ್ನು ತರುತ್ತದೆ.
ಯಾವ ದಿನ ಹೊಸ ಬಟ್ಟೆ ಧರಿಸಬೇಕು?
ಜ್ಯೋತಿಷ್ಯ ಶಾಸ್ತ್ರದಲ್ಲಿ ಹೊಸ ಬಟ್ಟೆಯನ್ನು ಕೊಳ್ಳುವ ದಿನವನ್ನು ಹೇಗೆ ಹೇಳಲಾಗುತ್ತದೆಯೋ ಹಾಗೆಯೇ ಅದನ್ನು ಧರಿಸಬಹುದಾದ ದಿನಗಳನ್ನು ಮತ್ತು ಧರಿಸಲಾಗದ ದಿನವನ್ನು ವಿವರಿಸಲಾಗಿದೆ. ಅದರಂತೆ ಸೋಮವಾರ, ಬುಧವಾರ ಮತ್ತು ಗುರುವಾರ ಹೊಸ ಬಟ್ಟೆಗಳನ್ನು ಧರಿಸಲು ಅತ್ಯಂತ ಮಂಗಳಕರ ದಿನಗಳು ಎಂದು ಪರಿಗಣಿಸಲಾಗಿದೆ.
ಯಾವ ದಿನ ಹೊಸ ಬಟ್ಟೆ ಧರಿಸಬಾರದು?
ಮಂಗಳವಾರ ಹೊಸ ಬಟ್ಟೆಗಳನ್ನು ಧರಿಸಬಾರದು. ಮಂಗಳವಾರ ಹೊಸ ಬಟ್ಟೆ ಧರಿಸುವುದರಿಂದ ಕೋಪ ಮತ್ತು ಉದ್ವೇಗ ಹೆಚ್ಚಾಗುವ ಸಾಧ್ಯತೆ ಇದೆ ಎಂದು ಜ್ಯೋತಿಷ್ಯ ಶಾಸ್ತ್ರ ಹೇಳುತ್ತದೆ. ಮಂಗಳವಾರದಂತೆ ಶನಿವಾರ ಮತ್ತು ಭಾನುವಾರ ಹೊಸ ಬಟ್ಟೆಗಳನ್ನು ಧರಿಸುವುದನ್ನು ತಪ್ಪಿಸಿ.
ಹೊಸ ಬಟ್ಟೆಯನ್ನು ಮತ್ತೆ ಯಾವಾಗ ಧರಿಸಬಹುದು?
ನೀವು ಭಾನುವಾರ, ಮಂಗಳವಾರ ಅಥವಾ ಶನಿವಾರದಂದು ಹೊಸ ಬಟ್ಟೆಗಳನ್ನು ಧರಿಸಿ ಎಲ್ಲಿಯಾದರೂ ಹೋಗಬೇಕಾದರೆ, ಸೋಮವಾರ, ಬುಧವಾರ ಅಥವಾ ಗುರುವಾರ ಹೊಸ ಬಟ್ಟೆಯನ್ನು ಒಮ್ಮೆ ಧರಿಸಿ ನಂತರ ನಿಮ್ಮ ಆಯ್ಕೆಯ ದಿನದಂದು ಧರಿಸಿ.
ಯಾವ ರೀತಿಯ ಬಟ್ಟೆಯನ್ನು ಧರಿಸಬಾರದು?
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಹರಿದ ಅಥವಾ ಸುಟ್ಟ ಬಟ್ಟೆಗಳನ್ನು ಧರಿಸಬಾರದು. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಹರಿದ ಬಟ್ಟೆಗಳು ರಾಹುವಿನ ಅಶುಭ ಪರಿಣಾಮಗಳನ್ನು ಬೀರುತ್ತವೆ. ಅಂತೆಯೇ ಹರಿದ ಅಥವಾ ಸುಟ್ಟ ಬಟ್ಟೆಗಳನ್ನು ಮನೆಯಲ್ಲಿ ಇಡರದು.
ಬಟ್ಟೆ ತೊಳೆಯದೆ ಧರಿಸಬೇಡಿ
ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ನೀವು ಸಂಪತ್ತಿನ ದೇವತೆಯಾದ ಲಕ್ಷ್ಮಿ ದೇವಿಯ ಆಶೀರ್ವಾದವನ್ನು ಪಡೆಯಲು ಬಯಸಿದರೆ, ಕೊಳಕು ಅಥವಾ ಒಮ್ಮೆ ಬಳಸಿದ ಬಟ್ಟೆಗಳನ್ನು ಮತ್ತೆ ತೊಳೆಯದೆ ಧರಿಸಬೇಡಿ.
ಯಾವ ಬಟ್ಟೆಗಳನ್ನು ಒಟ್ಟಿಗೆ ಧರಿಸಬಾರದು?
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಶುಭ್ರವಾದ ಬಟ್ಟೆಯನ್ನು ಯಾವಾಗಲೂ ಧರಿಸಬೇಕು. ಮುಂಜಾನೆ ಎದ್ದು ಸ್ನಾನ ಮಾಡಿದ ನಂತರ ಧ್ಯಾನಾಸಕ್ತರು ರಾತ್ರಿ ಧರಿಸಿದ ಬಟ್ಟೆಯನ್ನು ಮತ್ತೆ ಧರಿಸಬಾರದು. ಅದೇ ರೀತಿ, ಬಳಸಿದ ಬಟ್ಟೆಗಳನ್ನು ಹೊಸ ಬಟ್ಟೆಗಳೊಂದಿಗೆ ಎಂದಿಗೂ ಧರಿಸಬಾರದು.
Click it and Unblock the Notifications
Sign in with Google