boAt Smart Ring Active: ಮಹಿಳೆಯರ ಋತುಚಕ್ರದ ಸಮಯವನ್ನು ತಿಳಿಸುವ ಸ್ಮಾರ್ಟ್ ಫಿಂಗರ್ ರಿಂಗ್ ವಿಶೇಷತೆಗಳೇನು?
ಇಂದಿನ ಆಧುನಿಕ ಜಗತ್ತಿನಲ್ಲಿ ನಮ್ಮ ದೈಹಿಕ ಆರೋಗ್ಯವನ್ನು ಮೇಲ್ವಿಚಾರಣೆ ಮಾಡಲು ಅನೇಕ ಸಾಧನಗಳನ್ನು ಕಂಡುಹಿಡಿಯಲಾಗಿದೆ. ಇಲ್ಲಿಯವರೆಗೆ ಸ್ಮಾರ್ಟ್ ವಾಚ್, ಫಿಟ್ ಬ್ಯಾಂಡ್ ಮತ್ತು ಹೈಬ್ರಿಡ್ ವಾಚ್ಗಳ ಮೂಲಕ ನಮ್ಮ ಆರೋಗ್ಯದ ಮೇಲೆ ನಿಗಾ ಇಡುತ್ತಿದ್ದ ಬೋಟ್ ಕಂಪನಿಯು ಈಗ ಸ್ಮಾರ್ಟ್ ರಿಂಗ್ ಅನ್ನು ಪರಿಚಯಿಸಲು ಹೊರಟಿದೆ. ಅಂದರೆ ಈ ಸಣ್ಣ ಗಾತ್ರದ ಸ್ಮಾರ್ಟ್ ಉಂಗುರದ ಮೂಲಕ ಆರೋಗ್ಯದ ಬಗ್ಗೆ ಅನೇಕ ವಿಷಯಗಳನ್ನು ಟ್ರ್ಯಾಕ್ ಮಾಡಬಹುದು.
ಸಾಮಾನ್ಯವಾಗಿ ನಾವು ನಮ್ಮ ಆರೋಗ್ಯವನ್ನು ಟ್ರ್ಯಾಕ್ ಮಾಡಲು ಸ್ಮಾರ್ಟ್ ವಾಚ್, ಮೊಬೈಲ್, ಟೈಮರ್ ಸೇರಿದಂತೆ ಇತರ ಸಾಧನಗಳನ್ನು ಬಳಕೆ ಮಾಡುತ್ತೇವೆ. ಆದರೀಗ ಬೋಟ್ ಕಂಪನಿಯು ಇದಕ್ಕಾಗಿ ಸ್ಮಾರ್ಟ್ ಉಂಗುರ (Smart Ring)ವನ್ನು ಪರಿಚಯಿಸುತ್ತಿದೆ.
ಸ್ಮಾರ್ಟ್ ವಾಚ್ಗಿಂತ ಚಿಕ್ಕದಾಗಿರುವ ಬೋಟ್ ಕಂಪನಿಯ ಸ್ಮಾರ್ಟ್ ರಿಂಗ್ನಲ್ಲಿ ನೀವು ನಿರೀಕ್ಷಿಸದಿರುವ ಬಹಳಷ್ಟು ವಿಷಯಗಳನ್ನು ನಿಖರವಾಗಿ ಟ್ರ್ಯಾಕ್ ಮಾಡಬಹುದು. ಹಾಗಾದರೆ ಈಗ ಸ್ಮಾರ್ಟ್ ರಿಂಗ್ ಹೇಗೆ ಕಾರ್ಯನಿರ್ವಹಿಸುತ್ತದೆ ಮತ್ತು ಅದರ ಪ್ರಯೋಜನಗಳೇನು ಹಾಗೂ ಈ ಸ್ಮಾರ್ಟ್ ರಿಂಗ್ ಯಾವಾಗ ಹೊರಬರುತ್ತದೆ ಎಂದು ತಿಳಿಯೋಣ.
ಬೋಟ್ ಸ್ಮಾರ್ಟ್ ರಿಂಗ್ ಆಕ್ಟಿವ್ ಹೇಗೆ ಕೆಲಸ ಮಾಡುತ್ತದೆ?
ಸ್ಮಾರ್ಟ್ ವಾಚ್ನಂತೆಯೇ ಸ್ಮಾರ್ಟ್ ರಿಂಗ್ ಕೂಡ ಹಲವಾರು ಮಾಹಿತಿಯನ್ನು ನೀಡುತ್ತದೆ. ಇದು ಒಬ್ಬರ ದೈಹಿಕ ಚಟುವಟಿಕೆ, ಆರೋಗ್ಯ, ಹೃದಯ ಬಡಿತ ಮತ್ತು ತಾಪಮಾನವನ್ನು ಮೇಲ್ವಿಚಾರಣೆ ಮಾಡುವ ಸಂವೇದಕಗಳನ್ನು ಹೊಂದಿದೆ. ಈ ಸಂವೇದಕದಿಂದ ಡೇಟಾವನ್ನು ಸ್ವೀಕರಿಸಲು ಸ್ಮಾರ್ಟ್ ರಿಂಗ್ ಅನ್ನು ಬ್ಲೂಟೂತ್ ಮೂಲಕ ಸ್ಮಾರ್ಟ್ಫೋನ್ಗೆ ಸಂಪರ್ಕಿಸಬಹುದು. ಈ ಮೂಲಕ ಎಲ್ಲಾ ಮಾಹಿತಿಯನ್ನು ಪಡೆಯಬಹುದಾಗಿದೆ.
ಫಿಟ್ನೆಸ್ ಟ್ರ್ಯಾಕರ್ನಂತೆಯೇ, ಈ ಸ್ಮಾರ್ಟ್ ರಿಂಗ್ ಅನ್ನು ರಿಂಗ್ ಆಗಿ ಧರಿಸಬಹುದು. ವಾಸ್ತವವಾಗಿ ಇದು ಇತರ ಸಾಧನಗಳಿಗಿಂತ ತೂಕದಲ್ಲಿ ಹಗುರವಾಗಿರುತ್ತದೆ. ಅಲ್ಲದೆ ಇದು ಧರಿಸಲು ಹೆಚ್ಚು ಆರಾಮದಾಯಕವೂ ಆಗಿದೆ.. ಬೆರಳುಗಳಿಗೆ ಹಾಕಿಕೊಂಡರೆ ಆರೋಗ್ಯವನ್ನು ಅತ್ಯಂತ ನಿಖರವಾಗಿ ಗಮನಿಸಬಹುದು.
ಸ್ಮಾರ್ಟ್ ರಿಂಗ್ ಮೂಲಕ ಯಾವ ರೀತಿಯ ಮಾಹಿತಿಯನ್ನು ಪಡೆಯಬಹುದು?
ಸ್ಮಾರ್ಟ್ ರಿಂಗ್ ಬಹಳಷ್ಟು ಸುಧಾರಿತ ವೈಶಿಷ್ಟ್ಯಗಳನ್ನು ಹೊಂದಿದೆ. ಮುಖ್ಯವಾಗಿ ಇದು 5ATM ನೀರು ಮತ್ತು ಬೆವರು ನಿರೋಧಕ ವೈಶಿಷ್ಟ್ಯವನ್ನು ಹೊಂದಿದೆ. ಇದರ ಸ್ಟೇನ್ಲೆಸ್ ಸ್ಟೀಲ್ ವಿನ್ಯಾಸವು ಕಣ್ಮನ ಸೆಳೆಯುತ್ತದೆ. ಬೆರಳುಗಳ ಮೇಲೆ ಧರಿಸಿದಾಗ ಸೊಗಸಾಗಿ ಕಾಣಿಸುತ್ತದೆ.
ಬೋಟ್ ಸ್ಮಾರ್ಟ್ ರಿಂಗ್ನಲ್ಲಿರುವ ವೈಶಿಷ್ಟ್ಯಗಳು:
* ಹೃದಯ ಬಡಿತ ಮಾನಿಟರ್
* ದೇಹ ಸ್ಥಿತಿ ಟ್ರ್ಯಾಕಿಂಗ್
* ದೇಹದ ಉಷ್ಣತೆ ಮಾನಿಟರ್
* SpO2 ಮಾನಿಟರಿಂಗ್
* ಸ್ಲೀಪ್ ಮಾನಿಟರಿಂಗ್
* ಮುಟ್ಟಿನ ಟ್ರ್ಯಾಕರ್
ಈ ಸ್ಮಾರ್ಟ್ ರಿಂಗ್ ಅನ್ನು ಯಾರು ಹೊಂದಿರಬೇಕು?
ಪ್ರಸ್ತುತ ಅನಾರೋಗ್ಯಕರ ಮತ್ತು ನಿಷ್ಕ್ರಿಯ ಜೀವನಶೈಲಿಯಿಂದಾಗಿ, ದೇಹದಲ್ಲಿ ವಿವಿಧ ಸಮಸ್ಯೆಗಳು ಉದ್ಭವಿಸಲು ಪ್ರಾರಂಭಿಸಿವೆ. ಹೆಚ್ಚುತ್ತಿರುವ ಈ ದೈಹಿಕ ಸಮಸ್ಯೆಗಳನ್ನು ಮೊದಲೇ ಪತ್ತೆ ಹಚ್ಚಿ ತಕ್ಷಣವೇ ಚಿಕಿತ್ಸೆ ನೀಡಬೇಕು. ಇದಕ್ಕಾಗಿ ಮಾರುಕಟ್ಟೆಯಲ್ಲಿ ವಿವಿಧ ಆರೋಗ್ಯ ಮೇಲ್ವಿಚಾರಣಾ ಸಾಧನಗಳು ಲಭ್ಯವಿದೆ. ಆದರೆ ಈ ಸಣ್ಣ ಸ್ಮಾರ್ಟ್ ರಿಂಗ್ನೊಂದಿಗೆ ನಿಮ್ಮ ಆರೋಗ್ಯವನ್ನು ನೀವು ಸುಲಭವಾಗಿ ಟ್ರ್ಯಾಕ್ ಮಾಡಬಹುದು.
ಮುಖ್ಯವಾಗಿ ನೀವು ಈ ಸ್ಮಾರ್ಟ್ ರಿಂಗ್ ಹೊಂದಿದ್ದರೆ, ನೀವು ಹೃದಯ ಬಡಿತವನ್ನು ಸರಿಯಾಗಿ ಮೇಲ್ವಿಚಾರಣೆ ಮಾಡಬಹುದು. ಹೃದಯ ಸಮಸ್ಯೆಗಳಿಗೆ ಆರಂಭಿಕ ಚಿಕಿತ್ಸೆ ತೆಗೆದುಕೊಳ್ಳಬಹುದು. ದೇಹದಲ್ಲಿ ಆಮ್ಲಜನಕದ ಕೊರತೆಯಿದ್ದರೆ, ಅದನ್ನು ತಕ್ಷಣವೇ ಕಂಡುಹಿಡಿಯಬಹುದು.
ಹಾಗಾಗಿ ಈ ಸ್ಮಾರ್ಟ್ ರಿಂಗ್ ಉಸಿರಾಟದ ತೊಂದರೆ ಇರುವವರಿಗೆ, ಅಸ್ತಮಾ ರೋಗಿಗಳಿಗೆ, ಹೃದ್ರೋಗ ಮತ್ತು ದೀರ್ಘಕಾಲದ ಶ್ವಾಸಕೋಶದ ಸಮಸ್ಯೆ ಇರುವವರಿಗೆ ತುಂಬಾ ಉಪಯುಕ್ತವಾಗಿದೆ. ಒಬ್ಬರಿಗೆ ನಿದ್ರೆ ಬಹಳ ಮುಖ್ಯ. ಈ ನಿದ್ರೆ ಸಾಕಾಗದೇ ಇದ್ದರೆ, ಅದು ಅನೇಕ ಸಮಸ್ಯೆಗಳಿಗೆ ಕಾರಣವಾಗಬಹುದು. ಆದ್ದರಿಂದ ಒಬ್ಬರಿಗೆ ದಿನಕ್ಕೆ ಎಷ್ಟು ನಿದ್ರೆ ಬೇಕು ಮತ್ತು ನೀವು ಎಷ್ಟು ನಿದ್ರೆ ಪಡೆಯುತ್ತೀರಿ ಎಂಬುದನ್ನು ನಿಖರವಾಗಿ ಅರ್ಥಮಾಡಿಕೊಳ್ಳಲು, ಈ ಸ್ಮಾರ್ಟ್ ರಿಂಗ್ ಅನ್ನು ಹೊಂದಿರುವುದು ಅತ್ಯಗತ್ಯ.
ಇದಲ್ಲದೆ ಮುಖ್ಯವಾಗಿ ಮಹಿಳೆಯರಿಗೆ ತುಂಬಾ ಒಳ್ಳೆಯ ಸಾಧನ ಇದಾಗಿದೆ. ಇದು ಮಹಿಳೆಯರ ಋತುಚಕ್ರದ ಸಮಯವನ್ನು ಪತ್ತೆಹಚ್ಚಲು ಸಹ ಸಹಾಯ ಮಾಡುತ್ತದೆ.
ಇದು ಭಾರತದಲ್ಲಿ ಯಾವಾಗ ಮಾರುಕಟ್ಟೆಗೆ ಬರಲಿದೆ?
Boat Smart Ring Active ಇನ್ನೂ ಮಾರುಕಟ್ಟೆಗೆ ಬಂದಿಲ್ಲ. ಜುಲೈ 20 ರಂದು ಭಾರತದಲ್ಲಿ ಮಾರುಕಟ್ಟೆಗೆ ಲಗ್ಗೆ ಇಡಲಿದೆ. ಅದು ಕೇವಲ 2999 ರೂಪಾಯಿಗೆ ವಿಶೇಷ ರಿಯಾಯಿತಿ ದರದಲ್ಲಿ ಗ್ರಾಹಕರಿಗೆ ಸಿಗಲಿದೆ. ಗ್ರಾಹಕರು ಜುಲೈ 18 ರಿಂದ Amazon, Flipkart ಮತ್ತು Boat ವೆಬ್ಸೈಟ್ನಲ್ಲಿ ಬುಕ್ ಮಾಡಬಹುದು.
Click it and Unblock the Notifications
Sign in with Google