ಬಿಗ್ ಬಾಸ್ ನಿಂದ ಫೇಮಸ್ ಆದ ಸೋನಾಲಿ ಫೋಗಟ್ ಯಾರು ಗೊತ್ತಾ?
ಚಂಡೀಗಢ ಆಗಸ್ಟ್ 23: ಭಾರತೀಯ ಜನತಾ ಪಕ್ಷದ (ಬಿಜೆಪಿ) ನಾಯಕಿ ಮತ್ತು ಬಿಗ್ ಬಾಸ್ ಖ್ಯಾತಿಯ ನಟಿ ಸೋನಾಲಿ ಫೋಗಟ್ ಮಂಗಳವಾರ (ಆಗಸ್ಟ್ 23) ಗೋವಾದಲ್ಲಿ ಹೃದಯಾಘಾತದಿಂದ ನಿಧನರಾದರು. 43 ವರ್ಷ ವಯಸ್ಸಿನ ಸೋನಾಲಿ ಫೋಗಟ್ ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ಹರಿಯಾಣದಿಂದ ಆದಂಪುರ ಕ್ಷೇತ್ರದಿಂದ ಬಿಜೆಪಿ ಟಿಕೆಟ್ನಲ್ಲಿ ಕುಲದೀಪ್ ಬಿಷ್ಣೋಯ್ ವಿರುದ್ಧ ಸ್ಪರ್ಧಿಸಿದ್ದರು. ಆದರೆ, ಈ ಚುನಾವಣೆಯಲ್ಲಿ ಅವರು ಗೆಲುವು ಸಾಧಿಸಲಿಲ್ಲ. ಇವರು ಬಿಗ್ ಬಾಸ್ ಮೂಲಕ ದೇಶಾದ್ಯಂತ ಪ್ರಸಿದ್ಧರಾಗಿದ್ದರು. ಬಿಗ್ ಬಾಸ್ನ ಅಭಿಮಾನಿಗಳು ಸೋನಾಲಿ ಫೋಗಟ್ ಅವರ ನಿಗೂಢ ಸಾವಿನಿಂದ ದಿಗ್ಭ್ರಮೆಗೊಂಡಿದ್ದಾರೆ.
ಸೋನಾಲಿ ಫೋಗಟ್ ಬಿಗ್ ಬಾಸ್-14 ರ ಸ್ಪರ್ಧಿಯಾಗಿದ್ದರು. ಶೋನಲ್ಲಿ ಪತಿಯ ಸಾವು ಮತ್ತು ಆ ನಂತರದ ಬದುಕಿನ ಬಗ್ಗೆ ಹಲವು ಬಾರಿ ಸೋನಾಲಿ ಹೇಳಿಕೊಂಡಿದ್ದರು. ಸೋನಾಲಿ ಫೋಗಟ್ ಅವರಿಗೆ ಒಬ್ಬ ಮಗಳಿದ್ದಾಳೆ. ಅವಳು ಪ್ರಸ್ತುತ ಹೈಸ್ಕೂಲ್ನಲ್ಲಿ ಓದುತ್ತಿದ್ದಾಳೆ. ಸೋನಾಲಿ ಫೋಗಟ್ ಯಾರು ಎಂದು ತಿಳಿಯೋಣ.
ರೈತ ಕುಟುಂಬದಲ್ಲಿ ಜನಿಸಿದ ಸೋನಾಲಿ
ಸೋನಾಲಿ ಫೋಗಟ್ ಭಾರತೀಯ ಜನತಾ ಪಕ್ಷದ (ಬಿಜೆಪಿ) ನಾಯಕಿ ಮತ್ತು ಕಳೆದ ಹರಿಯಾಣ ವಿಧಾನಸಭಾ ಚುನಾವಣೆಯಲ್ಲಿ ಹಿಸಾರ್ ಜಿಲ್ಲೆಯ ಆದಂಪುರ ವಿಧಾನಸಭಾ ಕ್ಷೇತ್ರದಿಂದ ಸ್ಪರ್ಧಿಸಿದ್ದರು. ಸೋನಾಲಿ ಫೋಗಟ್ ಬಿಜೆಪಿ ನಾಯಕಿ ಮಾತ್ರವಲ್ಲದೆ ನಟಿಯೂ ಆಗಿದ್ದರು. ದೂರದರ್ಶನದಲ್ಲಿ ಅನೇಕ ಕಾರ್ಯಕ್ರಮಗಳಲ್ಲಿ ನಿರೂಪಕರಾಗಿದ್ದಾರೆ. ಬಿಗ್ ಬಾಸ್ 14 ರಲ್ಲೂ ಸೋನಾಲಿ ಫೋಗಟ್ ಕಾಣಿಸಿಕೊಂಡಿದ್ದರು. ಇವರು ಟಿಕ್ಟಾಕ್ನ ತಾರೆಯೂ ಆಗಿದ್ದಾರೆ.
ಸೋನಾಲಿ ಫೋಗಟ್ 21 ಸೆಪ್ಟೆಂಬರ್ 1979 ರಂದು ಹರಿಯಾಣದ ಫತೇಹಾಬಾದ್ನಲ್ಲಿ ಜನಿಸಿದರು. ಆಕೆಗೆ 43 ವರ್ಷ ವಯಸ್ಸಾಗಿತ್ತು. ಸೋನಾಲಿ ಫೋಗಟ್ ಹುಟ್ಟಿದ್ದು ಹರಿಯಾಣದಲ್ಲಿ. ಸೋನಾಲಿ ಫೋಗಟ್ ಅವರ ತಂದೆ ರೈತ. ಫೋಗಟ್ ಹರಿಯಾಣದ ಫತೇಹಾಬಾದ್ನ ಭೂತಾನ್ ಗ್ರಾಮದಲ್ಲಿ ಮಧ್ಯಮ ವರ್ಗದ ಕುಟುಂಬದಲ್ಲಿ ಹುಟ್ಟಿ ಬೆಳೆದರು. ಅವರಿಗೆ ಮೂವರು ಸಹೋದರಿಯರು ಮತ್ತು ಒಬ್ಬ ಸಹೋದರ ಇದ್ದಾರೆ.
ಪತಿಯ ನಿಗೂಢ ಸಾವು
ಸೋನಾಲಿ ಫೋಗಟ್ 2006 ರಲ್ಲಿ ಹಿಸಾರ್ ದೂರದರ್ಶನದಲ್ಲಿ ನಿರೂಪಕರಾಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಇದರ ನಂತರ, ಸೋನಾಲಿ ಫೋಗಟ್ 2008 ರಲ್ಲಿ ಬಿಜೆಪಿಗೆ ಸೇರಿದ್ದರು. ಅಂದಿನಿಂದ ಸೋನಾಲಿ ಫೋಗಟ್ ಬಿಜೆಪಿಯ ಸಕ್ರಿಯ ಸದಸ್ಯರಾಗಿದ್ದರು. ಸೋನಾಲಿ ಫೋಗಟ್ ಅವರು 'ಅಮ್ಮ' ಟಿವಿ ಧಾರಾವಾಹಿಯಲ್ಲಿ ನವಾಬ್ ಶಾ ಅವರ ಪತ್ನಿ ಪಾತ್ರವನ್ನು ನಿರ್ವಹಿಸಿದ್ದಾರೆ. ಇದಲ್ಲದೇ 'ಬಂದೂಕ್ ಆಲಿ ಜತಾನಿ' ಎಂಬ ಹರ್ಯಾನ್ವಿ ಹಾಡಿನಲ್ಲೂ ಸೋನಾಲಿ ಕಾಣಿಸಿಕೊಂಡಿದ್ದಾರೆ. ಸೋನಾಲಿ 'ದಿ ಸ್ಟೋರಿ ಆಫ್ ಬದ್ಮಾಶ್ಗಢ್' ವೆಬ್ ಸರಣಿಯಲ್ಲೂ ಕಾಣಿಸಿಕೊಂಡಿದ್ದಾರೆ.
ಸೋನಾಲಿ ಫೋಗಟ್ ತನ್ನ ಅಕ್ಕನ ಸೋದರ ಮಾವ ಸಂಜಯ್ ಫೋಗಟ್ ಅವರನ್ನು ವಿವಾಹವಾದರು. 2016 ರಲ್ಲಿ, ಸೋನಾಲಿ ಫೋಗಟ್ ಅವರ ಪತಿ ಸಂಜಯ್ ಫೋಗಟ್ ಫಾರ್ಮ್ ಹೌಸ್ನಲ್ಲಿ ಅನುಮಾನಾಸ್ಪದವಾಗಿ ಸಾವನ್ನಪ್ಪಿದರು. ಬಿಗ್ ಬಾಸ್-14 ರಲ್ಲೂ ಸೋನಾಲಿ ಪತಿಯ ಸಾವಿನ ಬಗ್ಗೆ ಪ್ರಸ್ತಾಪಿಸಿದ್ದರು. ತೋಟದ ಮನೆಯಲ್ಲಿ ಪತಿ ತೀರಿಕೊಂಡಾಗ ಅವರ ಜೊತೆ ಇರಲಿಲ್ಲ ಎಂದು ಸೋನಾಲಿ ಬೇಸರ ವ್ಯಕ್ತಪಡಿಸಿದ್ದರು. ಆಗ ತಾನು ಮುಂಬೈನಲ್ಲಿದ್ದೆ ಎಂದು ಸೋನಾಲಿ ಹೇಳಿದ್ದರು. ಪತಿಯ ಸಾವಿನಿಂದ ನನಗೆ ತುಂಬಾ ಆಘಾತವಾಗಿದೆ ಎಂದು ಸೋನಾಲಿ ಬಿಗ್ ಬಾಸ್ನಲ್ಲಿ ಹೇಳಿದ್ದರು. ಪತಿಯನ್ನು ಕಳೆದುಕೊಂಡು 6-7 ತಿಂಗಳು ನಿದ್ದೆ ಬಂದಿರಲಿಲ್ಲ ಎಂದು ಸೋನಾಲಿ ಅಳಲು ತೋಡಿಕೊಂಡಿದ್ದರು. ಸೋನಾಲಿ ಜೀವನದಲ್ಲಿ ಒಬ್ಬಂಟಿಯಾಗಿದ್ದರು. ಜೀವನದಲ್ಲಿ ನಿರಾಶೆಗೊಂಡಿದ್ದರು. ಆದರೆ ಅವರು ತಮ್ಮ ಮಗಳಿಗಾಗಿ ಜೀವಿಸಲು ಪ್ರಾರಂಭಿಸಿದರಿ. ಸೋನಾಲಿ ಅವರಿಗೆ ಮಗಳೇ ಸ್ಪೂರ್ತಿಯಾಗಿದ್ದಾಳೆ.
ಅಧಿಕಾರಿಯೊಬ್ಬರಿಗೆ ಸೋನಾಲಿ ಫೋಗಟ್ ಚಪ್ಪಲಿ ಏಟು
ಸೋನಾಲಿ ಫೋಗಟ್ಗೆ ಯಶೋಧರ ಫೋಗಟ್ ಎಂಬ ಮಗಳಿದ್ದಾಳೆ. ಸೋನಾಲಿ ಮತ್ತು ಸಂಜಯ್ ಫೋಗಟ್ ಅವರ ಏಕೈಕ ಪುತ್ರಿ ಯಶೋಧರ ಫೋಗಟ್ ಹಾಸ್ಟೆಲ್ನಲ್ಲಿಯೇ ಹೈಸ್ಕೂಲ್ ಓದುತ್ತಿದ್ದಾರೆ. ಬಿಗ್ ಬಾಸ್-14 ರಲ್ಲಿ ಸೋನಾಲಿ ಮಗಳು ಕೂಡ ತನ್ನ ತಾಯಿಯನ್ನು ಭೇಟಿಯಾಗಲು ಬಂದಿದ್ದಳು. ಸೋನಾಲಿ ಆಗಾಗ್ಗೆ ತನ್ನ ಇನ್ಸ್ಟಾಗ್ರಾಮ್ನಲ್ಲಿ ತನ್ನ ಮಗಳೊಂದಿಗೆ ವಿಡಿಯೊಗಳನ್ನು ಪೋಸ್ಟ್ ಮಾಡುತ್ತಿದ್ದರು.
ಸೋನಾಲಿ ಫೋಗಟ್ ಅವರು ಭಾರತೀಯ ಜನತಾ ಪಕ್ಷದ ಮಹಿಳಾ ಮೋರ್ಚಾದ ರಾಷ್ಟ್ರೀಯ ಕಾರ್ಯಕಾರಿ ಸಮಿತಿಯ ಉಪಾಧ್ಯಕ್ಷರಾಗಿದ್ದರು. ಎರಡು ವರ್ಷಗಳ ಹಿಂದೆ ಜೂನ್ 2020 ರಲ್ಲಿ ಅಧಿಕಾರಿಯೊಬ್ಬರಿಗೆ ಚಪ್ಪಲಿಯಿಂದ ಹೊಡೆದಾಗ ಸೋನಾಲಿ ಫೋಗಟ್ ವಿವಾದಕ್ಕೆ ಒಳಗಾಗಿದ್ದರು. ಸೋನಾಲಿ ಫೋಗಟ್ ಅವರು ಬಾಲ್ಸಾಮಂಡ್ ಮಾರುಕಟ್ಟೆ ಕಾರ್ಯದರ್ಶಿ ಸುಲ್ತಾನ್ ಸಿಂಗ್ ಅವರ ಸದಸ್ಯನನ್ನು ಚಪ್ಪಲಿಯಿಂದ ಥಳಿಸಿದ್ದರು. ಆಕೆಯ ಮೇಲೆ ದೌರ್ಜನ್ಯ ಎಸಗಿದ್ದಾರೆ ಎಂದು ಆರೋಪಿಸಿ ಥಳಿಸಿದ್ದಾರೆ.
ಸಾಯುವ ಮೊದಲು ಸೋನಾಲಿ ಇನ್ಸ್ಟಾಗ್ರಾಮ್ನಲ್ಲಿ ವಿಡಿಯೊ ಹಂಚಿಕೆ
ಸೋನಾಲಿ ಫೋಗಟ್ ಕೆಲವು ವರ್ಷಗಳ ಹಿಂದೆ ತನ್ನ ಸಹೋದರಿ ಮತ್ತು ಸೋದರ ಮಾವನ ವಿರುದ್ಧ ಪೊಲೀಸ್ ದೂರು ದಾಖಲಿಸಿದ್ದರು. ಇದೊಂದು ಹಲ್ಲೆ ಪ್ರಕರಣ ಎಂದು ಅವರು ಆರೋಪಿಸಿದ್ದರು. ಜೊತೆಗೆ 08 ಅಕ್ಟೋಬರ್ 2019 ರಂದು, ಹಿಸಾರ್ ಗ್ರಾಮದಲ್ಲಿ ನಡೆದ ರ್ಯಾಲಿಯಲ್ಲಿ 'ಭಾರತ್ ಮಾತಾ ಕಿ ಜೈ' ಘೋಷಣೆಗಳನ್ನು ಎತ್ತುವಂತೆ ಜನರನ್ನು ಕೇಳಿದಾಗ, ಸೋನಾಲಿ ಫೋಗಟ್ ಅವರು ತಮ್ಮ ಒಂದು ಭಾಷಣಕ್ಕಾಗಿ ಪ್ರಚಾರಕ್ಕೆ ಬಂದರು. ಈ ವೇಳೆ ಯಾರು ಘೋಷಣೆಗಳನ್ನು ಕೂಗುತ್ತಿಲ್ಲವೋ ಅವರು ನಿಸ್ಸಂದೇಹವಾಗಿ ಪಾಕಿಸ್ತಾನದವರು ಎಂದು ಸೋನಾಲಿ ಹೇಳಿದ್ದರು. ನಂತರ ಸೋನಾಲಿ ಫೋಗಟ್ ತನ್ನ ಭಾಷಣಕ್ಕಾಗಿ ಕ್ಷಮೆಯಾಚಿಸಿದರು.
ಸಾಯುವ ಕೆಲವೇ ಗಂಟೆಗಳ ಮೊದಲು, ಅವರು ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯಿಂದ ವಿಡಿಯೊವನ್ನು ಪೋಸ್ಟ್ ಮಾಡಿದ್ದರು. ಈ ಹಿನ್ನೆಲೆಯಲ್ಲಿ ಮೊಹಮ್ಮದ್ ರಫಿ ಅವರ 'ರುಖ್ ಸೆ ಜರಾ ನಿಕಾಬ್ ತೊ ಹತ್ತಾ ದೋ ಮೇರೆ ಹಜೂರ್...' ಹಾಡು ಪ್ಲೇ ಆಗುತ್ತಿದೆ. ಈ ವಿಡಿಯೋದಲ್ಲಿ ಸೋನಾಲಿ ಗುಲಾಬಿ ಬಣ್ಣದ ದುಪಟ್ಟಾ ಪೇಟವನ್ನು ಧರಿಸಿದ್ದು, ಮುಖವನ್ನು ಮುಚ್ಚಿಕೊಂಡಿದ್ದಾರೆ. ಅದೇ ಉಡುಪಿನಲ್ಲಿ ಸೋನಾಲಿ ತಮ್ಮ ಟ್ವಿಟರ್ ಪ್ರೊಫೈಲ್ ಚಿತ್ರವನ್ನು ಕೂಡ ಬದಲಾಯಿಸಿದ್ದಾರೆ.