Fact check: ರಾಜಸ್ಥಾನದ ಗಂಗಾನಗರದ ಪ್ರವಾಹದಲ್ಲಿ ರಕ್ಷಣಾ ಕಾರ್ಯಚರಣೆ?

ದೇಶದ ಹಲವೆಡೆ ಮುಂಗಾರು ಚುರುಕುಗೊಂಡಿದೆ. ಮಹಾರಾಷ್ಟ್ರ, ಗುಜರಾತ್, ದೆಹಲಿ, ಮಧ್ಯಪ್ರದೇಶ, ರಾಜಸ್ಥಾನ ಸೇರಿದಂತೆ ದೇಶದ ಬಹುತೇಕ ಭಾಗಗಳಲ್ಲಿ ಭಾರಿ ಮಳೆಯಾಗುತ್ತಿದೆ. ಇದರ ನಡುವೆ ರಾಜಸ್ಥಾನದ ಗಂಗಾನಗರ ಜಿಲ್ಲೆಯಲ್ಲಿ ಪ್ರವಾಹ ಪರಿಸ್ಥಿತಿ ಉಂಟಾಗಿದೆ. ಇದರಿಂದಾಗಿ ಮನೆಗಳಿಗೆ ನೀರು ನುಗ್ಗಿದ್ದು, ಸಾರ್ವಜನಿಕರು ತೀವ್ರ ತೊಂದರೆ ಅನುಭವಿಸುವಂತಾಗಿದೆ. ಇಂತಹ ಪರಿಸ್ಥಿತಿಯಲ್ಲಿ ಸೇನೆಯ ರಕ್ಷಣಾ ಕಾರ್ಯಾಚರಣೆಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದು, ಇದನ್ನು ಗಂಗಾನಗರದ ಪ್ರವಾಹಕ್ಕೆ ಸಂಬಂಧ ಕಲ್ಪಿಸಲಾಗಿದೆ. ಈ ವಿಡಿಯೋದ ನೈಜತೆ ಏನು?

ಮುಂಗಾರು ನಿರಂತರ ಮಳೆಯೊಂದಿಗೆ ಮುಂದುವರಿಯುತ್ತಿದೆ. ಈ ನಡುವೆ ಕೆಲವು ರಾಜ್ಯಗಳಲ್ಲಿ ಪ್ರವಾಹದಂತಹ ಪರಿಸ್ಥಿತಿಯ ನಡುವೆ ಭಾರತೀಯ ಸೇನೆಯ ರಕ್ಷಣಾ ಕಾರ್ಯಾಚರಣೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ವೈರಲ್ ಆಗಿರುವ ವಿಡಿಯೊದಲ್ಲಿ ರಸ್ತೆಯ ಮೇಲೆ ಪ್ರವಾಹದಂತೆ ನೀರು ಹರಿಯುತ್ತಿದೆ. ಸೇನಾ ಸಿಬ್ಬಂದಿ ಅಂಗಡಿಯಲ್ಲಿ ಸಿಕ್ಕಿಬಿದ್ದ ಜನರನ್ನು ಸುರಕ್ಷಿತವಾಗಿ ಕರೆದೊಯ್ಯಲು ಸರಪಳಿಗಳನ್ನು ಮಾಡುವ ಮೂಲಕ ಜನರನ್ನು ಉಳಿಸುತ್ತಿರುವುದು ಕಂಡುಬರುತ್ತದೆ. ಸೇನೆಯ ಕಾರ್ಯಾಚರಣೆ ಗಂಗಾನಗರ ಪ್ರವಾಹಕ್ಕೆ ಸಂಬಂಧಿಸಿದೆ ಎಂದು ಹೇಳಲಾಗುತ್ತಿದೆ.

ಈ ವಿಡಿಯೋವನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿರುವ ಕೆಲವು ಬಳಕೆದಾರರು, ಇದು ರಾಜಸ್ಥಾನದ ಗಂಗಾನಗರದ ಘಟನೆ ಎಂದು ಹೇಳಿಕೊಂಡಿದ್ದಾರೆ. ಅಲ್ಲಿ ಪ್ರವಾಹದಲ್ಲಿ ರಕ್ಷಣೆ ಕಾರ್ಯಚರಣೆ ಮಾಡುವಲ್ಲಿ ಸೇನೆಯು ಮುಂಚೂಣಿಯಲ್ಲಿದೆ. ವಿಡಿಯೊವನ್ನು ಪೋಸ್ಟ್ ಮಾಡಿದ ಬಳಕೆದಾರರು ಶೀರ್ಷಿಕೆಯಲ್ಲಿ, 'ಗಂಗಾನಗರದಲ್ಲಿ ಪ್ರವಾಹ ಪರಿಸ್ಥಿತಿಯ ನಡುವೆ ಭಾರತೀಯ ಸೇನೆಯು ರಕ್ಷಣೆಗೆ ಬಂದಿದೆ' ಎಂದು ಬರೆಯಲಾಗಿದೆ.

ಒಂದು ವರ್ಷದ ಹಳೆಯ ವಿಡಿಯೋ

ಈ ವಿಡಿಯೊದ ಸತ್ಯವನ್ನು ಫ್ಯಾಕ್ಟ್ ಚೆಕ್ ಮಾಡಿದಾಗ ಇದರ ಸಂದೇಶ ಸಂಪೂರ್ಣವಾಗಿ ತಪ್ಪುದಾರಿಗೆಳೆಯುವಂತಿದೆ ಎಂದು ಸಾಬೀತಾಯಿತು. ಗಂಗಾನಗರಕ್ಕೆ ಲಿಂಕ್ ಮಾಡುವ ಮೂಲಕ ಹಂಚಿಕೊಂಡ ವಿಡಿಯೊ ಹಳೆಯದಾಗಿದೆ. ಕಳೆದ ವರ್ಷ ಉತ್ತರಾಖಂಡದ ನೈನಿತಾಲ್‌ನಲ್ಲಿ ಭಾರತೀಯ ಸೇನೆ ನಡೆಸಿದ ರಕ್ಷಣಾ ಕಾರ್ಯಾಚರಣೆಯ ವಿಡಿಯೋ ಇದಾಗಿದೆ. ಅಕ್ಟೋಬರ್ 2021 ರಂದು ನೈನಿ ಸರೋವರದಲ್ಲಿ ಭಾರೀ ಮಳೆಯ ನಂತರ ಅನೇಕ ಅಂಗಡಿಗಳು ಪ್ರವಾಹಕ್ಕೆ ಸಿಲುಕಿಕೊಂಡವು. ಅವರನ್ನು ರಕ್ಷಿಸಲು ಸೇನೆ ರಕ್ಷಣಾ ಕಾರ್ಯಾಚರಣೆ ಆರಂಭಿಸಿತ್ತು.

गंगानगर के अंदर बाड़ की परिस्थिति में #Army ने संभाला मोर्चा। Salute to indan army and pray for ganganagar 🙏🙏 #IndianArmy @raj_indianews @QamarAnchor @1stIndiaNews @aajtak @RajendraGudha @BalwanPoonia_ @BalkaurDhillon @BaljeetBehror @etv @IndianExpress @Spearcorps pic.twitter.com/L0rVAjJDis

— Ravi Chawla (@ravichawla05) July 16, 2022

ಗಂಗಾನಗರದಲ್ಲಿ ರಕ್ಷಣೆಗಾಗಿ ಸೇನೆ ಮತ್ತು ಬಿಎಸ್ಎಫ್

ಗಂಗಾನಗರದಲ್ಲಿ ಅಧಿಕ ಮಳೆಯಾಗಿದ್ದು ಹಲವೆಡೆ ಶುಕ್ರವಾರ ಪ್ರವಾಹ ಪರಿಸ್ಥಿತಿ ಉಂಟಾಗಿದೆ. ಅಲ್ಲಿ ರಕ್ಷಣಾ ಕಾರ್ಯಾಚರಣೆಗೆ ಸೇನಾಪಡೆ ಮತ್ತು ಬಿಎಸ್ಎಫ್ ಅನ್ನು ನಿಯೋಜಿಸಲಾಯಿತು. ಆದರೆ ವೈರಲ್ ಆಗಿರುವ ವಿಡಿಯೋ ಗಂಗಾನಗರದ್ದು ಎಂದು ಹೇಳಲಾಗುತ್ತಿದ್ದು, ಇದು ಸಂಪೂರ್ಣ ನಕಲಿಯಾಗಿದೆ. ವಾಸ್ತವವಾಗಿ ಈ ವೀಡಿಯೊ ಒಂದು ವರ್ಷದ ಹಳೆಯದು ಮತ್ತು ಉತ್ತರಾಖಂಡದ ನೈನಿತಾಲ್‌ನಲ್ಲಿ ತೆಗೆದ ವಿಡಿಯೋವಾಗಿದ್ದು ಇದಕ್ಕೂ ರಾಜಸ್ಥಾನದ ಗಂಗಾನಗರಕ್ಕೂ ಯಾವುದೇ ಸಂಬಂಧವಿಲ್ಲ ಎಂದು ತನಿಖೆಯಿಂದ ತಿಳಿದು ಬಂದಿದೆ.

English summary

What is the truth behind video of flood rescue operation in Rajasthan's Ganganagar district?