"ಭರ್ಜರಿ ಬ್ಯಾಚುಲರ್ಸ್" ಕಪ್ ಗೆದ್ದ ಸುನಿಲ್-ಅಮೃತ ಜೋಡಿ, ರನ್ನರ್ ಅಪ್ ಯಾರು?
Bharjari Bachelors Season 2: ಭರ್ಜರಿ ಬ್ಯಾಚುಲರ್ಸ್ ಸೀಸನ್-2 ರಿಯಾಲಿಟಿ ಶೋ ಗ್ರ್ಯಾಂಡ್ ಫಿನಾಲೆ ಕೊನೆಗೂ ಮುಗಿದಿದೆ. ಇಷ್ಟು ದಿನಗಳ ಕಾಲ ಕುತೂಹಲ ಮೂಡಿಸಿದ್ದ ಪ್ರಶ್ನೆಗೆ ಕೊನೆಗೂ ಉತ್ತರ ಸಿಕ್ಕಿದೆ. ಜೀ ಕನ್ನಡ ವಾಹಿನಿಯಲ್ಲಿ ಹೆಚ್ಚು ಜನಪ್ರಿಯತೆ ಪಡೆದಿದ್ದ ಈ ರಿಯಾಲಿಟಿ ಶೋ ಎರಡು ಸೀಸನ್ಗಳನ್ನು ಮುಗಿಸಿದೆ. ಈ ಸೀಸನ್ನ ಫಿನಾಲೆಯಲ್ಲಿ ಸುನಿಲ್ ಗುಜಗೊಂಡ-ಅಮೃತ ರಾಜ್ ಜೋಡಿ ಗೆದ್ದು ಬೀಗಿದೆ.
ಭರ್ಜರಿ ಬ್ಯಾಚುಲರ್ಸ್ ಸೀಸನ್ 2 ಬಹಳ ಜನಪ್ರಿಯ ಆಗಿದ್ದು, ಹಲವು ಸ್ಪರ್ಧಿಗಳು ವಿಭಿನ್ನ ಟಾಸ್ಕ್ಗಳನ್ನು ಮಾಡಿ ಗಮನಸೆಳೆದಿದ್ದರು. ಸೋಶಿಯಲ್ ಮೀಡಿಯಾದಲ್ಲಿ ಈ ಶೋ ಕುರಿತ ಪ್ರಮುಖ ವಿಡಿಯೋಗಳು ವೈರಲ್ ಆಗಿದ್ದವು. ಇತ್ತೀಚಿನ ದಿನಗಳಲ್ಲಿ 'ಭರ್ಜರಿ ಬ್ಯಾಚುಲರ್ಸ್ 2' ಗ್ರ್ಯಾಂಡ್ ಫಿನಾಲೆ ಕೂಡ ಜರುಗಿದ್ದು, ಅಧಿಕೃತವಾಗಿ ವಿನ್ನರ್ ಯಾರು ಎಂಬ ವಿಚಾರ ಹೊರಬಿದ್ದಿದೆ.
ಈ ಸೀಸನ್ನಲ್ಲಿದ್ದ ಸ್ಪರ್ಧಿಗಳು ಕೂಡ ಕರ್ನಾಟಕದ ಜನತೆಗೆ ಚಿರಪರಿಚಿತರೇ ಆಗಿದ್ದ ಕಾರಣ ಹಲವು ಜೋಡಿಗಳು ಕಮಾಲ್ ಮಾಡಿದ್ದವು. ಈ ಪೈಕಿ ರಕ್ಷಕ್ ಬುಲೆಟ್-ರಮೋಲಾ, ಡ್ರೋನ್ ಪ್ರತಾಪ್-ಗಗನಾ, ಸುನಿಲ್ ಅಮೃತಾ ಜೋಡಿಗಳು ಕೂಡ ವೀಕ್ಷಕರ ಗಮನ ಸೆಳೆದಿತ್ತು. ಹಲವರು ರಕ್ಷಕ್ ಗೆಲ್ಲಬೇಕು ಅಂದರೆ, ಮತ್ತೊಂದೆಡೆ ಡ್ರೋನ್ ಪ್ರತಾಪ್ ಗೆಲ್ಲಬೇಕು ಎನ್ನುತ್ತಿದ್ದರು.
ಸುನೀಲ್-ಅಮೃತಾ, ದರ್ಶನ್-ಅಪೇಕ್ಷಾ, ಹುಲಿ ಕಾರ್ತಿಕ್-ಧನ್ಯ, ಗಾಬ್ರಿ-ಅನನ್ಯಾ, ಉಲ್ಲಾಸ್-ಪವಿ, ರಕ್ಷಕ್ ಬುಲೆಟ್-ರಮೋಲ, ಡ್ರೋನ್ ಪ್ರತಾಪ್-ಗಗನ, ಪ್ರವೀಣ್ ಜೈನ್-ಸುಕೃತಾ, ಪ್ರೇಮ್ ಥಾಪಾ-ವಿಜಯಲಕ್ಷ್ಮಿ, ಸೂರ್ಯ-ಅಭಿಜ್ಞಾ ಜೋಡಿ ಈ ಸೀಸನ್ನ ಪ್ರಮುಖ ಆಕರ್ಷಣೆಯಾಗಿದ್ದವು. ಇನ್ನು ರಕ್ಷಕ್, ಪ್ರತಾಪ್, ಸುನಿಲ್ ಅವರಿಗೆ ಈ ಹಿಂದಿನಿಂದಲೂ ಕ್ರೇಜ್ ಇದ್ದಿದ್ದರಿಂದ ನಿರೀಕ್ಷೆಯಂತೆ ಆ ಮೂವರೂ ಅಂತಿಮ ಸ್ಥಾನಗಳಲ್ಲಿ ಉಳಿಯುತ್ತಾರೆ ಎಂದು ಸೋಷಿಯಲ್ ಮೀಡಿಯಾಗಳಲ್ಲಿ ಭವಿಷ್ಯ ನುಡಿಯಲಾಗಿತ್ತು.
ರಕ್ಷಕ್, ಪ್ರತಾಪ್ ಜೋಡಿ ರನ್ನರ್ ಅಪ್!
ನಿರೀಕ್ಷೆಯಂತೆ ಗ್ರ್ಯಾಂಡ್ ಫಿನಾಲೆಯಲ್ಲಿ ಸುನೀಲ್ ಹಾಗೂ ಅಮೃತಾ ವಿನ್ನರ್ ಎಂದು ಘೋಷಿಸಲಾಯಿತು. ಮೊದಲನೇ ರನ್ನರ್ ಅಪ್ ಆಗಿ ರಕ್ಷಕ್ ಬುಲೆಟ್ ಹಾಗೂ ರಮೋಲಾ ಜೋಡಿ ಗೆದ್ದಿದೆ. ಈ ಬಹುಮಾನದ ಮೊತ್ತ 10 ಲಕ್ಷ ರೂಪಾಯಿ. ಇನ್ನು ಎರಡನೇ ರನ್ನರ್ ಅಪ್ ಆಗಿ ಡ್ರೋನ್ ಪ್ರತಾಪ್ ಹಾಗೂ ಗಗನ ಭಾರಿ ಜೋಡಿ ಪ್ರಶಸ್ತಿ ಮುಡಿಗೇರಿಸಿಕೊಂಡಿದೆ. ಈ ಬಹುಮಾನದ ಮೊತ್ತ 3 ಲಕ್ಷ ರೂಪಾಯಿ. ಇದಲ್ಲದೆ ಈ ಸೀಸನ್ನಲ್ಲಿ ಸ್ಪೆಷಲ್ ಬ್ಯಾಚುಲರ್ ಆಗಿ ಸೂರ್ಯ ಹಾಗೂ ಅಭಿಜ್ಞಾ ಭಟ್ ಜೋಡಿ ಹೊರಹೊಮ್ಮಿದ್ದು, 1 ಲಕ್ಷ ರೂಪಾಯಿ ನಗದು ಬಹುಮಾನವೂ ನೀಡಲಾಗಿದೆ.
ಈ ಸೀಸನ್ನಲ್ಲಿ ಬ್ರಹ್ಮಚಾರಿ vs ಸಂಸಾರಿ, ಪ್ರಪೋಸ್ ರೌಂಡ್, ಸೀನಿಯರ್ಸ್ vs ಜೂನಿಯರ್ಸ್ ಸೇರಿ ಹಲವರು ರೌಂಡ್ಗಳು ಇದ್ದವು. ಇದರಲ್ಲಿ ಎಲ್ಲ ಜೋಡಿಗಳು ತಮ್ಮದೇ ಶೈಲಿಯಲ್ಲಿ ಮೋಡಿ ಮಾಡಿದ್ದವು. ಈ ರಿಯಾಲಿಟಿ ಶೋನಲ್ಲಿ 10 ಜೋಡಿಗ ತಮ್ಮ ಪ್ರತಿಭೆಯನ್ನು ತೋರಿಸಿ ಅಂತಿಮವಾಗಿ ಸುನಿಲ್ ಜೋಡಿಗೆ ಕಿರೀಟ ಮುಡಿಗೇರಿದೆ. ಈ ಶೋನಲ್ಲಿ "ಬ್ಯಾಚುಲರ್ಸ್" ಮತ್ತು "ಏಂಜಲ್ಸ್" ತಂಡಗಳ ನಡುವಿನ ಸ್ಪರ್ಧೆಗೆ ಫಿದಾ ಆಗಿದ್ದು, ಹೊಟ್ಟೆ ಹುಣ್ಣಾಗುವಂತೆ ನಕ್ಕು ನಲಿದ ಅದೆಷ್ಟೋ ನೆನಪುಗಳನ್ನು ಹೊತ್ತಿದೆ.
Click it and Unblock the Notifications
Sign in with Google