Artificial intelligence: ಟಿವಿ ಸಿರೀಸ್ ಕಾರ್ಯಕ್ರಮದಲ್ಲಿ ಎಐ ಬಳಸಿದ ನೆಟ್ಫ್ಲಿಕ್ಸ್
Artificial intelligence:ಎಐ ತಂತ್ರಜ್ಞಾನ ಎಲ್ಲ ವಲಯಗಳನ್ನು ಕ್ರಮೇಣ ಆವರಿಸುತ್ತಿದೆ. ಇದೀಗ ಟಿವಿ ಕಾರ್ಯಕ್ರಮವನ್ನು ಆವರಿಸಿದೆ. ಹೌದು, ನೆಟ್ಫ್ಲಿಕ್ಸ್ ತನ್ನ ಟಿವಿ ಕಾರ್ಯಕ್ರಮಗಳ ಪೈಕಿ ಒಂದರಲ್ಲಿ ಮೊದಲ ಬಾರಿಗೆ 'ಜನರೇಟಿವ್ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ' ತಂತ್ರಜ್ಞಾನದಿಂದ ನಡೆಸಲ್ಪಡುವ ದೃಶ್ಯಗಳನ್ನು ಬಳಸಿದೆ. ಈ ಬಳಕೆ ಬಗ್ಗೆ ನೆಟ್ಫ್ಲಿಕ್ಸ್ ಒಪ್ಪಿಕೊಂಡಿದೆ. ಅದಲ್ಲದೇ ನೆಟ್ಫ್ಲಿಕ್ ಮನರಂಜನೆ ವಿಷಯ ರಚನೆಯಲ್ಲಿ AI ಬಳಕೆಯನ್ನು ಇದು ಸೂಚಿಸುತ್ತದೆ.
ನೆಟ್ಫ್ಲಿಕ್ಸ್ ಸಹ-ಸಿಇಒ ಟೆಡ್ ಸರಾಂಡೋಸ್ ಅವರು ಈ ಮಾಹಿತಿ ಬಹಿರಂಗಪಡಿಸಿದರು. ಕಳೆದ ವಾರ ಏಪ್ರಿಲ್ನಲ್ಲಿ ಮೊದಲ ಬಾರಿಗೆ ಪ್ರದರ್ಶನಗೊಂಡ ಅರ್ಜೆಂಟೀನಾದ ಸರಣಿ ದಿ ಎಟರ್ನಾಟ್, ಮೂಲ ಸರಣಿ ಅಥವಾ ಚಲನಚಿತ್ರದ ಪ್ರದರ್ಶನದಲ್ಲಿ ಮೊದಲ ಬಾರಿಗೆ GenAI ಬಳಕೆ ಕಾಣಿಸಿದೆ. ನೆಟ್ಫ್ಲಿಕ್ಸ್ ಆಂತರಿಕ ದೃಶ್ಯ ಪರಿಣಾಮಗಳ ಸ್ಟುಡಿಯೋ ಇದೆ. ಅದು AI-ಚಾಲಿತ ಪರಿಕರಗಳನ್ನು ಬಳಸಿಕೊಂಡಿದ್ದನ್ನು ಹಾಗೂ ಪ್ರದರ್ಶನಕ್ಕೆ ಸೃಜನಶೀಲ ಎಐ ಪಾಲುದಾರಿಕೆಯನ್ನು ಅವರು ವಿವರಿಸಿದರು.
ಈ ಟಿವಿ ಪರದೆ ಮೇಲೆ ಪ್ರದರ್ಶನಗೊಂಡ ಸರಣಿಯಲ್ಲಿ ಸಾಂಪ್ರದಾಯಿಕ VFX ದೃಶ್ಯ ಪರಿಣಾಮ ಪರಿಕರಗಳು ಬಳಸಿಲ್ಲ. ಬದಲಾಗಿ ಎಐ ತಂತ್ರಜ್ಞಾನ ಅವಳಡಿಕೆಯಿಂದ 10 ಪಟ್ಟು ವೇಗವಾಗಿ ಪೂರ್ಣಗೊಂಡಿದೆ ಎಂದು ನೆಟ್ಫ್ಲಿಕ್ಸ್ ತಿಳಿಸಿದೆ. ಸಾಂಪ್ರದಾಯಿಕ ತಾಂತ್ರಿಕ ವಿಧಾನಗಳ ಅಳವಡಿಕೆ ಸಿನಿಮಾ ಸಂಪಾದನೆಯಲ್ಲಿ ಮುಖ್ಯ ಪಾತ್ರವಹಿಸಿದೆ. ಈ ಜನರೇಟಿವ್ AI ನಿರ್ಮಾಣ ವೇಗದ ಕೆಲಸಕ್ಕೆ ಫೂರಕವಾಗಿದೆ. ಜೊತೆಗೆ ಕಡಿಮೆ ವೆಚ್ಚದಲ್ಲಿ ಅಗತ್ಯತೆಯನ್ನು ಪೂರೈಸಿಕೊಳ್ಳಬಹುದಾಗಿದೆ ಎಂದು ಕಂಪನಿ ನಂಬಿದೆ.
ಮನರಂಜನೆ ವಲಯದಲ್ಲಿ AI ಬಳಕೆಗೆ ಮಿಶ್ರ ಪ್ರತಿಕ್ರಿಯೆ ಸದ್ಯಕ್ಕಿದೆ. ಈ ತಂತ್ರಜ್ಞಾನ ಬಳಕೆ ಬಗ್ಗೆ ಚಿತ್ರ ವಿಮರ್ಶಕರ ವಿರೋಧವಿದೆ. ಒಪ್ಪಿಗೆ ಇಲ್ಲದೇ ಏನನ್ನು ಬೇಕಾದರ ರಚಿಸಬಹುದು. ಇದರಿಂದ ಮಾನವ ಉದ್ಯೋಗಕ್ಕೆ ಹೊಡೆತ ಬೀಳಲಿದೆ. ಸಿಬ್ಬಂದಿ ಕೆಲಸ ಕಳೆದುಕೊಳ್ಳಲಿದ್ದಾರೆ. 2023 ರ ಹಾಲಿವುಡ್ ಬರಹಗಾರರ ಮುಷ್ಕರದ ಸಮಯದಲ್ಲಿ AI ಒಂದು ಪ್ರಮುಖ ವಿವಾದಾತ್ಮಕ ಅಂಶವಾಗಿತ್ತು. ಸಿನಿಮಾಗಾಗಿ ಬರಹಗಾರರು ಈಗಾಗಲೇ ಬರೆದಿರುವ ಸ್ಕ್ರಿಪ್ಟ್ ಬರೆಯಲು ಅಥವಾ ಎಡಿಟ್ ಮಾಡಲು ಎಐ ಬಳಕೆ ನಿಷೇಧಿಸಲಾಗಿದೆ.
Click it and Unblock the Notifications
Sign in with Google