ಒತ್ತುವರಿ ತೆರವು: ₹300 ಬಾಡಿಗೆ, ಸಾವಿರಾರು ತಳ್ಳುಗಾಡಿ; ಬೆಂಗಳೂರಿನಲ್ಲಿ ಹೊಸ ದಂಧೆ ನಡೀತಿದೆ! ಕರವೇ

300 ರೂ.ನಂತೆ 4000 ಅಂಗಡಿಗಳು ಬಾಡಿಗೆಗೆ; ಹೊಸ ದಂಧೆ

ನಗರದ ಅನೇಕ ವ್ಯಾಪಾರಿಗಳು, ಕೆಲವು ಸಂಘಟನೆಗಳು ಗ್ರೇಟರ್ ಬೆಂಗಳೂರು ಪ್ರಾಧಿಕಾರ (ಜಿಬಿಎ) ನಡೆಸುತ್ತಿರುವ ಪಾದಚಾರಿ ಒತ್ತುವರಿ ತೆರವನ್ನು ವಿರೋಧಿಸುತ್ತಿದ್ದಾರೆ. ಇದರ ನಡುವೆ ಬೆಂಗಳೂರಿನಲ್ಲಿರುವ ಸುಮಾರು 4000 ಅಂಗಡಿಗಳಿಗೆ ಒಬ್ಬನೇ ಮಾಲೀಕನಿದ್ದಾನೆ. ಪ್ರತಿ ಅಂಗಡಿಗೆ ದಿನಕ್ಕೂ 300 ರೂಪಾಯಿಯಂತೆ ಬಾಡಿಗೆ ಪಡೆಯುತ್ತಾರೆ. ಅವೆಲ್ಲ ಅಂಗಡಿಗಳು ರಸ್ತೆ ಬದಿಯೇ ಇರುತ್ತವೆ ಎಂದು ಕರವೇ ನಾರಾಯಣಗೌಡರು ಹೇಳುವ ಮೂಲಕ ಸರ್ಕಾರದ ತೆರವು ಕ್ರಮ ಸರಿಯಾಗಿದೆ ಎಂದು ವಿವರಿಸಿದ್ದಾರೆ.

ಒಂಟಿ ಮಹಿಳೆ ಮನೆಗೆ ನುಗ್ಗಿ ಅಸಭ್ಯ ವರ್ತನೆ; ವೈರಲ್ ವಿಡಿಯೋ ಬಳಿಕ ಡೆಲಿವರಿ ಬಾಯ್ ಬಂಧನ, Flipkart ಪ್ರತಿಕ್ರಿಯೆ

ಪ್ರತಿ ವ್ಯಾಪಾರಕ್ಕೊಬ್ಬ ಬೇರೆ ರಾಜ್ಯದ ವ್ಯಕ್ತಿ ಮಾಲೀಕ

ಯುಪಿ ಮೂಲದ ವ್ಯಕ್ತಿಯ ವಾಹನಗಳನ್ನು ದಿನಕ್ಕೂ 300 ರೂಪಾಯಿ ಯಂತೆ ಬಾಡಿಗೆ ಪಡೆಯುತ್ತಾರೆ. ಪ್ರತಿ ಅಂಗಡಿ ವ್ಯಾಪಾರದಲ್ಲಿ ಬಿಹಾರಿ, ಯುಪಿ, ಹರಿಯಾಣ ವ್ಯಕ್ತಿಗಳೇ ಇರುತ್ತಾರೆ. ಅವರು ರಸ್ತೆಬದಿ ಎಲ್ಲೆಂದರಲ್ಲಿ ಅಂಗಡಿಇಟ್ಟಿದ್ದಾರೆ. ಇದೆಲ್ಲವೊಂದು ಬೆಂಗಳೂರಿನಲ್ಲಿ ಒಂದು ದಂಧೆಯಾಗಿ ಮಾರ್ಪಟ್ಟಿದೆ ಎಂದು ಅವರು ಹೇಳಿದರು.

ಒತ್ತುವರಿ ತೆರವು ಬೇಡ್ವಾ? ಕರವೇ ಪ್ರಶ್ನೆ

ಇವರುಗಳ ಪಾದಾಚಾರಿಗಳ ಜಾಗ ಒತ್ತುವರಿ ಆಗುತ್ತಿದೆ. ರಸ್ತೆ ವ್ಯಾಪಾರದಿಂದ ಸ್ಥಳೀಯರಿಗೆ ತೊಂದರೆ ಆಗುತ್ತಿದೆ. ಅಪಾಘಾತಗಳು, ಅಹಿಕರ ಘಟನೆಗಳು ಹೆಚ್ಚಾಗುತ್ತಿವೆ. ಈಗ ಹೇಳಿ ಇಂತಹ ಪಾದಾಚಾರಿ ಒತ್ತುವರಿ ತೆರವು ಬೇಡವಾ? ಎಂದು ಜನರನ್ನು ಕರವೇ ನಾರಾಯಣಗೌಡರು ಪ್ರಶ್ನಿಸಿದ್ದಾರೆ.

ಒತ್ತುವರಿ ತೆರವು ಮಾಡುತ್ತಿರುವ ನಿಮ್ಮ ನಡೆ ಸರಿಯಾಗಿದೆ ಎಂದು ಇತ್ತೀಚೆಗೆ ಬೆಂಗಳೂರು ನಗರಾಭಿವೃದ್ಧಿ ಸಚಿವ ಕೃಷ್ಣ ಬೈರೇಗೌಡ ಅವರಿಗೆ ಕರವೇ ನಾರಾಯಣಗೌಡರು ಬೆಂಬಲ ವ್ಯಕ್ತಪಡಿಸಿದ್ದರು. ಒಟ್ಟಾರೆ ಬೆಂಗಳೂರಿನ ಶೇ. 10-20ರಷ್ಟು ರಸ್ತೆಗಳಲ್ಲಿ ಮಾತ್ರವೇ ಒತ್ತುವರಿ ತೆರವು ಮಾಡಲಾಗುತ್ತಿದೆ. ಯಾರಿಗೂ ಹೆದರದೇ ನೀವು ತೆರವು ಕಾರ್ಯ ಮುಂದುವರಿಸಿ ಎಂದು ತಿಳಿಸಿದ್ದಾರೆ.