Arecanut Price: ₹52,000 ದಾಟಿದ ಅಡಿಕೆ ಬೆಲೆ; ಕೊಬ್ಬರಿ ಧಾರಣೆ ಹೇಗಿದೆ ನೋಡಿ

ಅಂತೂ ಇಂತೂ ಅಡಿಕೆ ಬೆಲೆ ಏರಿಕೆಯ ಹಾದಿಗೆ ಮರಳಿದೆ. ಹಲವು ತಿಂಗಳಿಂದ ₹50,000 ದಾಟಲೂ ಕಷ್ಟಪಡುತ್ತಿದ್ದ ರಾಶಿ ಅಡಿಕೆ ಬೆಲೆ, ಕಳೆದ ವಾರದಿಂದ ನಿರಂತರವಾಗಿ ಏರಿಕೆಯಾಗುತ್ತಿದೆ. ₹50,000 ಗಡಿ ದಾಟಿರುವ ಅಡಿಕೆ ಬೆಲೆ ಸದ್ಯ ₹52,000 ಆಸುಪಾಸಿಗೆ ಬಂದು ನಿಂತಿದ್ದು, ಮುಂದಿನ ದಿನಗಳಲ್ಲಿ ಮತ್ತಷ್ಟು ಏರಿಕೆಯಾಗುವ ಸಾಧ್ಯತೆ ಇದೆ.

ಶನಿವಾರ ಚನ್ನಗಿರಿ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆ ಧಾರಣೆ ಗರಿಷ್ಠ ₹51,999 ತಲುಪಿತ್ತು. ಚಿತ್ರದುರ್ಗ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆ ಧಾರಣೆ ಕನಿಷ್ಠ ₹50,139 ಇದ್ದರೆ ಗರಿಷ್ಠ ₹50,569 ಆಗಿತ್ತು.

ಸಿದ್ದಾಪುರ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆ ಕನಿಷ್ಠ ₹46,699 ಗರಿಷ್ಠ ₹48,929 ಮಾರಾಟವಾಗಿದೆ. ಸೊರಬ ಮಾರುಕಟ್ಟೆಯಲ್ಲಿ ಕನಿಷ್ಠ ₹29,500 ಇದ್ದರೆ ಗರಿಷ್ಠ ₹50,599 ಆಗಿತ್ತು. ತೀರ್ಥಹಳ್ಳಿ ಮಾರುಕಟ್ಟೆಯಲ್ಲಿ ಸರಕು ಅಡಿಕೆ ಧಾರಣೆ ಕನಿಷ್ಠ ₹51,899 ಇದ್ದರೆ ಗರಿಷ್ಠ ₹84,300 ಆಗಿತ್ತು. ಇನ್ನು ರಾಶಿ ಅಡಿಕೆ ಧಾರಣೆ ಕನಿಷ್ಠ ₹30,669 ಇದ್ದರೆ ಗರಿಷ್ಠ ₹52,299 ಕ್ಕೆ ಮಾರಾಟವಾಗಿದೆ.

ವಿವಿಧ ಮಾರುಕಟ್ಟೆಗಳಲ್ಲಿ ಅಡಿಕೆ ಧಾರಣೆ (ಕ್ವಿಂಟಾಲ್‌ಗೆ)

ಕೊಬ್ಬರಿ ಧಾರಣೆ ಹೇಗಿದೆ?

ರಾಜ್ಯದ ವಿವಿಧ ಮಾರುಕಟ್ಟೆಗಳಲ್ಲಿ ಕೊಬ್ಬರಿ ಧಾರಣೆ ಅಲ್ಪ ಕುಸಿತ ಕಂಡಿದೆ. ನಾಫೆಡ್‌ನಿಂದ ಕೊಬ್ಬರಿ ಧಾರಣೆ ಏರಿಕೆಯಾಗದೇ ಇರುವುದು ತೆಂಗು ಬೆಳೆಗಾರರ ಆತಂಕಕ್ಕೆ ಕಾರಣವಾಗಿದೆ. ತಿಪಟೂರು ಮಾರುಕಟ್ಟೆಯಲ್ಲಿ ಕ್ವಿಂಟಲ್ ಕೊಬ್ಬರಿಗೆ ಕನಿಷ್ಠ ₹8,200 ಇದ್ದರೆ ಗರಿಷ್ಠ ₹9,000 ಕ್ಕೆ ಮಾರಾಟವಾಗಿದೆ. ಕೆ ಆರ್ ಪೇಟೆ ಮಾರುಕಟ್ಟೆಯಲ್ಲಿ ಗರಿಷ್ಠ ₹8,500 ಗರಿಷ್ಠ ₹9,350 ಕ್ಕೆ ಮಾರಾಟವಾಗಿದೆ.

ಕೊಬ್ಬರಿ ಧಾರಣೆ (ಕ್ವಿಂಟಾಲ್‌ಗೆ)

English summary

Arecanut prices have surged to ₹52,000 in Karnataka markets, continuing their upward trajectory from last week. Arecanut farmers can anticipate further price increases in the coming days. here the arecanut and copra price details.