Tirupati Ticket in Airport: ತಿರುಪತಿ ವಿಮಾನ ನಿಲ್ದಾಣದಲ್ಲಿ ಸಿಗುತ್ತೆ ಶ್ರೀವಾರಿ ದರ್ಶನ ಟಿಕೆಟ್

Updated: Friday, March 15, 2024, 12:16 [IST]

ವೆಂಕಟೇಶ್ವರನ ದರ್ಶನಕ್ಕೆ ಆಗಮಿಸುವ ಪ್ರಯಾಣಿಕರಿಗೆ ಅನುಕೂಲವಾಗುವಂತೆ ತಿರುಮಲ ತಿರುಪತಿ ದೇವಸ್ಥಾನಂ (ಟಿಟಿಡಿ) ಬುಧವಾರದಿಂದ ತಿರುಪತಿ ವಿಮಾನ ನಿಲ್ದಾಣದಲ್ಲಿ ಶ್ರೀವಾರಿ ದರ್ಶನ ಟಿಕೆಟ್ ಕೌಂಟರ್ ಅನ್ನು ಪುನರಾರಂಭಿಸಿದೆ.

ಒಂದು ವರ್ಷದ ಹಿಂದೆ ವಿಮಾನ ನಿಲ್ದಾಣದಲ್ಲಿ ಈ ಕೌಂಟರ್ ತೆರೆಯಲಾಗಿತ್ತು. ಪ್ರತಿನಿತ್ಯ ಸುಮಾರು ನೂರು ಶ್ರೀವಾರಿ ಟಿಕೆಟ್‌ಗಳನ್ನು ಪ್ರವಾಸಿಗರಿಗೆ ಲಭ್ಯವಾಗುವಂತೆ ಮಾಡಲಾಗಿತ್ತು. ಆದರೆ ಅನುಮತಿ ಇಲ್ಲದ ಕಾರಣ ವಿಮಾನ ನಿಲ್ದಾಣದಲ್ಲಿ ಕೌಂಟರ್ ಅನ್ನು ಏಕಾಏಕಿ ಮುಚ್ಚಲಾಗಿತ್ತು. ಇದನ್ನು ತಿರುಮಲದಲ್ಲಿರುವ ಗೋಕುಲಂ ಅತಿಥಿ ಗೃಹಕ್ಕೆ ಸ್ಥಳಾಂತರಿಸಲಾಗಿತ್ತು.

TTD Srivari Darshan tickets are available at Tirupati Airport

ಆಗದೀಗ ಟಿಟಿಡಿ ಎಲ್ಲಾ ವಿಧಾನಗಳನ್ನು ಅನುಸರಿಸುವುದರೊಂದಿಗೆ ವಿಮಾನ ನಿಲ್ದಾಣದಲ್ಲಿ ಮತ್ತೆ ಕೌಂಟರ್ ತೆರೆಯಲಾಗಿದೆ. ಅಧಿಕಾರಿಗಳು ವಿಮಾನ ನಿಲ್ದಾಣದ ಆವರಣದಲ್ಲಿ ಟಿಕೆಟ್ ವಿತರಣಾ ಕೌಂಟರ್ ಪುನರಾರಂಭಕ್ಕೆ ತಮ್ಮ ಒಪ್ಪಿಗೆ ನೀಡಿದ್ದಾರೆ. ಹೀಗಾಗಿ ತಿರುಪತಿಗೆ ಆಗಮಿಸುವ ಭಕ್ತರಿಗೆ ಇದು ಸುಲಭವಾಗಿದೆ.

ವಿಐಪಿ ದರ್ಶನ ಟಿಕೆಟ್ ಅನ್ನು ಸ್ಥಗಿತಗೊಳಿಸಿದೆ ಟಿಟಿಡಿ

ಲೋಕಸಭಾ ಚುನಾವಣೆಗೆ ಸಂಬಂಧಿಸಿದಂತೆ ಶೀಘ್ರದಲ್ಲೇ ಮಾದರಿ ನೀತಿ ಸಂಹಿತೆ ಜಾರಿಯಾಗುವ ನಿರೀಕ್ಷೆಯಲ್ಲಿ ಮಾರ್ಚ್ 15 ರಂದು ವಿಐಪಿ ಬ್ರೇಕ್ ದರ್ಶನ ಟಿಕೆಟ್ ನೀಡುವಿಕೆಯನ್ನು ಟಿಟಿಡಿ ಸ್ಥಗಿತಗೊಳಿಸಿದೆ.

ಭೂಮನ ಕರುಣಾಕರ್ ರೆಡ್ಡಿ ಅವರ ಅಧ್ಯಕ್ಷತೆಯಲ್ಲಿ ಸೋಮವಾರ ನಡೆದ ಟಿಟಿಡಿ ಟ್ರಸ್ಟ್ ಬೋರ್ಡ್ ಸಭೆಯಲ್ಲಿ ಕೆಲವು ಪ್ರಮುಖ ನಿರ್ಣಯಗಳನ್ನು ಅಂಗೀಕರಿಸಲಾಯಿತು. ತಿರುಮಲದಲ್ಲಿರುವ 184 ನೌಕರರ ವಸತಿ ಗೃಹಗಳ ನವೀಕರಣಕ್ಕಾಗಿ ಟ್ರಸ್ಟ್ ಬೋರ್ಡ್ 14 ಕೋಟಿ ಮಂಜೂರು ಮಾಡಿದೆ.

ತಿರುಮಲ ಶ್ರೀಗಳ ದರ್ಶನ ಪಡೆದ 'ಗೋಲ್ಡ್ ಮ್ಯಾನ್'

ತಿರುಮಲ ಶ್ರೀವಾರಿ ಹೋಪ್ ಫೌಂಡೇಶನ್ ಅಧ್ಯಕ್ಷ, ಹಾಕಿ ಅಧ್ಯಕ್ಷ ಕೊಂಡ ವಿಜಯ್ ಕುಮಾರ್ ಅಲಿಯಾಸ್ ಬಂಗಾರು ಬಾಬು ಭೇಟಿ ನೀಡಿದರು. ವಿಐಪಿ ಬ್ರೇಕ್ ದರ್ಶನದಲ್ಲಿ ಸ್ವಾಮಿಯ ಸೇವೆಯಲ್ಲಿ ಪಾಲ್ಗೊಂಡರು. ಬಂಗೂರಬಾಬು ಅವರೊಂದಿಗೆ ಸೆಲ್ಫಿ ತೆಗೆದುಕೊಳ್ಳಲು ಭಕ್ತರು ಪೈಪೋಟಿ ನಡೆಸಿದರು.

ದೇವಸ್ಥಾನದಲ್ಲಿ ಮಾಕ್ ಡ್ರಿಲ್

ತಿರುಮಲ ಶ್ರೀವಾರಿ ದೇವಸ್ಥಾನದಲ್ಲಿ ಮಾಕ್ ಡ್ರಿಲ್ ನಡೆಸಲಾಯಿತು. ಎನ್‌ಎಸ್‌ಜಿ (ನ್ಯಾಷನಲ್ ಸೆಕ್ಯುರಿಟಿ ಗಾರ್ಡ್) ಮತ್ತು ಎಪಿ ಆಕ್ಟೋಪಸ್ ತಂಡದೊಂದಿಗೆ ತಿರುಮಲ ದೇವಸ್ಥಾನದಲ್ಲಿ ಮಾಕ್ ಡ್ರಿಲ್ ನಡೆಸಲಾಯಿತು. ಇದರಲ್ಲಿ 140 ಎನ್‌ಎಸ್‌ಜಿ ಮತ್ತು 40 ಎಪಿ ಆಕ್ಟೋಪಸ್ ತಂಡದೊಂದಿಗೆ ಟಿಟಿಡಿ ವಿಜಿಲೆನ್ಸ್ ಮತ್ತು ಎಪಿ ಪೊಲೀಸರು ಭಾಗವಹಿಸಿದ್ದರು. ಶ್ರೀವಾರಿ ದೇಗುಲದಲ್ಲಿ ಏಕಾಂತ ಸೇವೆ ಮುಗಿಸಿ ಭಕ್ತರಿಲ್ಲದ ವೇಳೆ ಮಾಕ್ ಡ್ರಿಲ್ ನಡೆಸಿದರು.

ಟ್ರಸ್ಟ್ 479 addl ನರ್ಸ್ ಪೋಸ್ಟ್‌ಗಳನ್ನು ಅನುಮೋದನೆ

ಅಗತ್ಯವಿರುವವರಿಗೆ ಉತ್ತಮ ವೈದ್ಯಕೀಯ ಸೇವೆಗಳನ್ನು ನೀಡಲು ಶ್ರೀ ವೆಂಕಟೇಶ್ವರ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯಲ್ಲಿ (SVIMS) 479 ಹೆಚ್ಚುವರಿ ನರ್ಸ್ ಹುದ್ದೆಗಳನ್ನು ರಚಿಸಲು ಟ್ರಸ್ಟ್ ಅನುಮೋದನೆ ನೀಡಿದೆ. ರಾಜ್ಯ ಸರ್ಕಾರದ ಇತ್ತೀಚಿನ ಜಿಒ ಪ್ರಕಾರ ಕೆಲವು ಉದ್ಯೋಗಿಗಳ ಸೇವೆಗಳನ್ನು ಕಾಯಂಗೊಳಿಸಲು ಟಿಟಿಡಿ ನಿರ್ಧರಿಸಿದೆ.