Railway Ticket New Rule: ರೈಲು ಪ್ರಯಾಣಿಕರು ಮತ್ತು ಅವರನ್ನು ನಿಲ್ದಾಣಕ್ಕೆ ಬಿಡಲು ಬರುವವರಿಗೆ ಸಿಹಿ ಸುದ್ದಿ!
ನವದೆಹಲಿ, ಏಪ್ರಿಲ್. 30: ಪ್ರಯಾಣಿಕರ ಅನುಕೂಲಕ್ಕಾಗಿ ಭಾರತೀಯ ರೈಲ್ವೇಯು ಹಲವು ಹೊಸ ಹೊಸ ಯೋಜನೆಗಳು ಮತ್ತು ಅಪ್ಡೇಟ್ಗಳನ್ನು ನೀಡುತ್ತಲೆ ಇರುತ್ತದೆ. ಸದ್ಯಕ್ಕೆ ತಕ್ಷಣದಿಂದಲೇ ಜಾರಿಗೆ ಬರುವಂತೆ ಮೊಬೈಲ್ ಅಪ್ಲಿಕೇಶನ್ನಲ್ಲಿ ಪ್ರಯಾಣ ಮತ್ತು ಪ್ಲಾಟ್ಫಾರ್ಮ್ ಟಿಕೆಟ್ ಬುಕ್ ಮಾಡಲು ವಿಧಿಸಿದ್ದ ಬಾಹ್ಯ ನಿರ್ಬಂಧವನ್ನು ತೆಗೆದುಹಾಕಿದೆ ಎಂದು ವರದಿಯಾಗಿದೆ.
ಈಗ, ಪ್ರಯಾಣಿಕರು ತಮ್ಮ ಮನೆಯಲ್ಲಿ ಕುಳಿತು ಯಾವುದೇ ನಿಲ್ದಾಣದಿಂದ ಕಾಯ್ದಿರಿಸದ ಮತ್ತು ಪ್ಲಾಟ್ಫಾರ್ಮ್ ಟಿಕೆಟ್ಗಳನ್ನು ಬುಕ್ ಮಾಡಲು ಸಾಧ್ಯವಾಗುತ್ತದೆ ಎಂದು ಹೇಳಿದ್ದಾರೆ. ಈ ಬಗ್ಗೆ ಮಾಹಿತಿ ನೀಡಿದ್ದಾರೆ ಎಂದು ಹಿರಿಯ ವಿಭಾಗೀಯ ವಾಣಿಜ್ಯ ವ್ಯವಸ್ಥಾಪಕ ಸೌರಭ್ ಕಟಾರಿಯಾ ಅವರನ್ನು ಟೈಮ್ಸ್ ಆಫ್ ಇಂಡಿಯಾ ಉಲ್ಲೇಖಿಸಿದೆ.
ಜಿಯೋ ಫೆನ್ಸಿಂಗ್ ನಿರ್ಬಂಧ ಕಡಿತ
ಜಿಯೋ ಫೆನ್ಸಿಂಗ್ನ ಆಂತರಿಕ ಮಿತಿಯು ಬದಲಾಗದೆ ಉಳಿಯುತ್ತದೆ. ಇದು ನಿಲ್ದಾಣದ ಆವರಣ ಮಾತ್ರ ಇರುತ್ತದೆ. ಆದರೆ, ಪ್ರಯಾಣಿಕರಿಗೆ ಹೊರಗಿನಿಂದ ಮಾತ್ರ ಟಿಕೆಟ್ ಕಾಯ್ದಿರಿಸಲು ಅವಕಾಶವಿರುತ್ತದೆ. ಈ ಹಿಂದೆ, ಈ ಹೊರ ಗಡಿ ಜಿಯೋ ಫೆನ್ಸಿಂಗ್ ದೂರದ ನಿರ್ಬಂಧವು 50 ಕಿಮೀ ಆಗಿತ್ತು ಎಂದು ವರದಿ ತಿಳಿಸಿದೆ.
ಇದರರ್ಥ ಪ್ರಯಾಣಿಕರು ಮೊಬೈಲ್ ಸ್ಥಳದಿಂದ 50 ಕಿಮೀ ವ್ಯಾಪ್ತಿಯಲ್ಲಿರುವ ನಿಲ್ದಾಣದಿಂದ ಕಾಯ್ದಿರಿಸದ / ಪ್ಲಾಟ್ಫಾರ್ಮ್ ಟಿಕೆಟ್ ಅನ್ನು ಬುಕ್ ಮಾಡಲು ಸಾಧ್ಯವಾಗುತ್ತಿತ್ತು. ಆದರೆ, ಈಗ ಈ ನಿರ್ಬಂಧವನ್ನು ಸಂಬಂಧಪಟ್ಟ ಅಧಿಕಾರಿಗಳು ತೆಗೆದುಹಾಕಿದ್ದಾರೆ. ಹೀಗಾಗಿ ಮನೆಯಿಂದಲೇ ರೈಲು ಟಿಕೆಟ್ಗಳನ್ನು, ಪ್ಲಾಟ್ಫಾರ್ಮ್ ಟಿಕೆಟ್ಗಳನ್ನು ಬುಕ್ ಮಾಡಲು ಅವಕಾಶವಿದೆ.
ಇದಲ್ಲದೆ, ರೈಲ್ವೆಯು ಇಂಟರ್ನೆಟ್ ಸಂಪರ್ಕವನ್ನು ಹೊಂದಿರುವ ಮೊಬೈಲ್ ಫೋನ್ಗಳ ಮೂಲಕ UTS ಟಿಕೆಟ್ಗಳನ್ನು ಕಾಯ್ದಿರಿಸಲು ಅನುಕೂಲ ಮಾಡಿಕೊಡುತ್ತಿದೆ. ಈ ಮೂಲಕ ಪ್ರಯಾಣಿಕರು ಇನ್ನು ಮುಂದೆ ತಮ್ಮ ಸ್ಮಾರ್ಟ್ಫೋನ್ಗಳ ಸಹಾಯದಿಂದ ಕಾಯ್ದಿರಿಸದ ಟಿಕೆಟ್ಗಳನ್ನು ಕಾಯ್ದಿರಿಸಲು ಉದ್ದನೇ ಸರದಿ ಸಾಲಿನಲ್ಲಿ ನಿಲ್ಲುವ ಅಗತ್ಯವಿಲ್ಲ.
ಬಳಕೆದಾರ ಸ್ನೇಹಿ ಮತ್ತು ನ್ಯಾವಿಗೇಟ್ ಮಾಡಲು ಸುಲಭವಾದ ಯುಟಿಎಸ್ ಮೊಬೈಲ್ ಅಪ್ಲಿಕೇಶನ್ ಪ್ರಯಾಣಿಕರಿಂದ ಸಕಾರಾತ್ಮಕ ಪ್ರತಿಕ್ರಿಯೆಗಳನ್ನು ಪಡೆಯುತ್ತಿದೆ. ವಿಶೇಷವಾಗಿ ಸ್ಥಳೀಯ ರೈಲುಗಳಲ್ಲಿ ಆಗಾಗ್ಗೆ ಪ್ರಯಾಣಿಸುವ ಅಥವಾ ಕಾಯ್ದಿರಿಸದ ಟಿಕೆಟ್ಗಳನ್ನು ಕಾಯ್ದಿರಿಸುವ ಅಗತ್ಯವಿರುವ ರೈಲು ಬಳಕೆದಾರರು ಇದರಿಂದ ತುಂಬಾ ಖುಷಿಯಾಗಿದ್ದಾರೆ.
ಹೊರಗಿನ ಮಿತಿಯ ಜಿಯೋ-ಫೆನ್ಸಿಂಗ್ ನಿರ್ಬಂಧವನ್ನು
ತೆಗೆದುಹಾಕುವುದರೊಂದಿಗೆ ರೈಲ್ವೆಯು ಪ್ರಯಾಣಿಕರ ಅನುಕೂಲಕ್ಕಾಗಿ ಮತ್ತು ಡಿಜಿಟಲೀಕರಣದ ಕಡೆಗೆ ಮತ್ತೊಮ್ಮೆ ಮತ್ತೊಂದು ಹೆಜ್ಜೆ ಇಟ್ಟಿದೆ. ಇತ್ತೀಚಿನ ನಿರ್ಧಾರವು ಯುಟಿಎಸ್ ಮೊಬೈಲ್ ಅಪ್ಲಿಕೇಶನ್ನ ಸಹಾಯದಿಂದ ಹೆಚ್ಚಿನ ಪ್ರಯಾಣಿಕರನ್ನು ತಮ್ಮ ಟಿಕೆಟ್ಗಳನ್ನು ಕಾಯ್ದಿರಿಸಲು ಉತ್ತೇಜಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಇದರಿಂದಾಗಿ ಟಿಕೆಟ್ ಕೌಂಟರ್ಗಳಲ್ಲಿ ಉದ್ದನೇಯ ಸರತಿ ಸಾಲುಗಳು ಕಂಡು ಬರುವುದಿಲ್ಲ ಎಂದು ಅಧಿಕಾರಿಗಳು ವಿಶ್ವಾಸ ವ್ಯಕ್ತಪಡಿಸುತ್ತಾರೆ.
ಇತ್ತೀಚೆಗೆ, ರೈಲ್ವೇಯು UTSonMobile ಅಪ್ಲಿಕೇಶನ್ನಲ್ಲಿನ ಜಿಯೋಫೆನ್ಸಿಂಗ್ ನಿರ್ಬಂಧಗಳನ್ನು ತೆಗೆದುಹಾಕಿದೆ. ಇದು ಈಗ ಬಳಕೆದಾರರಿಗೆ ಯಾವುದೇ ಸ್ಥಳದಿಂದ ಯಾವುದೇ ಗಮ್ಯಸ್ಥಾನಕ್ಕೆ ಟಿಕೆಟ್ಗಳನ್ನು ಬುಕ್ ಮಾಡಲು ಅನುಮತಿಸುತ್ತದೆ. ಪ್ರಸ್ತುತ 25% ಪ್ರಯಾಣಿಕರು ಅಪ್ಲಿಕೇಶನ್ ಅನ್ನು ಬಳಸುತ್ತಿದ್ದು, ಈ ಪ್ರಮುಖ ಬದಲಾವಣೆಯು ಜನಸಾಮಾನ್ಯರಲ್ಲಿ ಅಪ್ಲಿಕೇಶನ್ನ ಬಳಕೆಯನ್ನು ಹೆಚ್ಚಿಸುವ ನಿರೀಕ್ಷೆಯಿದೆ.
Click it and Unblock the Notifications
Sign in with Google